2018ൽ രാജ്യത്ത് പ്രതിദിനം 80 കൊലകളും 91 ബലാത്സംഗങ്ങളും
text_fieldsന്യൂഡൽഹി: 2018ൽ രാജ്യത്തുടനീളം പ്രതിദിനം 80 കൊലപാതകങ്ങളും 91 ബലാത്സംഗങ്ങളും 289 തട്ടിക് കൊണ്ടുപോകലുകളും നടന്നുവെന്ന ഞെട്ടിപ്പിക്കുന്ന കണക്ക് പുറത്തുവിട്ട് ദേശീയ ക്രൈം റെക്കോർഡ്സ് ബ്യൂറോ. മുൻ വർഷത്തേതിൽനിന്നും മൊത്തം കുറ്റകൃത്യത്തിലും വർധന ഉണ്ടായിട്ടുണ്ട്. 2017ൽ 50,07,044 ആയിരുന്നുവെങ്കിൽ 2018ൽ എഴുപതിനായിരത്തോളം കൂടി 50,74,634ലെത്തി.
കൊലപാതകത്തിലും 1.3 ശതമാനം (28,653 എണ്ണം) വർധനവുണ്ടായി. തട്ടിക്കൊണ്ടുപോകലിൽ 10.3ശതമാനവും. 2017ൽ ഇത്തരത്തിലുള്ള 95,893 പരാതികളാണുണ്ടായിരുന്നതെങ്കിൽ 2018ൽ എത്തിയപ്പോൾ 1,05,734 ആയി ഉയർന്നു. ഇതിൽ 80,871 ഇരകൾ സ്ത്രീകളാണ്.
2018ൽ സ്ത്രീകൾക്കെതിരായ കുറ്റകൃത്യങ്ങളുടെ വിഭാഗത്തിൽ 3,78,277 എണ്ണം പരാതികൾ രജിസ്റ്റർ ചെയ്തു. 2017ലേതിനേക്കാൾ 20,000ത്തോളം വർധനവാണിത്. 2018ൽ മൊത്തം ബലാത്സംഗക്കേസുകൾ 33,356 എണ്ണമാണ്. മുൻ വർഷത്തേതിനേക്കാൾ ആയിരത്തോളം കേസുകൾ വർധിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.