ശൈഖ് മുഹമ്മദ് ബിൻ സായിദ് ഇന്ന് ഫ്രാൻസിലേക്ക്
text_fieldsദുബൈ: അബൂദബി കിരീടാവകാശിയും യു.എ.ഇ സായുധസേനയുടെ ഡെപ്യൂട്ടി സുപ്രീം കമാൻഡറുമായ ശൈഖ് മുഹമ്മദ് ബിൻ സായിദ് ആൽ നെഹ്യാൻ ബുധനാഴ്ച ഫ്രാൻസിലേക്ക് സന്ദർശനത്തിനായി പുറപ്പെടും. ഫ്രാൻസ് പ്രസിഡൻറ് ഇമ്മാനുവൽ മാക്രോണുമായി ൈശഖ് മുഹമ്മദ് കൂടിക്കാഴ്ച നടത്തും. ഇരുനേതാക്കളും യു.എ.ഇ-ഫ്രാൻസ് ബന്ധവും രാഷ്ട്രങ്ങൾ തമ്മിലുള്ള തന്ത്രപരമായ സഹകരണവും ചർച്ച ചെയ്യും.
പരസ്പര താൽപര്യമുള്ള വിവിധ പ്രശ്നങ്ങളും മേഖലയിലെ ഏറ്റവും പുതിയ സംഭവവികാസങ്ങളും കൂടിക്കാഴ്ചയിൽ അവലോകനം ചെയ്യുമെന്നും യു.എ.ഇ വാർത്താ ഏജൻസി റിപ്പോർട്ട് ചെയ്തു. കഴിഞ്ഞ മാസം ഇരുവരും ഫോൺ വഴി സംഭാഷണം നടത്തിയിരുന്നു. ഈ ചർച്ചയുടെ തുടർച്ചയായാണ് സന്ദർശനം. നേരത്തെ താലിബാൻ അഫ്ഗാൻ നിയന്ത്രണം പിടിച്ചെടുത്തശേഷം രാജ്യംവിട്ടുപോകാൻ ഫ്രാൻസ് പൗരന്മാരെ സഹായിച്ചതിന് യു.എ.ഇക്ക് ഫ്രാൻസ് അധികൃതർ നന്ദി അറിയിച്ചിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.