കളിക്കിടെ അപകടം: അഞ്ചു വയസ്സുകാരന്‍ മരിച്ചു

ദുബൈ: കളിക്കുന്നതിനിടെ മേശയില്‍ നിന്ന് വീണ്് അഞ്ചു വയസ്സുകാരന്‍ മരിച്ചു. ദുബൈയിലെ സിറ്റി 1016 ഹിന്ദി എഫ്.എം റോഡിയോയിലെ പ്രോഗ്രാം മാനേജര്‍ ഫിയോണ ആന്‍ മുന്‍റോയുടെ മകന്‍ ഡിലന്‍ ഫിലിപ്പ് ആണ് വെള്ളിയാഴ്ച രാവിലെ ദാരുണമായി മരിച്ചത്. ജുമൈറ ബീച്ച് റസിഡന്‍സിലെ സോഫിടെല്‍ ഹോട്ടലിലാണ് സംഭവം. പ്രാര്‍ഥനാ ചടങ്ങുകള്‍ക്കത്തെിയതായിരുന്നു ഫിയോണയും മകനും. കുട്ടികള്‍ ഒരു ഭാഗത്ത് കളിക്കുന്നതിനിടെ മേശയില്‍ നിന്ന് വീണ ഡിലന്‍െറ തലയില്‍ മേശപ്പുറത്തുണ്ടായിരുന്ന വസ്തു പതിക്കുകയായിരുന്നു. ആശുപത്രിയിലത്തെും മുമ്പ് മരണം സംഭവിച്ചു. തലക്ക് ക്ഷതമേറ്റാണ് മരണം. ഫിലിപ്പ് ( ഒറാക്കിള്‍) ആണ് ഡിലന്‍െറ പിതാവ്. രണ്ടു വയസ്സുകാരി ക്രിസ്റ്റന്‍ സഹോദരിയാണ്.
മൃതദേഹം ഞായറാഴ്ച ദുബൈയില്‍ സംസ്കരിക്കും.