You are here

മതനിരപേക്ഷത സംരക്ഷിക്കാനുള്ള പോരാട്ടത്തിൽ കോൺഗ്രസിനെ കൂട്ടാനാവില്ല-എം. സ്വരാജ് 

09:37 AM
14/04/2018
അബൂദബി ശക്തി തിയറ്റേഴ്‌സ്​ സംഘടിപ്പിച്ച ‘ഇ.എം.എസ്^എ.കെ.ജി സ്മൃതി’യിൽ എം. സ്വരാജ് എം.എൽ.എ അനുസ്മരണ പ്രഭാഷണം നടത്തുന്നു

അബൂദബി: ഒരു കാലത്ത് കോൺഗ്രസി​​െൻറ ദക്ഷിണേന്ത്യന്‍ മുഖമായ ജാഫര്‍ ഷെരീഫ് മുതൽ കേരള മുൻ മുഖ്യമന്ത്രി ഉമ്മന്‍ചാണ്ടി വരെ സംഘ്​പരിവാറുകാര്‍ക്ക് സുഖകരമായ നിലപാട് സ്വീകരിക്കുമ്പോള്‍ ഇന്ത്യയുടെ മതനിരപേക്ഷത സംരക്ഷിക്കാനുള്ള പോരാട്ടത്തിൽ കോൺഗ്രസിനെ കൂടെ നിര്‍ത്താനാവില്ലെന്ന്​ ഡി.വൈ.എഫ്‌.ഐ സംസ്ഥാന പ്രസിഡൻറ്​ എം. സ്വരാജ് എം.എൽ.എ. അബൂദബി ശക്തി തിയറ്റേഴ്‌സ്​ സംഘടിപ്പിച്ച ‘ഇ.എം.എസ്^എ.കെ.ജി സ്മൃതി’യിൽ അനുസ്മരണ പ്രഭാഷണം നടത്തുകയായിരുന്നു അദ്ദേഹം.

ആർ.എസ്.എസ് സംഘ്​ചാലക് മോഹന്‍ ഭാഗവതിനെ ഇന്ത്യന്‍ യൂനിയ​​െൻറ പ്രസിഡൻറാക്കണമെന്ന്​ പരസ്യമായി പ്രഖ്യാപിച്ചത് ജാഫര്‍ ഷെരീഫാണ്. ആര്‍.എസ്.എസ് പോലും ചിന്തിക്കാത്ത കാര്യം പറയുമ്പോള്‍ ഇത്​ കോൺഗ്രസി​​െൻറ നയമല്ലെന്ന്​ പറയാന്‍ ന​െട്ടല്ലുള്ള ഒരാള്‍ പോലും അവരുടെ നേതൃത്വത്തിലില്ല എന്നതാണ് ഇന്ന്​ കോൺഗ്രസ് നേരിടുന്ന ദുര്യോഗം. കോൺഗ്രസ്​ നേതാവ് ഉത്തരാഖണ്ഡ് മുഖ്യമന്ത്രിയായിരിക്കെയാണ് ബീഫ് കഴിക്കുന്നവര്‍ ഇന്ത്യവിട്ട്​ പോകണം എന്ന്​ പറഞ്ഞത്. രമേശ് ചെന്നിത്തല ആഭ്യന്തരമന്ത്രിയായിരിക്കെയാണ് ആഭ്യന്തരവകുപ്പി​​െൻറ പൂര്‍ണ നിയന്ത്രണത്തിലുള്ള തൃശൂര്‍ പോലീസ് അക്കാദമിയുടെ പരിശീലനകേന്ദ്രത്തിൽ ബീഫ് നിരോധിച്ച്​ ഉത്തരവിറക്കിയത്. പ്രവീൺ തൊഗാഡിയയുടെ കേസ് പിന്‍വലിച്ചത് ഉമ്മന്‍ചാ-ണ്ടി ആഭ്യന്തരവകുപ്പി​​െൻറ ചുമതല വഹിക്കുമ്പോഴാണ്. 

ആസിഫ ബാനു എന്ന കുരുന്നു ബാലികയെ ക്രൂരമായി ബലാത്സംഗം ചെയ്തു കൊന്ന നരാധമന്‍മാര്‍ക്കെതിരെ ശക്തമായ പ്രതിഷേധം രേഖപ്പെടുത്തിയാണ്​ ‘ഇ.എം.എസ്^എ.കെ.ജി സ്മൃതി’ സാംസ്‌കാരിക സമ്മേളനം ആരംഭിച്ചത്. ശക്തി തിയറ്റേഴ്‌സ് പ്രസിഡൻറ്​ വി.പി. കൃഷ്ണകുമാർ അധ്യക്ഷത വഹിച്ചു. 
കെ.ബി. മുരളി, കേരള സോഷ്യൽ സ​െൻറര്‍ പ്രസിഡൻറ്​ പി. പത്മനാഭന്‍, ശക്തി വനിതാ വിഭാഗം കൺവീനര്‍ ഷെമീന ഒമര്‍ എന്നിവര്‍ സംസാരിച്ചു. 
ശക്തി ഗായകസംഘം സ്വാഗതഗാനം അവതരിപ്പിച്ചു. സമ്മേളനത്തോടനുബന്ധിച്ച് ഇ.എം.എസ്^എ.കെ.ജി ചിത്രപ്രദര്‍ശനവും ഉ-ായിരുന്നു. ശക്തി ട്രഷറര്‍ ലായിന മുഹമ്മദ് സ്വാഗതവും ജോയൻറ്​ സെക്രട്ടറി നൗഷാദ് യൂസുഫ് നന്ദിയും പറഞ്ഞു.

COMMENTS