Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightവിമാനത്താവളം​ റൺവെ...

വിമാനത്താവളം​ റൺവെ അടച്ചിടൽ: ഗതാഗത സൗകര്യമൊരുക്കി

text_fields
bookmark_border
വിമാനത്താവളം​ റൺവെ അടച്ചിടൽ: ഗതാഗത സൗകര്യമൊരുക്കി
cancel
Listen to this Article

ദുബൈ: ദുബൈ അന്താരാഷ്ട്ര വിമാനത്താവളത്തിലെ നോർതേൺ റൺവേ നവീകരണം നടക്കുന്ന പശ്​ചാത്തലത്തിൽ, ദുബൈ വേൾഡ്​ സെൻട്രൽ വിമാനത്താവളം (ആൽ മക്തൂം വിമാനത്താവളം) വഴി യാത്ര ചെയ്യുന്നവർക്കായി ഗതാഗത സൗകര്യമൊരുക്കി അധികൃതർ. ജൂൺ 22 വരെ 45 ദിവസത്തേക്കാണ് റൺവേ അടച്ചിട്ടിരിക്കുന്നത്​. പ്രധാന റൺവേ അടച്ചിടുന്നതിനാൽ ആഴ്ചയിൽ ആയിരത്തോളം വിമാനങ്ങൾ ദുബൈ വേൾഡ് സെൻററിലേക്ക് മാറ്റിയിട്ടുണ്ട്​. കേരളത്തിലേക്ക് പോകുന്നതും വരുന്നതുമായ വിമാനങ്ങളും മാറ്റിയവയിലുണ്ട്.

ഇരു വിമാനത്താവളങ്ങൾക്കുമിടയിൽ യാത്രക്കാർക്ക്​ സൗകര്യമൊരുക്കുന്നതിന്​ ടാക്സി ചാർജിൽ ഇളവും സൗജന്യ ബസ്​ സർവീസുമടക്കമാണ് അധികൃതർ ​ പ്രഖ്യാപിച്ചിരിക്കുന്നത്​.

ഇളവുകൾ ഇങ്ങനെ

സ്വയം ഡ്രൈവ് ചെയ്ത്​ വരുന്നവർക്ക്, ദുബൈ വേൾഡ്​ സെൻട്രൽ വിമാനത്താവളത്തിൽ 2,500 കാറുകൾക്ക് വരെ സൗജന്യ പാർക്കിങ്​. ​

ഇരു വിമാനത്താവളങ്ങൾക്കുമിടയിൽ എല്ലാ ടെർമിനലുകളിൽ നിന്നും ഓരോ 30 മിനിറ്റിലും ദിവസം മുഴുവൻ സൗജന്യ ബസ് സർവീസ്.

ദുബൈ വേൾഡ്​ സെൻട്രൽ വിമാനത്താവളത്തിൽ നിന്ന് ആരംഭിക്കുന്ന എല്ലാ യാത്രക്കും ദുബൈ ടാക്‌സി കോർപറേഷൻ ഫ്ലാഗ് ഫാൾ ചാർജുകൾ(യാത്രയുടെ നിശ്ചിത ആരംഭ ചാർജ്​) ഒഴിവാക്കും.

യൂബർ കാർ വഴി യാത്ര ചെയ്യുന്നവർക്ക് ആപ്പ് വഴി ബുക്ക് ചെയ്യുമ്പോൾ 'DWC2022' എന്ന ചേർത്താൽ കിഴിവുകൾ ലഭിക്കും.

ദുബൈ വേൾഡ്​ സെൻട്രൽ വിമാനത്താവളത്തിൽ നിന്ന് എൻ-55, എഫ്​-55 എന്നീ ബസ് റൂട്ടുകൾ പ്രവർത്തിപ്പിക്കുന്നത് തുടരും. ചെലവ് കുറഞ്ഞ ഗതാഗത സംവിധാനമാണിത്​

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

News Summary - Runway closure: Transportation facilitated
Next Story