റഫാലിൽ എഫ്​.​െഎ.ആർ ആവശ്യപ്പെട്ട്​ സിൻഹ, ഷൂരി, ഭൂഷൺ എന്നിവർ സുപ്രീംകോടതിയിൽ

ന്യൂഡൽഹി: ഇന്ത്യയും ഫ്രാൻസും തമ്മിലുള്ള​ റഫാൽ പോർവിമാന ഇടപാടിൽ എഫ്​.​െഎ.ആർ രജിസ്​റ്റർ ചെയ്യണമെന്നാവശ്യപ്പെട്ട്​ മുൻ കേന്ദ്രമന്ത്രിമാരായ യശ്വന്ത്​ സിൻഹ, അരുൺ ഷൂരി, സുപ്രീംകോടതി അഭിഭാഷകൻ പ്രശാന്ത്​ ഭൂഷൺ എന്നിവർ സുപ്രീംകോടതിയെ സമീപിച്ചു.

പരാതിയിൽ പറയുന്ന കാര്യങ്ങൾ സി.ബി.​െഎയെക്കൊണ്ട്​ അന്വേഷിപ്പിക്കണമെന്നും സമയബന്ധിതമായി ഇതി​​​െൻറ റിപ്പോർട്ട്​ സുപ്രീംകോടതിയിൽ സമർപ്പിക്കാൻ നിർദേശം നൽകണമെന്നുമാണ്​ മൂവരുടെയു​ം ആവശ്യം.

സി.ബി.​െഎ ഡയറക്​ടർ അലോക്​ വർമക്ക്​ ഇൗ മാസം നാലിന്​ ഇതു സംബന്ധിച്ച്​ നേരിട്ട്​ പരാതി നൽകിയിരുന്നുവെന്നും അവർ ഹരജിയിൽ വ്യക്​തമാക്കി.