സ്​നേഹത്തി​െൻറ അടയാളമായി  ദിൽവാലേയിലെ കറുത്ത ജാക്കറ്റ്

ദുബൈ:  സ്​നേഹത്തെക്കുറിച്ചും മനുഷ്യ നൻമയെക്കുറിച്ചും എന്നെന്നും ഒാർത്തു വെക്കാവുന്ന ഒരുപാട്​ സംഭാഷണങ്ങളും ദൃശ്യങ്ങളുമുള്ള ചിത്രമായിരുന്നു ബോളിവുഡിലെ തകർപ്പൻ ഹിറ്റായ ‘ദിൽവാലെ ദുൽഹാനിയാ ലേ​ജായേംഗേ’. ചിത്രത്തിലെ നായകൻ രാജ്​ (ഷാരൂഖ്​ ഖാൻ) അണിഞ്ഞിരുന്ന കറുപ്പ്​ ജാക്കറ്റ്​ സിനിമ ഇറങ്ങി 22 വർഷങ്ങൾക്കിപ്പുറം നൻമക്കും സ്​നേഹത്തിനും വീണ്ടും നിമിത്തമാവുന്നു. ഒപ്പം ഇന്ത്യയും യു.എ.ഇയും തമ്മിലെ സൗഹൃദം കൂടുതൽ ദൃഢമാവാനും. ശാരീരിക വ്യതിയാനവും പ്രത്യേക പരിരക്ഷയും ആവശ്യമുള്ള കുട്ടികളുടെ ക്ഷേമത്തിനായി പ്രവർത്തിക്കുന്ന റാശിദ്​ സ​െൻറർ ഫോർ ഡിസേബിൾഡും സൺ ഫൗണ്ടേഷനും ചേർന്ന്​ ഇന്ത്യൻ തലസ്​ഥാനമായ ഡൽഹിയിൽ ഒരുക്കിയ അത്താഴ വിരുന്നിൽ 1.60 ലക്ഷം രൂപക്കാണ്​ ജാക്കറ്റ്​ ലേലം ചെയ്യപ്പെട്ടത്​.

നടി പ്രിയങ്കാ പദുകോൺ ചെന്നൈ എക്​സ്​പ്രസ്​ എന്ന സിനിമയിൽ ധരിച്ച സാരി ഒരു ലക്ഷത്തിനും റാഷിദ്​ സ​െൻററിലെ കുട്ടികൾ വരച്ച മൂന്ന്​ പെയിൻറിങുകൾ 2.60 ലക്ഷത്തിനും  ബോക്​സിംഗ്​ ചാമ്പ്യൻ ഡേവിഡ്​ ഹേയ്​ ഒപ്പുവെച്ച ​ൈകയ്യുറ 35000 രൂപക്കും വിറ്റഴിഞ്ഞു. ഇൗ തുകയെല്ലാം കുഞ്ഞുങ്ങളുടെ ക്ഷേമത്തിന്​ വിനിയോഗിക്കും. ദാന വർഷത്തി​​െൻറ ഭാഗമായി ഇന്ത്യയിൽ നിന്നുള്ള കുട്ടികളെയും വിദഗ്​ധരെയും യു.എ.ഇയിലും യു.എ.ഇയിൽ നിന്ന്​ ഇന്ത്യയിലും എത്തിച്ച്​ തൊഴിലധിഷ്​ഠിത വിദ്യാഭ്യാസം നൽകുന്നതിനുള്ള കരാർ റാശിദ്​ സ​െൻററും സൺ ഫൗണ്ടേഷനും തമ്മിൽ രൂപപ്പെട്ടിട്ടുണ്ട്​. സ​െൻറർ എം.ഡി ശൈഖ്​ ജുമാ ബിൻ ആൽ മക്​തൂം ആൽ മക്​തൂമി​​െൻറ നേതൃത്വത്തിലെ പ്രതിനിധി സംഘമാണ്​ ഡൽഹിയിലെത്തിയത്​.

സ​െൻറർ സി.ഇ.ഒ മറിയം ഉസ്​മാൻ, ഫൗണ്ടേഷൻ ചെയർമാൻ വിക്രം ജിത്ത്​ സാഹ്​നി, ഇന്ത്യയിലെ അംബാസഡർ ഡോ. അഹ്​മദ്​ അൽ ബന്ന, റാഷിദ്​ സ​െൻറർ സ്​ഥാപകൻ അഹ്​മദ്​ ഖൂറി, ശൈഖാ ഫാത്തിമാ ബിൻത്​ ഹഷർ ബിൻ ദൽമൂക്ക്​ ആൽ മക്​തൂം തുടങ്ങിയവർ പ​െങ്കടുത്തു. ഇമറാത്തി ഗായകരായ ഫൈസൽ അൽ സഇൗദ്​, അബ്​ദുല്ലാ ബിൽ ഖൈർ എന്നിവരുടെയും റാഷിദ്​ സ​െൻറർ, സൺ ഫൗണ്ടേഷൻ എന്നിവിടങ്ങളിലെ കുട്ടികളുടെയും കലാപ്രകടനങ്ങളുമുണ്ടായി.