ആശ്വാസം; രോഗമുക്തർ ഒന്നര ലക്ഷത്തിേലക്ക്
text_fieldsറിയാദ്: സൗദി അറേബ്യക്ക് ആശ്വാസംപകർന്ന് കോവിഡ്മുക്തരായ ആളുകളുടെ എണ്ണം ഒന്നരലക്ഷത്തിലേക്ക്. തിങ്കളാഴ്ച 4398 പേർകൂടി സുഖംപ്രാപിച്ചതോടെ ആകെ രോഗമുക്തരുടെ എണ്ണം 149634 ആയി. എന്നാൽ, 4207 പേർക്ക് പുതുതായി രോഗം സ്ഥിരീകരിച്ചതോടെ വൈറസ്ബാധിതരുടെ ആകെ എണ്ണം 213716 ആയി. രാജ്യത്തെ വിവിധ ആശുപത്രികളിൽ ചികിത്സയിൽ കഴിയുന്നവരുടെ എണ്ണം 62114 ആയി കുറഞ്ഞു. ഇതിൽ 2254 പേർ ഗുരുതരസ്ഥയിൽ തീവ്രപരിചരണ വിഭാഗത്തിലാണ്. 52 പേരാണ് തിങ്കളാഴ്ച മരിച്ചത്.
ഇതോടെ ആകെ മരണസംഖ്യ 1968 ആയി ഉയർന്നു. 24 മണിക്കൂറിനിടെ 60,064 കോവിഡ് ടെസ്റ്റുകൾ രാജ്യവ്യാപകമായി നടന്നു. ഇതുവരെ 1,934,391 പി.സി.ആർ ടെസ്റ്റുകളാണ് നടന്നത്. തിങ്കളാഴ്ച റിയാദ് 22, ജിദ്ദ 10, മക്ക 7, മദീന 4, ദമ്മാം 2, ഹുഫൂഫ് 2, ബുറൈദ 1, തബൂക്ക് 4 എന്നിവിടങ്ങളിലാണ് മരണം റിപ്പോർട്ട് ചെയ്തത്. ജിദ്ദയിൽ മരണ സംഖ്യ 538 ഉം റിയാദിൽ 475 ഉം മക്കയിൽ 435 ഉം ആണ് മരണസംഖ്യ. രാജ്യത്തെ ചെറുതും വലുതുമായ 199 പട്ടണങ്ങളാണ് രോഗത്തിെൻറ പിടിയിലായത്.
‘കോഴിക്കോടൻസ്’ ചാർേട്ടഡ് വിമാനത്തിൽ 265 പേർ നാടണഞ്ഞു
റിയാദ്: കോഴിക്കോട്ടുകാരുടെ റിയാദിലെ കൂട്ടായ്മയായ ‘കോഴിക്കോടൻസ് അറ്റ് റിയാദ്’ ഇറാം ഗ്രൂപ്പിെൻറ സഹകരണത്തോടെ ചാർട്ട് ചെയ്ത സൗദി എയർലൈൻസ് വിമാനത്തിൽ ആറു കുഞ്ഞുങ്ങളടക്കം 265 യാത്രക്കാർ കോഴിക്കോട്ട് എത്തി. കഴിഞ്ഞ ദിവസം പുലർച്ച അഞ്ചിനാണ് വിമാനം റിയാദിലെ കിങ് ഖാലിദ് അന്താരാഷ്ട്ര വിമാനത്താവളത്തിൽനിന്ന് പറന്നുയർന്നത്. കോവിഡ് പ്രോട്ടോകോൾ പ്രകാരമുള്ള സാമൂഹിക അകലം പാലിച്ചും എല്ലാ മുൻകരുതലുകളോടെയും യാത്രക്കാർക്ക് ഭക്ഷണം നൽകിയുമാണ് വിമാന സർവിസ് നടന്നത്. 43 കിലോ ബാഗേജ് അനുവദിച്ചിരുന്നു. കോഴിക്കോട്ടുകാരോടൊപ്പം കേരളത്തിെൻറ വിവിധഭാഗങ്ങളിൽനിന്നുള്ളവരും യാത്രക്കാരായുണ്ടായിരുന്നു.
കോവിഡ് കാല ജീവകാരുണ്യപ്രവർത്തനങ്ങളുടെ ഭാഗമായി കോഴിക്കോടൻസ് നൽകിയ സൗജന്യ ടിക്കറ്റുകളിൽ യാത്ര നടത്തിയവരും ഇക്കൂട്ടത്തിലുണ്ടെന്ന് കോഓഡിനേറ്റർമാരായ ഫൈസൽ പൂനൂർ, വി.കെ. അബ്ബാസ്, മുനീബ് പാഴൂർ എന്നിവർ അറിയിച്ചു. ഡയാലിസിസ് അടക്കമുള്ള അടിയന്തര വൈദ്യ സഹായം ലഭിക്കേണ്ടവരെയും വിസ കാലാവധി കഴിഞ്ഞിട്ട് ദീർഘകാലമായി സൗദിയിൽ കുടുങ്ങിയവരും ഈ വിമാനത്തിൽ നാടണഞ്ഞു. അഷ്റഫ് വേങ്ങാട്ട്, മുജീബ് ഉപ്പട, ലിജോ ജോയ്, അഹമ്മദ് ഫലാഹ്, ഫൈസൽ കച്ചേരിത്തൊടു എന്നിവർ റിയാദ് എയർപോർട്ടിൽ സഹായപ്രവർത്തനങ്ങൾക്ക് എത്തിയിരുന്നു.
LATEST VIDEO
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.