അംബേദ്​കർ ജയന്തി: സംഘർഷത്തിൽ നാല്​ പേർക്ക്​ പരി​ക്ക്​

ഛണ്ഡിഗഢ്​: ജാതിസംഘർഷത്തിൽ നാല്​ പേർക്ക്​ പരി​ക്ക്​​. പഗ്​വാര ജില്ലയിലെ കപൂർത്തലയിലാണ്​ സംഘർഷമുണ്ടായത്​. അംബേദ്​കർ ജയന്തിയുമായി ബന്ധപ്പെട്ട ഫ്ലക്​സ്​ സ്ഥാപിക്കുന്നത്​ ബന്ധപ്പെട്ട തർക്കമാണ്​ സംഘർഷത്തിന്​ കാരണം.

അംബേദ്​കർ ജയന്തിക്ക്​  മുന്നോടിയായി പേപ്പർ ചൗക്ക്​ എന്ന സ്ഥലത്ത്​ ഫ്ലക്​സ്​ സ്ഥാപിക്കാൻ ദലിത്​ സംഘടനകളുടെ ശ്രമത്തെ ഉയർന്ന ജാതിക്കാർ എതിർത്തതാണ്​ സംഘർഷത്തിന്​ ഇടയാക്കിയത്​. ഇരു വിഭാഗങ്ങളും പരസ്​പരം കല്ലെടുത്തെറിയുകയും വെടിവെക്കുകയും ചെയ്​തതായാണ്​ റിപ്പോർട്ടുകൾ​.

പരിക്കേറ്റ നാല്​ പേരിൽ ഒരാളുടെ നില ഗുരുതരമാണ്​. സംഘർഷം തടയാൻ ​ശ്രമിക്കുന്നതിനിടെയാണ്​ ഒരു എസ്​.​െഎക്ക്​ പരിക്കേറ്റത്​.