Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightU.A.Echevron_rightവ​ന്ദേ ഭാ​ര​ത്:...

വ​ന്ദേ ഭാ​ര​ത്: അ​ബൂ​ദ​ബി​യി​ൽ ടി​ക്ക​റ്റെ​ടു​ക്കാ​ൻ തി​ര​ക്കേ​റി

text_fields
bookmark_border
വ​ന്ദേ ഭാ​ര​ത്: അ​ബൂ​ദ​ബി​യി​ൽ ടി​ക്ക​റ്റെ​ടു​ക്കാ​ൻ തി​ര​ക്കേ​റി
cancel

അ​ബൂ​ദ​ബി: വ​ന്ദേ ഭാ​ര​ത് മി​ഷ​ൻ വ​ഴി ടി​ക്ക​റ്റെ​ടു​ക്കാ​ൻ അ​ബൂ​ദ​ബി ഇ​ന്ത്യ സോ​ഷ്യ​ൽ ആ​ൻ​ഡ് ക​ൾ​ച​റ​ൽ സ​െൻറ​റി​ലെ എ​യ​ർ ഇ​ന്ത്യ എ​ക്സ്പ്ര​സ് ഓ​ഫി​സി​ൽ എ​ത്തു​ന്ന​വ​രു​ടെ തി​ര​ക്കേ​റു​ന്നു. ന്യൂ​ഡ​ൽ​ഹി, ല​ഖ്​​നോ, ഹൈ​ദ​രാ​ബാ​ദ് സെ​ക്ട​റി​ലേ​ക്ക് ടി​ക്ക​റ്റെ​ടു​ക്കാ​നെ​ത്തു​ന്ന​വ​രാ​ണ് അ​ധി​ക​വും. വി​സ കാ​ലാ​വ​ധി അ​വ​സാ​നി​ച്ച​വ​ർ​ക്ക്​ യു.​എ.​ഇ ന​ൽ​കി​യ ആ​നു​കൂ​ലം ആ​ഗ​സ്​​റ്റ്​ പ​ത്തി​ന്​ അ​വ​സാ​നി​ക്കാ​നി​രി​ക്കെ അ​ടു​ത്ത ദി​വ​സ​ങ്ങ​ളി​ൽ തി​ര​ക്ക്​ കൂ​ടാ​നാ​ണ്​ സാ​ധ്യ​ത. ആ​ഗ​സ്​​റ്റ്​ ഒ​ന്ന്​ മു​ത​ൽ 15 വ​രെ​യു​ള്ള സ​ർ​വി​സു​ക​ളു​ടെ ടി​ക്ക​റ്റ്​ വി​ൽ​പ​ന​യും തു​ട​ങ്ങി​യി​ട്ടു​ണ്ട്. ചൊ​വ്വാ​ഴ്ച 500 പേ​ർ​ക്കാ​ണ് ടോ​ക്ക​ൺ ന​ൽ​കി​യ​ത്. ടോ​ക്ക​ൺ ന​ൽ​കു​ന്ന​വ​രു​ടെ ഇ​ട​പാ​ടു​ക​ൾ രാ​ത്രി വൈ​കി​യാ​ണെ​ങ്കി​ലും പൂ​ർ​ത്തീ​ക​രി​ക്കും. ചൊ​വ്വാ​ഴ്ച ടോ​ക്ക​ൺ ല​ഭി​ക്കാ​ത്ത ഉ​പ​ഭോ​ക്താ​ക്ക​ൾ​ക്ക് ബു​ധ​നാ​ഴ്ച രാ​വി​ലെ മു​ൻ​ഗ​ണ​ന ന​ൽ​കും. ഇ​ന്ത്യ​യി​ലെ വി​വി​ധ സെ​ക്ട​റു​ക​ളി​ലേ​ക്കു​ള്ള വി​മാ​ന ടി​ക്ക​റ്റെ​ടു​ക്കാ​ൻ എ​ത്തു​ന്ന​വ​രി​ൽ അ​ധി​ക​വും ഓ​ൺ​ലൈ​ൻ സൗ​ക​ര്യം ഇ​ല്ലാ​ത്ത​വ​രാ​ണ്. വ​ട​ക്കെ ഇ​ന്ത്യ​ൻ സം​സ്ഥാ​ന​ങ്ങ​ളി​ലെ തൊ​ഴി​ലാ​ളി​ക​ളാ​ണ് ഐ.​എ​സ്.​സി ഓ​ഡി​റ്റോ​റി​യ​ത്തി​ലെ ടി​ക്ക​റ്റ് കൗ​ണ്ട​റി​ൽ എ​ത്തു​ന്ന​വ​രി​ൽ ഭൂ​രി​ഭാ​ഗ​വും.

ഐ.​എ​സ്.​സി​യി​ലെ പ്ര​ധാ​ന ഓ​ഡി​റ്റോ​റി​യ​ത്തി​ലെ എ​യ​ർ ഇ​ന്ത്യ ഓ​ഫി​സ് ടി​ക്ക​റ്റ് കൗ​ണ്ട​ർ അ​ബൂ​ദ​ബി ക​മ്യൂ​ണി​റ്റി പൊ​ലീ​സ് സേ​നാം​ഗ​ങ്ങ​ൾ പ​രി​ശോ​ധി​ച്ചു. പ്ര​ധാ​ന ഓ​ഡി​റ്റോ​റി​യ​ത്തി​ൽ 150പേ​ർ​ക്ക് ഒ​ന്ന​ര മീ​റ്റ​ർ ഇ​ട​വി​ട്ടാ​ണ് സീ​റ്റു​ക​ൾ വി​ന്യ​സി​ച്ചി​രി​ക്കു​ന്ന​ത്. ടി​ക്ക​റ്റെ​ടു​ക്കാ​ൻ എ​ത്തു​ന്ന​വ​ർ​ക്ക് രാ​വി​ലെ ഒ​മ്പ​ത്​ മു​ത​ൽ വൈ​കീ​ട്ട്​ ആ​റ്​ വ​രെ​യാ​ണ് ടോ​ക്ക​ൺ ന​ൽ​കി പ്ര​വേ​ശ​നം അ​നു​വ​ദി​ക്കു​ന്ന​ത്. ടോ​ക്ക​ൺ ല​ഭി​ക്കു​ന്ന​വ​രു​ടെ സേ​വ​നം പൂ​ർ​ത്തീ​ക​രി​ക്കു​ന്ന​തു​വ​രെ ടി​ക്ക​റ്റ് കൗ​ണ്ട​ർ പ്ര​വ​ർ​ത്തി​ക്കു​ന്ന​താ​യി ഐ.​എ​സ്.​സി ജ​ന​റ​ൽ സെ​ക്ര​ട്ട​റി ജോ​ജോ അം​ബൂ​ക്ക​ൻ അ​റി​യി​ച്ചു.വ​ന്ദേ ഭാ​ര​ത് മി​ഷ​ൻ വി​മാ​ന ടി​ക്ക​റ്റ് വി​ത​ര​ണ​ത്തി​ന് അ​ബൂ​ദ​ബി ഇ​ന്ത്യ സോ​ഷ്യ​ൽ ആ​ൻ​ഡ് ക​ൾ​ച​റ​ൽ സ​െൻറ​റി​ൽ (ഐ.​എ​സ്.​സി) താ​ൽ​ക്കാ​ലി​ക സൗ​ക​ര്യം ഈ ​മാ​സം പ​ത്തി​നാ​ണ് ആ​രം​ഭി​ച്ച​ത്. കോ​വി​ഡ് പ്രോ​ട്ടോ​കോ​ൾ പാ​ലി​ച്ചു​കൊ​ണ്ടാ​ണ് താ​ൽ​ക്കാ​ലി​ക​മാ​യി എ​യ​ർ ഇ​ന്ത്യ എ​ക്‌​സ്പ്ര​സ് ടി​ക്ക​റ്റ് കൗ​ണ്ട​ർ ഐ.​എ​സ്.​സി​യി​ൽ പ്ര​വ​ർ​ത്തി​ക്കു​ന്ന​തെ​ന്നും അം​ബൂ​ക്ക​ൻ ചൂ​ണ്ടി​ക്കാ​ട്ടി.

വ​ന്ദേ ഭാ​ര​ത് മി​ഷ​ൻ വി​മാ​ന ടി​ക്ക​റ്റ് വാ​ങ്ങാ​നെ​ത്തി​യ ജ​ന​ക്കൂ​ട്ടം സാ​മൂ​ഹി​ക അ​ക​ലം പാ​ലി​ക്കാ​തെ തു​ട​ർ​ച്ച​യാ​യി നി​യ​മ​ലം​ഘ​നം തു​ട​ർ​ന്ന​തി​നെ തു​ട​ർ​ന്നാ​ണ് അ​ബൂ​ദ​ബി ഖാ​ലി​ദി​യ​യി​ലെ എ​യ​ർ ഇ​ന്ത്യ എ​ക്‌​സ്പ്ര​സ് ഓ​ഫി​സ് അ​ബൂ​ദ​ബി പൊ​ലീ​സ് അ​ട​പ്പി​ച്ച​ത്. 50 പേ​രി​ൽ കൂ​ടു​ത​ൽ ടി​ക്ക​റ്റെ​ടു​ക്കാ​ൻ എ​ത്താ​ൻ പാ​ടി​ല്ലെ​ന്ന് പ​ല ത​വ​ണ പൊ​ലീ​സ് മു​ന്ന​റി​യി​പ്പു ന​ൽ​കി​യി​രു​ന്നു. ജ​ന​ക്കൂ​ട്ടം അ​നി​യ​ന്ത്രി​ത​മാ​യെ​ത്തു​ന്ന​ത് പ​തി​വാ​യ​തി​നെ തു​ട​ർ​ന്നാ​ണ് എ​യ​ർ ഇ​ന്ത്യ എ​ക്‌​സ്പ്ര​സ്​ ഓ​ഫി​സ് അ​ട​ക്കാ​ൻ പൊ​ലീ​സ്   നി​ർ​ദേ​ശി​ച്ച​ത്. ഈ ​സാ​ഹ​ച​ര്യ​ത്തി​ലാ​ണ് അ​ബൂ​ദ​ബി എ​യ​ർ ഇ​ന്ത്യ ഓ​ഫി​സ് ടി​ക്ക​റ്റി​ങ് കൗ​ണ്ട​ർ തു​റ​ക്കാ​ൻ താ​ൽ​ക്കാ​ലി​ക സൗ​ക​ര്യം ഐ.​എ​സ്.​സി മാ​നേ​ജി​ങ് ക​മ്മി​റ്റി അ​നു​വ​ദി​ച്ച​ത്. 

Show Full Article
TAGS:Vande Bharath uae news gulf news 
Next Story