കെ. സുധാകരൻ കെ.പി.സി.സി പ്രസിഡൻറ്: റിയാദിലെ കോൺഗ്രസ് പ്രവർത്തകർ ആഹ്ലാദം പങ്കുവെച്ചു
text_fieldsറിയാദ്: കേരളത്തിലെ കോൺഗ്രസ് പ്രവർത്തകരും ജനാധിപത്യ വിശ്വാസികളും വളരെ പ്രതീക്ഷകളോടെ കാത്തിരുന്ന നിയമനത്തിൽ റിയാദിലെ ഒ.ഐ.സി.സി പ്രവർത്തകർ ആഹ്ലാദം പ്രകടിപ്പിച്ചു. ബത്ഹയിലെ അപ്പോ േളാ ഡിമോറോ ഹോട്ടലിൽ ഒ.ഐ.സി.സി സൗദി നാഷനൽ കമ്മിറ്റിയുടെ നേതൃത്വത്തിൽ ഒത്തുചേർന്ന് കേക്ക് മുറിച്ച് സന്തോഷം പങ്കുവെച്ചു.
കെ. സുധാകരെൻറ നേതൃത്വത്തിൽ കേരളത്തിൽ കോൺഗ്രസ് ശക്തമായി തിരിച്ചുവരുമെന്നു പ്രവർത്തകരും നേതാക്കന്മാരും അഭിപ്രായപ്പെട്ടു. കേരളത്തിലെ മുതിർന്ന നേതാക്കളായ ഉമ്മൻ ചാണ്ടിയെയും രമേശ് ചെന്നിത്തലയെയും മുല്ലപ്പള്ളി രാമചന്ദ്രനെയു മറ്റും തന്നോടൊപ്പം ചേർത്ത് അവരുടെ ഉപദേശ നിർദേശങ്ങളും സ്വീകരിച്ച് ഗ്രൂപ്പുകൾക്ക് അതീതമായി താഴെത്തട്ടു മുതൽ കോൺഗ്രസ് പ്രസ്ഥാനത്തെ ശക്തിപ്പെടുത്താൻ പുതിയ നേതൃത്വത്തിന് കഴിയും എന്ന് നാഷനൽ കമ്മിറ്റി അംഗങ്ങൾ അഭിപ്രായപ്പെട്ടു.
പ്രതിപക്ഷ നേതാവായി വി.ഡി. സതീശനെ നിയമിച്ചുകൊണ്ട് തുടക്കം കുറിച്ച മാറ്റം കെ. സുധാകരനിലൂടെ തുടരുകയാണ്. ഏറ്റവും പരിചയ സമ്പന്നരും ജനഹൃദയങ്ങളിൽ അംഗീകാരം നേടിയവരുമാണ് വർക്കിങ് പ്രസിഡൻറുമാരായി നിയമിതരായ കൊടിക്കുന്നിൽ സുരേഷ് എം.പിയും എം.എൽ.എമാരായ പി.ടി. തോമസും ടി. സിദ്ദീഖും. ഇവരുടെയും ഇനിവരുന്ന ഭാരവാഹികളുടെയും നേതൃത്വത്തിൽ ഒരു പുതിയ യുഗം തന്നെ കേരളത്തിലെ കോൺഗ്രസ് പ്രസ്ഥാനത്തിൽ ഉണ്ടാകുമെന്നും ഒ.ഐ.സി.സി നാഷനൽ കമ്മിറ്റി അഭിപ്രായപ്പെട്ടൂ.
ആക്ടിങ് പ്രസിഡൻറ് അഷ്റഫ് വടക്കേവിള, ജനറൽ സെക്രട്ടറിമാരായ ഷാജി സോണ, സത്താർ കായംകുളം, സെക്രട്ടറി സിദ്ദിഖ് കല്ലുപറമ്പൻ, എസ്.പി. ഷാനവാസ്, നാസർ ലെയ്സ്, വിജയൻ നെയ്യാറ്റിൻകര, ഷാജഹാൻ കരുനാഗപ്പള്ളി, ഇക്ബാൽ കോഴിക്കോട്, ചന്ദ്രൻ പെരിന്തൽമണ്ണ, റെജി ചുനക്കര, മുജീബ് മണ്ണാർമല, ഡേവിഡ് ഡിമോറ, ബനൂജ് പുലത്തു, ഷിബിൻ സിദ്ദിഖ്, റഫീഖ് കണ്ണൂർ, അംജദ് സമദ് തുടങ്ങിയവർ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.