Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightപുതുക്കുന്ന...

പുതുക്കുന്ന സർട്ടിഫിക്കറ്റിൽ ‘ഡിപ്ലോമ’യുണ്ടാവുമെന്ന്​ കേരള നഴ്​സസ്​​ കൗൺസിൽ

text_fields
bookmark_border
പുതുക്കുന്ന സർട്ടിഫിക്കറ്റിൽ ‘ഡിപ്ലോമ’യുണ്ടാവുമെന്ന്​ കേരള നഴ്​സസ്​​ കൗൺസിൽ
cancel

റിയാദ്​: ഡി​േപ്ലാമ സർട്ടിഫിക്കറ്റില്ലാത്തതിനാൽ സൗദി അറേബ്യയിൽ കൂട്ടപിരിച്ചുവിടൽ ഭീഷണി നേരിടുന്ന മലയാളി നഴ്​സുമാരുടെ പ്രശ്​നത്തിന്​ പരിഹാരമാകും. വളരെ പഴയ സർട്ടിഫിക്കറ്റ്​ വരെ പുതുക്കി നൽകാൻ കേരള നഴ്​സസ്​ ആൻഡ്​ മിഡ്​വൈവ്​സ്​​ കൗൺസിൽ ഒാൺലൈൻ നടപടി സ്വീകരിച്ച​േതാടെയാണിത്​. 1990 മുതലുള്ള സർട്ടിഫിക്കറ്റ്​ പുതുക്കാനാണ്​ ഒാൺലൈൻ അപേക്ഷ ക്ഷണിച്ചിരിക്കുന്നത്​. ഇൗ മാസം 26 (തിങ്കൾ) മുതൽ കൗൺസിലി​​​െൻറ വെബ്​സൈറ്റിലൂടെ (www.knmc.org) അപേക്ഷ സ്വീകരിച്ചുതുടങ്ങി.

പുതുക്കി കിട്ടുന്ന സർട്ടിഫിക്കറ്റിൽ ഡിപ്ലോമ എന്നുണ്ടാവുമെന്നും ഹോളോഗ്രാം പതിച്ചതായിരിക്കും സർട്ടിഫിക്കറ്റെന്നും കൗൺസിൽ രജിസ്​ട്രാർ പ്രഫ. വത്സ കെ. പണിക്കർ സൗദിയിൽ നിന്ന്​ ബന്ധപ്പെട്ട നഴ്​സുമാർക്ക്​ ഉപ്പുനൽകി. ഡിപ്ലോമ സർട്ടിക്കറ്റ്​ തന്നെയാണ്​ ലഭിക്കുകയെന്ന്​ വെബ്​സൈറ്റിലെ ഒാൺലൈൻ രജിസ്​ട്രേഷൻ ടാബിൽ വ്യക്​തമാണ്​. കോഴ്​സ്​ സെലക്​ട്​ ചെയ്യാനുള്ള ഡ്രോപ്പ്​ മെനുവിൽ ആദ്യം തന്നെയുള്ളത്​ ഡിപ്ലോമ ഇൻ ജനറൽ നഴ്​സ്​ ആൻഡ്​ മിഡ്​വൈഫറി (ജി.എൻ.എം) എന്നാണ്​. ബാക്കിയുള്ളത്​ ആക്​സിലറി നഴ്​സസ്​ ആൻഡ്​ മിഡ്​വൈവ്​സും (എ.എൻ.എം) ബി.എസ്​സി നഴ്​സിങ്ങുമാണ്​. ഇതിൽ എ.എൻ.എം സർട്ടിഫിക്കറ്റ്​ കോഴ്​സാണ്​.

ബാക്കിയുള്ളത്​ ബിരുദവും ഡിപ്ലോമയുമാണ്​. അതായത്​ സൗദി അറേബ്യയിൽ ഇപ്പോൾ പ്രശ്​നത്തിലായിരിക്കുന്ന ജി.എൻ.എം നഴ്​സുമാർ തങ്ങളുടെ സർട്ടിഫിക്കറ്റ്​ പുതുക്കാൻ മെനുവിൽ ‘ഡിപ്ലോമ ഇൻ ജനറൽ നഴ്​സ്​ ആൻഡ്​ മിഡ്​വൈഫറി’ സെലക്​ട്​ ചെയ്​താണ്​ ഒാൺലൈൻ അപേക്ഷ പൂരിപ്പിക്കേണ്ടത്​. ഇതോടെ പുതുക്കി ലഭിക്കുന്നത്​ ഡിപ്ലോമ സർട്ടിഫിക്കറ്റ്​ തന്നെയായിരിക്കുമെന്ന്​​ ഉറപ്പായി. 

01​/01​/1990 മുതൽ 31​/12/2012 വരെയുള്ള കാലയളവിൽ രജിസ്​ട്രേഷൻ ലഭിച്ചവരുടെ സർട്ടിഫിക്കറ്റാണ്​ പുതുക്കാൻ അപേക്ഷ ക്ഷണിച്ചത്​. 2013ന്​ മുമ്പ്​ നൽകിയ സർട്ടിഫിക്കറ്റുകളിൽ കാലാവധി രേഖപ്പെടുത്തിയിരുന്നില്ല. അതുകൊണ്ടാണ്​ അതുവരെയുള്ള സർട്ടിഫിക്കറ്റുകൾ പുതുക്കി നൽകാൻ കൗൺസിൽ ഇപ്പോൾ തീരുമാനമെടുത്തത്​. 2013ന്​ ശേഷം നൽകുന്ന സർട്ടിഫിക്കറ്റുകളിൽ കലാവധി രേഖപ്പെടുത്തുന്നുണ്ട്​. ഫലത്തിൽ ഇത്​ സർട്ടിഫിക്കറ്റിൽ ‘ഡി​േപ്ലാമ’ എന്നില്ലാതെ സൗദിയിൽ പ്രതിസന്ധിയിലായ പഴയ ജി.എൻ.എം നഴ്​സുമാർക്ക്​ അനുഗ്രഹമായി മാറുകയായിരുന്നു.

2005ന്​ മുമ്പുള്ള ജി.എൻ.എം സർട്ടിഫിക്കറ്റുകളിൽ ഡിപ്ലോമ എന്ന്​ രേഖപ്പെടുത്തിയിരുന്നില്ല. ഇതാണ്​ സൗദിയിലെ മലയാളി നഴ്​സുമാർക്ക്​ വിനയായത്​. ഡിപ്ലോമ ഇല്ലാത്തവരുടെ ലൈസൻസ്​ ഇൗ വർഷം മുതൽ പുതുക്കില്ലെന്ന്​ സൗദി കൗൺസിൽ ഫോർ ഹെൽത്ത്​ സ്​പെഷ്യാലിറ്റീസ്​ തീരുമാനിച്ചതോടെ പത്തും പതിഞ്ചും അതിലേറെയും വർഷങ്ങളായി സൗദി സർക്കാർ, സ്വകാര്യ ആ​േരാഗ്യ മേഖലയിൽ ജോലി ചെയ്യുന്ന ആയിരക്കണക്കിന്​ മലയാളി നഴ്​സുമാർ പിരിച്ചുവിടൽ ഭീഷണിയിലായി. ഇൗ പ്രതിസന്ധിയെ കുറിച്ച്​ ‘ഗൾഫ്​ മാധ്യമം’ നിരന്തരം വാർത്തയെഴുതുകയും വിവിധ പ്രവാസി സംഘടനകൾ അധികാരികളുടെ ശ്രദ്ധയിൽ പെടുത്തുകയും ചെയ്​തതോടെ സർട്ടിഫിക്കറ്റ്​ പുതുക്കി നൽകി പ്രശ്​നപരിഹാരം കാണാൻ​ കേരള നഴ്​സസ്​ കൗൺസിൽ നിർബന്ധിതരാവുകയായിരുന്നു​.

സർട്ടിഫിക്കറ്റ്​ പുതുക്കൽ സംബന്ധിച്ച്​ ഇൗ മാസം 24നാണ്​ കൗൺസിൽ വിജ്ഞാപനമിറക്കിയത്​. ഹോളോഗ്രാം പതിച്ച പുതിയ ഡിപ്ലോമ സർട്ടിഫിക്കറ്റ്​ ലഭിക്കുന്നതോടെ സൗദിയി​ൽ നേരിടുന്ന പ്രശ്​നത്തിന്​ പരിഹാരമാകുമെന്ന്​ തന്നെയാണ്​ പ്രതീക്ഷയെന്ന്​ വിഷയത്തിലിടപെട്ട സൗദി ഇന്ത്യൻ നഴ്​സസ്​ അസോസിയേഷൻ (സൈന) പ്രസിഡൻറ്​ സിഞ്ചു റാന്നി ‘ഗൾഫ്​ മാധ്യമ’ത്തോട്​ പറഞ്ഞു. ഒാൺലൈനിലൂടെ അപേക്ഷിച്ചാൽ ഒറ്റ ദിവസം കൊണ്ട്​ തന്നെ പുതിയ സർട്ടിഫിക്കറ്റ്​ ലഭിക്കും വിധമാണ്​ കൗൺസിൽ ഇപ്പോൾ ഏർപ്പെടുത്തിയിരിക്കുന്ന നടപടിക്രമമെന്നും സൗദി കോൺസുലേറ്റ്​ സാക്ഷ്യപ്പെടുത്തി സർട്ടിഫിക്കറ്റ്​ സൗദി മെഡിക്കൽ കൗൺസിലിൽ ഹാജരാക്കിയാൽ ലൈസൻസ്​ പുതുക്കി കിട്ടാൻ പ്രയാസമുണ്ടാകില്ലെന്നാണ്​ കരുതുന്നതെന്നും അദ്ദേഹം വ്യക്​തമാക്കി.   

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:saudi arabiagulf newsmalayalam news
News Summary - Nurses Counsel Certificate Diploma-Gulf News
Next Story