അന്താരാഷ്ട്ര ഖുർആൻ കൈയെഴുത്തു മത്സരം
text_fieldsമദീന: മദീനയിലെ കിങ് ഫഹദ് ഖുർആൻ കോംപ്ലക്സ് അന്താരാഷ്ട്ര ഖുർആൻ കൈയെഴുത്ത് മത്സരം സംഘടിപ്പിക്കുന്നു. ദൈവിക ഗ്രന്ഥത്തെ സേവിക്കുന്നതിലുള്ള രാജ്യത്തിന്റെ കരുതൽ ഉയർത്തിക്കാട്ടുകയും ഖുർആൻ എഴുത്ത് രംഗത്തെ വിശിഷ്ട വ്യക്തികൾക്ക് അത് പ്രകടിപ്പിക്കാനുള്ള അവസരമൊരുക്കുകയുമാണ് ഇതിലൂടെ സൗദി മതകാര്യ വകുപ്പ് ലക്ഷ്യമിടുന്നത്. ഖുർആൻ കൈയെഴുത്തിന്റെ അനുഭവങ്ങളും മികച്ച ഫലങ്ങളും കലിഗ്രാഫർമാർക്ക് തമ്മിൽ കൈമാറാനും അവസരം കൂടിയാകും ഇത്. കോംപ്ലക്സിന് കീഴിൽ അടുത്ത വർഷം ശഅ്ബാനിലാണ് മത്സരം നടക്കുക. ഇതിന് അനുമതി കഴിഞ്ഞദിവസമാണ് സൽമാൻ രാജാവ് പുറപ്പെടുവിച്ചത്. വിദഗ്ധരായ ഖുർആൻ കാലിഗ്രാഫർമാർ ദൈവികഗ്രന്ഥത്തെ സേവിക്കുന്നതിൽ നടത്തിക്കൊണ്ടിരിക്കുന്ന പ്രവർത്തനത്തിനും പ്രയത്നങ്ങൾക്കും ആദരവും അഭിനന്ദനവും നൽകും. അന്താരാഷ്ട്ര ഖുർആൻ കൈയെഴുത്ത് മത്സരം സംഘടിപ്പിക്കുന്നതിന് അനുമതി നൽകിയതിന് സൽമാൻ രാജാവിന് മതകാര്യവകുപ്പ് മന്ത്രിയും ഖുർആൻ പ്രിൻറിങ് പ്രസ് ജനറൽ സൂപ്പർവൈസറുമായ ഡോ. അബ്ദുൽ ലത്തീഫ് ബിൻ അബ്ദുൽ അസീസ് ആലുശൈഖ് നന്ദി രേഖപ്പെടുത്തി. മത്സരത്തിന്റെ വ്യവസ്ഥകളും ഘട്ടങ്ങളും ഉടൻ പ്രഖ്യാപിക്കുമെന്നും മന്ത്രി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.