You are here

തമിഴ്നാട്ടിലേത് പോലെ ഗവർണറുടെ ഒാഫീസ് മോദി ദുരുപയോഗം ചെയ്തു -സ്​റ്റാലിൻ

15:59 PM
17/05/2018
stalin

ചെന്നൈ: കർണാടകയിൽ സർക്കാർ രൂപീകരണത്തിന് ബി.ജെ.പിയെ ക്ഷണിച്ച നടപടിയിൽ പ്രതിഷേധം ശക്തമാകുന്നു. തമിഴ്​നാട്ടിൽ മുമ്പ് ചെയ്തത് പോലെ പ്രധാനമന്ത്രി നരേന്ദ്രമോദി    കർണാടക ഗവർണറുടെ ഒാഫീസും ദുരുപേയോഗം ​ചെയ്തെന്ന് ഡി.എം.കെ വർക്കിങ്​ പ്രസിഡൻറ്​ എം.കെ. സ്​റ്റാലിൻ കുറ്റപ്പെടുത്തി. ഇത് നിയമസംഹിതക്കും ​ ജനാധിപത്യത്തിനും എതിരാണെന്നും സംഭവത്തിൽ ഡി.എം.കെ അപലപിക്കുന്നുവെന്നും അദ്ദേഹം കൂട്ടിച്ചേർത്തു. 

യെദിയൂരപ്പ അധികാരമേറ്റതിനെ ഭരണഘടനയുടെ തകർച്ചയായാണ് കാണുന്നതെന്ന് ബി.എസ്.പി നേതാവ് മായാവതി വിശേഷിപ്പിച്ചു. സ്വാതന്ത്ര്യത്തി​​െൻറ മരണമാണ് കർണാടകയിൽ സംഭവിച്ചതെന്നായിരുന്നു എസ്.പി നേതാവ് അഖിലേഷ്​ യാദവിന്‍റെ പ്രതികരണം. 

ഗവർണർ ഭരണഘടനക്ക് വിരുദ്ധമായാണ്​ പ്രവർത്തിച്ചതെന്ന്​ പഞ്ചാബ്​ മുഖ്യമന്ത്രി അമരീന്ദർ സിങും​ അഭിപ്രായപ്പെട്ടു. സർക്കാർ പറയുന്നതുപോ​െല പ്രവർത്തിക്കുകയാണ്​ ഗവർണറുടെ ചുമതല. ഗവർണർ ഒരു ആർ.എസ്​.എസ്​ അംഗവും ഗുജറാത്തിൽ മോദി ഭരണകാലത്ത് ക്യാബിനറ്റ്​ മന്ത്രിയുമായിരുന്നുവെന്നും അതിനാൽ മോദി പറയുന്നതേ ഗവർണർ കേൾക്കൂവെന്നും അദ്ദേഹം കുറ്റപ്പെടുത്തി.

COMMENTS