Begin typing your search above and press return to search.
proflie-avatar
Login
exit_to_app
exit_to_app
Homechevron_rightLIFEchevron_rightMenchevron_right'സാദിഖ്' എന്ന ഒരു...

'സാദിഖ്' എന്ന ഒരു പ്രവാസിയുടെ കല

text_fields
bookmark_border
സാദിഖ് എന്ന ഒരു പ്രവാസിയുടെ കല
cancel

പ്ര​വാ​സം പ​ല​രു​ടെ​യും ക​ലാ​ജീ​വി​തം​ അ​വ​സാ​നി​പ്പി​ക്കാ​റു​ണ്ട്. എ​ന്നാ​ൽ ഉ​ള്ളി​ലെ ക​ഴി​വു​ക​ൾ കൂ​മ്പ​ട​ഞ്ഞ്​ കെ​ട്ടു​പോ​കാ​തെ സൂ​ക്ഷി​ക്കു​ന്ന​വ​രും പ്ര​വാ​സി​ക​ളി​ലു​ണ്ട്. അ​ത്ത​ര​മൊ​രു ക​ലാ​കാ​ര​നാ​ണ്​ മ​ല​പ്പു​റം ജി​ല്ല​യി​ലെ ക​ൽ​പ​ക​ഞ്ചേ​രി തോ​ട്ടാ​യി സ്വ​​ദേ​ശി​യാ​യ ടി.​പി സാ​ദി​ഖ്. യൗ​വ​ന​ത്തി​ലേ​ക്ക്​ കാ​ലെ​ടു​ത്തു​വെ​ക്കു​ന്ന 21ാമ​ത്തെ വ​യ​സ്സിൽ ദു​ബൈ​യി​ൽ എ​ത്തി​യ​താ​ണ്​ ഇ​ദ്ദേ​ഹം. സി​നി​മ​യി​ൽ പ്ര​വ​ർ​ത്തി​ക്ക​ണ​മെ​ന്ന​ത​ട​ക്കം ക​ലാ​മേ​ഖ​ല​യി​ൽ സ്വ​പ്ന​ങ്ങ​ളു​മാ​യി പാ​റി​ന​ട​ക്കു​ന്ന കാ​ല​ത്താ​ണ്​ ജീ​വി​തം ക​ട​ലി​നി​ക്ക​രെ​ പ​റി​ച്ചു​ന​ട​പ്പെ​ട്ട​ത്.

തി​രൂ​രി​ലെ സ്കൂ​ൾ ഓ​ഫ്​ ഫൈ​ൻ ആ​ർ​ട്​​സി​ലെ ചി​ത്ര​ക​ലാ വി​ദ്യ​ഭ്യാ​സ​ത്തി​ന്​ ശേ​ഷം പ്ര​ശ​സ്ത ചി​ത്ര​കാ​ര​ന്മാ​രാ​യ കു​ഞ്ഞി​പ്പ ചു​രി​ഗേ​ൾ, സു​ന്ദ​രം ചി​ത്രം, ഉ​ണ്ണി വൈ​രം​കോ​ട്​ എ​ന്നി​വ​രു​ടെ കൂ​ടെ പ്ര​വ​ർ​ത്തി​ച്ചി​രു​ന്നു. പെ​ൻ​സി​ൽ ഡ്രോ​യി​ങും വാ​ട്ട​ർ ക​ള​റും ഓ​യി​ൽ പെ​യി​ന്‍റു​മൊ​ക്കെ​യാ​യി ചി​ത്ര ര​ച​ന​യി​ൽ ക​ഴി​വ്​ തെ​ളി​യി​ച്ച​തും​ അ​ക്കാ​ല​ത്താ​യി​രു​ന്നു. അ​തി​നി​ട​യി​ൽ അ​ഷ്​​റ​ഫ്​ മ​ഞ്ചേ​രി എ​ന്ന സം​ഗീ​ത സം​വി​ധാ​യ​ക​​നി​ൽ നി​ന്ന്​ സം​ഗീ​തം പ​ഠി​ക്കു​ക​യും ചെ​യ്തി​രു​ന്നു. സി​നി​മ​യാ​യി​രു​ന്നു അ​ന്നെ​ല്ലാം സ്വ​പ്ന​ത്തി​ലു​ണ്ടാ​യി​രു​ന്ന​ത്. അ​ഭി​ന​യ​ത്തേ​ക്കാ​ളേ​റെ ക​ലാ​സം​വി​ധാ​യ​ക​നാ​വു​ക എ​ന്ന​താ​യി​രു​ന്നു മോ​ഹം.

അ​തി​നി​ട​യി​ലാ​ണ്​ പ്ര​വാ​സ​ത്തി​ലേ​ക്ക്​ വ​ഴി തു​റ​ന്ന​ത്. യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമിന്‍റെ പാലസിലാണ്​ ജോലി ലഭിച്ചത്​. പിന്നീട്​ അദ്ദേഹത്തിന്‍റെ മകനും യു.എ.ഇ ധനകാര്യ മന്ത്രിയും ദുബൈ ഉപ ഭരണാധികാരിയുമായ ശൈഖ്​ മക്​തൂം ബിൻ മുഹമ്മദ്​ ബിൻ റാശിദ്​ ആൽ മക്​തൂമിന്‍റെ ഡ്രൈവറായി ജോലി തുടരുകയുമാണ്​. ജോ​ലി​യി​ൽ കൃ​ത്യ​ത പാ​ലി​ക്കു​ന്ന​തി​നൊ​പ്പം ത​ന്നെ ത​ന്‍റെ ക​ഴി​വു​ക​ൾ വ​ള​ർ​ത്താ​നും സാ​ദി​ഖ്​ തീ​രു​മാ​നി​ക്കു​ക​യാ​യി​രു​ന്നു. അ​ങ്ങ​നെ​യാ​ണ്​ ചി​ത്ര​ര​ച​ന​ക​ൾ വീ​ണ്ടും തു​ട​ങ്ങി​യ​ത്. പ​ര​മ്പ​രാ​ഗ​ത​മാ​യി ശീ​ലി​ച്ച രീ​തി​ക​ളി​ൽ നി​ര​വ​ധി ചി​ത്ര​ങ്ങ​ൾ പ്ര​വാ​സ മ​ണ്ണി​ൽ വെ​ച്ച്​ കോ​റി​യി​ട്ടു. യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ ചി​ത്രം അ​ദ്ദേ​ഹ​ത്തി​ന്‍റെ മ​ക​ൻ കൂ​ടി​യാ​യ ശൈ​ഖ്​ മ​ക്​​തൂ​മി​ന്​ ന​ൽ​കാ​ൻ സാ​ധി​ച്ചു. ദു​ബൈ​യി​ൽ ന​ട​ക്കു​ന്ന വി​വി​ധ ക​ലാ പ​രി​പാ​ടി​ക​ളി​ലും മ​റ്റും സ​ജീ​വ​മാ​യ​തി​നാ​ൽ ത​ന്‍റെ സ്വ​പ്ന​മാ​യ സി​നി​മ​യി​ലേ​ക്ക്​ കാ​ലെ​ടു​ത്തു​വെ​ക്കാ​നും സാ​ധി​ച്ചു.

പ്ര​വാ​സ ലോ​ക​ത്തെ ക​ലാ​സൗ​ഹൃ​ദ​ങ്ങ​ളാ​ണ്​ സി​നി​മ​യി​ലേ​ക്ക്​ വ​ഴി തു​റ​ന്ന​ത്. നി​ല​വി​ൽ അ​ഭി​ന​യ​മാ​യും ക​ലാ​സം​വി​ധാ​ന​മാ​യും 14സി​നി​മ​ക​ളി​ൽ പ്ര​വ​ർ​ത്തി​ച്ചു. ഇ​ക്കൂ​ട്ട​ത്തി​ൽ പ​ത്തേ​മാ​രി, സാ​മ്രാ​ജ്യം-2, മ​ധു​ര​നാ​ര​ങ്ങ തു​ട​ങ്ങി​യ സി​നി​മ​ക​ളി​ൽ ശ്ര​ദ്ധേ​യ​മാ​യ റോ​ളു​ക​ൾ നി​ർ​വ​ഹി​ക്കാ​നാ​യി. കു​ഞ്ചാ​ക്കോ ബോ​ബ​ൻ നാ​യ​ക​നാ​യ 'മ​ധു​ര​നാ​ര​ങ്ങ'​യി​ൽ അ​റ​ബി​ക്​ പൊ​ലീ​സാ​യി ശ്ര​ദ്ധി​ക്ക​പ്പെ​ട്ട വേ​ഷ​മാ​ണ്​ ചെ​യ്ത​ത്. സം​ഗീ​ത​ത്തി​ലു​ള്ള താ​ൽ​പ​ര്യം ആ ​മേ​ഖ​ല​യി​ലും കൈ​വെ​ക്കാ​ൻ പ്ര​ചോ​ദ​ന​മാ​യി. മാ​പ്പി​ള​പ്പാ​ട്ട്​ ഗാ​യ​ക​ൻ കൊ​ല്ലം ഷാ​ഫി​യു​ടെ ആ​ൽ​ബ​ത്തി​ന്​ സം​ഗീ​തം ചെ​യ്​​ത​ത്​ അ​ങ്ങ​നെ​യാ​ണ്. സം​ഗീ​ത​ജ്ഞ​ൻ ബാ​ല​ബാ​സ്ക​റി​ന്‍റെ അ​കാ​ല മ​ര​ണ​ത്തി​ന്​ ശേ​ഷം സാ​ദി​ഖ്​ വ​ര​ച്ച അ​ദ്ദേ​ഹ​ത്തി​ന്‍റെ ചി​ത്രം ഏ​റെ ശ്ര​ദ്ധി​ക്ക​പ്പെ​ടു​ക​യു​ണ്ടാ​യി. കോ​ഫി പൗ​ഡ​ർ കൊ​ണ്ടാ​ണ്​ ഈ ​ചി​ത്രം വ​ര​ച്ച​തെ​ന്നാ​ണ്​ ശ്ര​ദ്ധി​ക്ക​പ്പെ​ടാ​ൻ കാ​ര​ണ​മാ​യ​ത്. ദു​ബൈ​യി​ൽ ന​ട​ന്ന പ​രി​പാ​ടി​ക​ൾ​ക്കി​ട​യി​ൽ ബാ​ല​ഭാ​സ്ക​റി​നെ പ​ല​പ്പോ​ഴും ക​ണ്ടി​രു​ന്നു. ഇ​താ​ണ്​ മ​ര​ണ​ശേ​ഷം വ്യ​ത്യ​സ്ത​മാ​യ ചി​ത്രം വ​ര​ക്കാ​ൻ പ്ര​ചോ​ദ​ന​മാ​യ​ത്. ഒ​രു കാ​ലാ​കാ​ര​ൻ വ​ര​ച്ച​ത്​ ഫേ​സ്​​ബു​ക്കി​ൽ ക​ണ്ട​തി​ൽ നി​ന്നാ​ണ്​​ കോ​ഫി ഉ​പ​യോ​ഗി​ച്ച്​ ചി​ത്രം വ​ര​ക്കു​ക എ​ന്ന ആ​ശ​യം ല​ഭി​ച്ച​ത്. വാ​ട്ട​ർ ക്​​റി​നേ​ക്കാ​ൾ എ​ളു​പ്പ​മാ​ണ്​ കോ​ഫി പൗ​ഡ​റി​ലെ വ​ര​യെ​ന്ന്​ സാ​ദി​ഖ്​ പ​റ​യു​ന്നു.

എ​ന്നാ​ൽ അ​ൽ​പം വേ​ഗ​ത​യോ​ടെ വ​ര​ക്കേ​ണ്ടി വ​രു​മെ​ന്ന്​ മാ​ത്രം. ബാ​ല​ഭാ​സ്ക​റി​ന്‍റെ ചി​ത്രം അ​ക്കാ​ല​ത്ത്​ സാ​മൂ​ഹി​ക മാ​ധ്യ​മ​ങ്ങ​ളി​ൽ വൈ​റ​ലാ​യി​രു​ന്നു. ഡി​ജി​റ്റ​ൽ ആ​ർ​ടി​ലും നി​ല​വി​ൽ ശ്ര​ദ്ധ​യൂ​ന്നു​ന്നു​ണ്ട്. ദു​ബൈ​യി​ൽ ത​ന്നെ തു​ട​രാ​ൻ ആ​ഗ്ര​ഹി​ക്കു​ന്ന സാ​ദി​ഖി​ന്​ ക​ലാ​രം​ഗ​ത്ത്​ ചെ​റു​തും വ​ലു​തു​മാ​യ ഉ​ദ്യ​മ​ങ്ങ​ളു​മാ​യി മു​ന്നോ​ട്ടു​പേ​കാ​നാ​ണ്​ ആ​ഗ്ര​ഹം. നാ​ട്ടി​ൽ ചെ​റി​യ ബി​സി​ന​സ്​ സം​ര​ഭ​ങ്ങ​ളും ന​ട​ത്തു​ന്നു​ണ്ട്. മാ​താ​പി​താ​ക്ക​ളാ​യ ടി.​പി മു​ഹ​മ്മ​ദും സൈ​ന​ബ​യും ഭാ​ര്യ ഫ​സീ​ല​യും സാ​ദി​യ, ഷ​ഹ്​​മി​യ, സൈ​ൻ മു​ഹ​മ്മ​ദ്‌ എ​ന്നീ മൂ​ന്ന്​ മ​ക്ക​ളു​മ​ട​ങ്ങു​ന്ന​താ​ണ്​ കു​ടും​ബം. ഇ​വ​രെ​ല്ലാം ത​ന്‍റെ ക​ലാ​ജീ​വി​ത​ത്തി​ന്​ പി​ന്തു​ണ ന​ൽ​കു​ന്നു​ണ്ടെ​ന്നും സാ​ദി​ഖ്​ പ​റ​യു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ArtistTP Sadiq
Next Story