സൗദിയിൽ പെരുന്നാൾ അവധി പ്രഖ്യാപിച്ചു

ജിദ്ദ: സൗദി അറേബ്യയിലെ സ്വകാര്യ മേഖലയിലെയും പൊതുമേഖലയിലെയും സ്ഥാപനങ്ങൾക്ക്​ ഈദുൽ ഫിത്വ്​ർ അവധി മാനവ വിഭവശേഷി സാമൂഹിക വികസന മന്ത്രാലയം പ്രഖ്യാപിച്ചു. പൊതുമേഖലക്ക് റമദാൻ 22 (മെയ് 15) വെള്ളിയാഴ്ച മുതൽ ശവ്വാൽ 7 (മെയ്​ 30) ശനിയാഴ്ച വരെ അവധിയായിരിക്കും. ശവ്വാൽ എട്ട്​ ഞായറാഴ്ച (മെയ് 31) പ്രവൃത്തി ദിനമായിരിക്കും. സ്വകാര്യ മേഖലയിൽ റമദാൻ 29ന്​ ശേഷം നാല്​ ദിവസമായിരിക്കും അവധി. ഈ വർഷം റമദാൻ 29 വെള്ളിയാഴ്ചയായതിനാൽ സ്വകാര്യ സ്ഥാപനങ്ങൾക്ക് റമദാൻ 28 വ്യാഴാഴ്ചയയിരിക്കും അവസാന പ്രവൃത്തി ദിനം. ഓരോ തൊഴിലാളിക്കും അവധി ദിനങ്ങളിലെ പൂർണ വേതനം ലഭിക്കാനുള്ള അവകാശമുണ്ടെന്ന് മന്ത്രാലയം ഓർമപ്പെടുത്തി.