കർഷകന്​ കിട്ടിയത്​ 30 ലക്ഷം രൂപയുടെ വജ്രം; രണ്ടുവർഷത്തിനിടെ ഇത്​ ആറാം തവണ

പന്ന (മധ്യപ്രദേശ്​): സർക്കാറിൽനിന്ന്​ പാട്ടത്തിനെടുത്ത ഭൂമിയിൽ നടത്തിയ ഖനനത്തിൽ മധ്യപ്രദേശിലെ കർഷകന്​ ലഭിച്ചത്​ 6.47 കാരറ്റ്​ തൂക്കമുള്ള വജ്രം. രാജ്യത്ത്​ വജ്രനിക്ഷേപമുള്ള പന്ന ജില്ലയിലെ ജരുവപുർ ഗ്രാമത്തിലെ ഖനനഭൂമിയിൽ നിന്ന്​ പ്രകാശ്​ മജുംദാർ എന്ന കർഷകനാണ്​ 30ലക്ഷം രൂപ വിലമതിക്കുന്ന വജ്രം കിട്ടിയതെന്ന്​ മൈനിങ്​ ഓഫിസറായ നൂതൻ ജയ്​ൻ പറഞ്ഞു. രണ്ട്​ വർഷത്തിനിടെ ഇത്​ ആറാം തവണയാണ്​ പ്രകാശ്​ മജുംദാറിന്​ പാട്ടത്തിനെടുത്ത ഭൂമിയിൽ നിന്ന്​ വജ്രം ലഭിക്കുന്നത്​.

പ്രകാശിന്​ ലഭിച്ച വജ്രം അടുത്ത ലേലത്തിൽ വെക്കുമെന്നും അപ്പോൾ കൂടുതൽ വില ലഭിക്കാൻ സാധ്യതയു​​ണ്ടെന്നും നൂതൻ ജയ്​ൻ പറഞ്ഞു. ലേലത്തില്‍ ലഭിക്കുന്ന തുകയില്‍ നിന്ന് 11 ശതമാനം നികുതിയും സർക്കാറി​െൻറ റോയൽറ്റിയും എടുത്ത ശേഷം ബാക്കി തുക പ്രകാശിന് കൈമാറും. കിട്ടുന്ന തുക താനും നാല്​ പാർട്​ണർമാരും പങ്കുവെക്കുമെന്ന്​ പ്രകാശ്​ പറഞ്ഞു.

കഴിഞ്ഞ വർഷം പ്രകാശിനും കൂട്ടർക്കും 7.44 കാരറ്റ്​ തൂക്കമുള്ള വജ്രം ലഭിച്ചിരുന്നു. ഇതുകൂടാരെ രണ്ട്​ മുതൽ രണ്ടര കാരറ്റ്​ വരെ തൂക്കമുള്ള നാല്​ വജ്രങ്ങൾ കൂടി ഇവർക്ക്​ ലഭിച്ചിട്ടുണ്ട്​. ഭോപ്പാലില്‍ നിന്ന് 413 കിലോമീറ്റര്‍ അകലെയുള്ള പന്ന ജില്ലയിൽ 12 ലക്ഷം കാരറ്റി​െൻറ വജ്രനിക്ഷേപമുണ്ടെന്നാണ്​ കണക്കാക്കിയിരിക്കുന്നത്​. വിവിധ ഗ്രാമങ്ങളിലുള്ള വജ്രഖനികൾ കർഷകർക്കും തൊഴിലാളികൾക്കും പാട്ടത്തിന്​ നൽകിയിരിക്കുകയാണ്​ സംസ്​ഥാന സർക്കാർ. ഇവിടെ നടത്തുന്ന ഖനനത്തിൽ ലഭിക്കുന്ന വജ്രങ്ങൾ ജില്ലാ മൈനിങ്​ ഓഫിസർക്ക്​ കൈമാറുകയാണ്​ ​വേണ്ടത്​. തുടർന്ന്​ ഇവ ലേലത്തിൽ വിറ്റ്​, നികുതിയും സർക്കാർ റോയൽറ്റിയും കഴിഞ്ഞുള്ള തുക കണ്ടെടുത്തവർക്ക്​ നൽകുകയാണ്​ ​െചയ്യുന്നത്​.