ഒതുക്കുങ്ങൽ പഞ്ചായത്ത് ഗ്ലോബൽ കെ.എം.സി.സി പ്രതിഭ സംഗമം
text_fieldsറിയാദ്: അഴിമതിയും കള്ളക്കടത്തും മാത്രം കൈമുതലാക്കി കേരളം ഭരിച്ചു കൊണ്ടിരിക്കുന്ന ഇടതു സർക്കാറിനെ താഴെയിറക്കാൻ ജനങ്ങൾ തയാറായി നിൽക്കുകയാണെന്നും തുടർന്ന് കേരളത്തിൽ ഐക്യജനാധിപത്യ മുന്നണി അധികാരത്തിൽ വരുമെന്നും മുസ്ലിം ലീഗ് അഖിലേന്ത്യ ജനറൽ സെക്രട്ടറി പി.കെ. കുഞ്ഞാലിക്കുട്ടി എം.പി പറഞ്ഞു. ഒതുക്കുങ്ങൽ പഞ്ചായത്ത് ഗ്ലോബൽ കെ.എം.സി.സി നാട്ടിൽ സംഘടിപ്പിച്ച പ്രതിഭ സംഗമം ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന ജനറൽ സെക്രട്ടറി കെ.പി.എ. മജീദ് മുഖ്യാതിഥിയായി.
പ്രസിഡൻറ് മജീദ് കൂട്ടീരി അധ്യക്ഷത വഹിച്ചു. മുസ്ലിം യൂത്ത് ലീഗ് ജില്ല വൈസ് പ്രസിഡൻറ് ശരീഫ് കുറ്റൂർ മുഖ്യ പ്രഭാഷണം നിർവഹിച്ചു. മുസ്ലിം ലീഗ് പഞ്ചായത്ത് പ്രസിഡൻറ് ആലിപ്പ, സെക്രട്ടറി ഇസ്ഹാഖ് കറുമണ്ണിൽ, ഇ.കെ. മുഹമ്മദ് അലി, ഷൗക്കത്ത് കടമ്പോട്ട്, സി.കെ. റസാഖ് മാസ്റ്റർ, റവാസ് ആട്ടീരി, ടി. ഫസ്ലു റഹ്മാൻ, സൽമാൻ കടമ്പോട്ട്, കറുമണ്ണിൽ കുട്ടിക്ക എന്നിവർ സംസാരിച്ചു. കുരുണിയൻ മുഹമ്മദ് ഹാജി, ഇ.വി. അബ്ദുറഹ്മാൻ എന്നിവരുടെ പേരിലുള്ള എക്സലൻസി അവാർഡ് ഒതുക്കുങ്ങൾ ഹയർ സെക്കൻഡറി സ്കൂളിൽനിന്നും പ്ലസ് ടുവിൽ ഉയർന്ന മാർക്ക് നേടിയ വി. ആഷിർ, കെ. നിയാസ് റഹ്മാൻ എന്നിവർക്ക് പി.കെ. കുഞ്ഞാലികുട്ടി എം.പി നൽകി. ഉന്നത വിജയത്തിലൂടെ ഡൽഹി യൂിവേഴ്സിറ്റിയിൽ തുടർപഠനത്തിന് അവസരം ലഭിച്ച വിദ്യാർഥികളായ വി. ആഷിർ, പി.കെ. റാണിയ, ഷഹാനസ് മുംതാസ്, മുഹമ്മദ് സജ്ജാദ് എന്നിവർക്ക് ജിദ്ദ ഒതുക്കുങ്ങൽ പഞ്ചായത്ത് കെ.എം.സി.സിയുടെ ഉപഹാരങ്ങൾ കെ.പി.എ. മജീദ് നൽകി. പുളിക്കൽ ദാറുൽ ഉലൂമിൽനിന്നും ഖുർആൻ മനഃപാഠമാക്കിയ ഫാദി റസാന് കെ.എം.സി.സിയുടെ ഉപഹാരം സമ്മാനിച്ചു. ഒതുക്കുങ്ങൽ ഗ്രാമപഞ്ചായത്ത് പ്രസിഡൻറ് മൂസ കടമ്പോട്ട്, ജില്ല പഞ്ചായത്ത് മെംബർ സലീന ടീച്ചർ, പഞ്ചായത്ത് വൈസ് പ്രസിഡൻറ് ഫൗസിയ നൗഷാദ്, ബ്ലോക്ക് മെംബർ എ.കെ. മെഹനാസ്, ഉമ്മാട്ട് കുഞ്ഞീതു, പഞ്ചായത്ത് മെംബർ എ.കെ. കമറുദ്ദീൻ എന്നിവർ സംസാരിച്ചു. ജനറൽ സെക്രട്ടറി യൂനസ് കടമ്പോട്ട് സ്വാഗതവും സി.കെ. നാസർ നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.