You are here

വിസാ ലംഘനം: ഡൽഹിയിലെത്തിയ ഖാലിദ സിയയുടെ അഭിഭാഷകനെ തിരിച്ചയച്ചു

11:03 AM
12/07/2018
Lord-Carlile

ന്യൂഡൽഹി: ഡൽഹി വിമാനത്താവളത്തിലിറങ്ങിയ ബ്രിട്ടീഷ്​​ എം.പി ലോർഡ്​ അലക്​സാണ്ടർ കാർലിയെ ഇന്ത്യ തിരിച്ചയച്ചു. സന്ദർശന ലക്ഷ്യത്തിന്​ അനുയോജ്യമല്ലാത്ത വിസയാണ്​ ഉപയോഗിച്ചതെന്ന്​​ കാണിച്ചാണ്​ എം.പിയെ മടക്കി അയച്ചത്​. 

ജയിലിലടക്കപ്പെട്ട ബംഗ്ലാദേശ്​ മുൻ പ്രധാനമന്ത്രി ഖാലിദ സിയയുടെ അഭിഭാഷകനാണ്​ ലോർഡ്​ കാർലി. ഖാലിദക്കെതിരായി നടത്തുന്ന ആരോപണങ്ങൾ അടിസ്​ഥാന രഹിതമാണെന്ന്​ വിശദീകരിക്കാൻ വാർത്താസമ്മേളനം വിളിക്കുന്നതിനായാണ്​ കാർലി ഡൽഹിയിലേക്ക്​ വന്നതെന്നാണ്​ റിപ്പോർട്ട്​. എന്നാൽ വിസ അപേക്ഷയിൽ അദ്ദേഹം ഇക്കാര്യം വ്യക്​തമാക്കിയിട്ടില്ലെന്നും അതിനാലാണ്​ തിരിച്ചയച്ചതെന്നും വിദേശകാര്യ വക്​താവ്​ രവീഷ്​ കുമാർ പറഞ്ഞു. 

ധാക്കയിലേക്ക്​ കടക്കാൻ തനിക്ക്​ അനുവാദമില്ലാത്തതിനാലാണ്​ ഡൽഹിയിൽ വച്ച്​ മാധ്യമങ്ങളെ കണ്ട്​ കേസി​​​​​െൻറ കുരുക്കുകളെ കുറിച്ച്​ വിശദീകരിക്കാൻ തീരുമാനിച്ചതെന്ന്​​ എന്ന്​ കാർലി ബംഗ്ലാദേശ്​ പത്രം ധാക്ക ട്രൈബ്യുണലിനോട് വ്യക്​തമാക്കി. 

മൂന്ന്​ ഡസനിലേറെ ക്രിമിനൽ കേസുകളാണ്​ ബംഗ്ലാദേശ്​ നാഷനൽ പാർട്ടി നേതാവ്​ ഖാലിദ സിയക്കെതിരെ ചുമത്തിയിരിക്കുന്നത്​. എന്നാൽ ഖാലിദയെയും കുടുംബത്തെയും രാഷ്​ട്രീയത്തിൽ നിന്ന്​ നിർമാർജനം ചെയ്യുന്നതിനു വേണ്ടി കെട്ടിച്ചമച്ചതാണ്​ കേസുകളെന്നാണ്​ പാർട്ടിയുടെ വാദം. 

ആദ്യ കേസിൽ ഖാലിദയെ ശിക്ഷിച്ചത് ഇൗ വർഷം ഫെബ്രുവരിയിലാണ്​​. ഖാലിദ പ്രധാനമന്ത്രിയായിരുന്ന 2001-2006 കാലഘട്ടത്തിൽ അഗതി മന്ദിരത്തി​​​​​െൻറ പേരിൽ 2,53,000 ഡോളർ വിദേശ സഹായം സ്വീകരിച്ച്​ വകമാറ്റിയെന്നാണ്​ കേസ്​. കേസിൽ അഞ്ചുവർഷം തടവ്​ ശിക്ഷ അനുഭവിക്കുകയാണ്​ ഖാലിദ ഇപ്പോൾ. തുടർന്ന്​ തെരഞ്ഞെടുപ്പിൽ മത്​സരിക്കുന്നതിലും വിലക്ക്​ വന്നിരുന്നു. 

COMMENTS