Begin typing your search above and press return to search.
proflie-avatar
Login
exit_to_app
exit_to_app
Homechevron_rightബലേനോക്കും വാഗണറിനും...

ബലേനോക്കും വാഗണറിനും ‘കൂട്ടുപ്രതി’ ഗ്ലാൻസ, തിരികെ വിളിക്കുമെന്ന്​ ​ടൊയോട്ട

text_fields
bookmark_border
glanza and baleno
cancel

ഴിഞ്ഞ ദിവസമാണ്​ ഇന്ധന പമ്പിൽ തകരാർ കണ്ടെത്തിയതിനെ തുടർന്ന്​ മാരുതി സുസുക്കി ബലേനൊയേയും വാഗണറിനേയും തിരികെ വിളിക്കാൻ തീരുമാനിച്ചത്​. ഇതറിഞ്ഞ്​ കിടക്കപ്പൊറുതി ഇല്ലാതായത്​  ടൊയോട്ടക്കാണ്​. ചിലരെങ്കിലും ടൊയോട്ടക്ക്​ ഇതിലെന്താണ്​ കാര്യമെന്ന്​ ചിന്തിക്കുന്നുണ്ടാകും. സംഗതി ലളിതമാണ്​. മാരുതി ബലേനോയുടെ രൂപം മാറിയ വാഹനമാണ്​ ഗ്ലാൻസയെ​ന്ന പേരിൽ ടൊയോട്ട വിറ്റഴിക്കുന്നത്​.

രൂപം മാറിയെന്ന്​ ആലങ്കാരികമായി പറഞ്ഞതാണ്​. യഥാർഥത്തിൽ ലോഗോ മാത്രമെ മാറിയിട്ടുള്ളു. സുസുക്കി ​ലോഗോ ഇരുന്നിടത്ത്​ ടൊയോട്ടയുടേത്​ വന്നു. മറ്റെല്ലാം ഒന്നുതന്നെ. അപ്പൊ പിന്നെ ബലേനോയിലെ തകരാറ്​ ഗ്ലാൻസയിലും കാണുമെന്ന്​ ഉൗഹിക്കാൻ വലിയ സർഗശേഷിയൊന്നും വേണ്ടല്ലൊ. ഒരു കാര്യത്തിൽ ടൊയോട്ടക്ക്​ ആശ്വസിക്കാം. മാരുതി തിരികെ വിളിക്കുന്നത്​ 1,34,885 വാഹനങ്ങളാണ്​.

എന്നാൽ ടൊയോട്ടക്കിത്​ 6500 എണ്ണം മാത്രമാണ്​. 2019 ഏപ്രിൽ രണ്ടിനും ഒക്​ടോബർ ആറിനും ഇടയിൽ നിരത്തിലിറങ്ങിയ ഗ്ലാൻസകളിലാണ്​ പ്രശ്​നം തിരിച്ചറിഞ്ഞിരിക്കുന്നത്​. ഉപഭോക്​താക്കളെ ഡീലർമാർ നേരിട്ട്​ ബന്ധപ്പെടുകയും തകരാർ സൗജന്യമായി പരിഹരിച്ചുനൽകുകയും ചെയ്യും. 

മാരുതിയുടെ തിരിച്ചുവിളിക്കൽ
2018 നവംബർ 15നും 2019 ഒക്​ടോബർ 15നും ഇടയിൽ പുറത്തിറങ്ങിയ 1.0 ലിറ്റർ വാഗണറുകളാണ്​ മാരുതി തിരികെ വിളിക്കുന്നത്​. ബലേനൊയിൽ കംപ്ലയിൻറ്​ റിപ്പോർട്ട്​ ചെയ്​തിരിക്കുന്നത്​ പെട്രോൾ മോഡലിനാണ്​. 2019 ജനുവരി എട്ടിനും നവംബർ നാലിനും ഇടയിൽ നിർമ്മിച്ച ബലേനോകൾ തിരികെ വിളിക്കും. കമ്പനി വെബ്​സൈറ്റിൽ വിവരങ്ങൾ നൽകിയും തങ്ങളുടെ വാഹനം ഇതിൽ ഉൾപ്പെട്ടിട്ടു​ണ്ടോ എന്ന്​ പരിശോധിക്കാം.

വാഗണർ ഉടമകൾ www.marutisuzuki.com എന്ന വെബ്​സൈറ്റിലും ബലേനൊ കയ്യിലുള്ളവർ www.nexaexperience.comലും കയറി പരിശോധിക്കണം. ​െഎ.എം.പി കസ്​റ്റമർ ഇൻഫോ സെക്ഷനിലാണ്​ വിവരങ്ങൾ നൽകേണ്ടത്​. 14അക്ക ഷാസി നമ്പർ നൽകി ചില നിർദേശങ്ങളിലൂടെ കടന്നുപോയാൽ തിരികെ വിളിക്കുന്നതിൽ വാഹനം ഉൾപ്പെട്ടിട്ടുണ്ടോ എന്നറിയാം. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:automobileMaruthiGlanza
News Summary - Toyota recalls 6,500 units of Glanza
Next Story