സന്ദർശകർ സജീവമാകുന്നു
text_fieldsദോഹ: ഈ വർഷം ജൂണിൽ ഖത്തറിലെത്തിയ സന്ദർശകരുടെ എണ്ണത്തിൽ വൻ വർധന. 2021നെ അപേക്ഷിച്ച് ഈ വർഷം ജൂണിൽ അഞ്ചിരട്ടിയോളം സന്ദർശകർ വർധിച്ചതായാണ് റി പ്പോർട്ട്. 1,45,641 സന്ദർശകരാണ് കഴിഞ്ഞ ജൂണിൽ ഖത്തറിലെത്തിയത്. 2021 ജൂണിൽ കേവലം 24293 പേർ മാത്രമായിരുന്നു സന്ദർശകർ. പ്ലാനിങ് ആൻഡ് സ്റ്റാറ്റിസ്റ്റിക്സ് അതോറിറ്റി (പി.എസ്.എ) പുറത്തുവിട്ട റിപ്പോർട്ടിലാണ് ഇക്കാര്യം വ്യക്തമാക്കിയിരിക്കുന്നത്.
വാർഷിക കണക്കിൽ 499 ശതമാനം വർധനയാണ് രേഖപ്പെടുത്തിയിരിക്കുന്നത്. ജി.സി.സി രാജ്യങ്ങളിൽനിന്നാണ് ഏറ്റവും കൂടുതൽ സന്ദർശകരെത്തിയത്. 59620 പേരാണ് (41 ശതമാനം) ജി.സി.സിയിൽനിന്ന് മാത്രമെത്തിയത്. സന്ദർശകരിൽ 88054 പേർ വ്യോമമാർഗം ഖത്തറിലെത്തിയപ്പോൾ 48021 പേർ കരമാർഗവും 9566 പേർ കടൽ മാർഗം എത്തിയതായും പി.എസ്.എ റിപ്പോർട്ടിൽ ചൂണ്ടിക്കാട്ടി.
മറ്റു അറബ് രാജ്യങ്ങളിൽ നിന്ന് 10,134 പേരും ആഫ്രിക്കയിൽനിന്ന് 2399 പേരും 33790 പേർ ഏഷ്യ-ഓഷ്യാനിയയിൽനിന്നും എത്തിയതായും യൂറോപ്പിൽനിന്ന് 24502 പേരും അമേരിക്കയിൽനിന്ന് 15196 പേരും സന്ദർശകരായെത്തിയെന്നും പി.എസ്.എ വ്യക്തമാക്കി.
പി.എസ്.എ പുറത്തുവിട്ട മാസാന്ത റിപ്പോർട്ടിൽ ഈ വർഷം ജൂണിൽ നൽകിയ പുതിയ ൈഡ്രവിങ് ലൈസൻസിന്റെ എണ്ണത്തിൽ മുൻവർഷത്ത അപേക്ഷിച്ച് 136.8 ശതമാനം വർധന രേഖപ്പെടുത്തിയതായും കഴിഞ്ഞ മാസത്തെ അപേക്ഷിച്ച് 39.8 ശതമാനം വർധനയുണ്ടായതായും ചൂണ്ടിക്കാട്ടി. ഖത്തരികളല്ലാത്ത പുരുഷന്മാരാണ് പുതുതായി ലൈസൻസ് അനുവദിക്കപ്പെട്ടവരിലധികവും (82 ശതമാനം). മുൻ മാസത്തെ അപേക്ഷിച്ച് 39.8 ശതമാനം വർധനയാണ് രേഖപ്പെടുത്തിയത്.
2022 ജൂണിൽ 8011 പുതിയ വാഹനങ്ങൾ രജിസ്റ്റർ ചെയ്തതായി പി.എസ്.എ റിപ്പോർട്ടിൽ വ്യക്തമാക്കി. 2022 മെയ് മാസത്തെ അപേക്ഷിച്ച് 22.6 ശതമാനം വർധനയും 2021 ജൂൺ മാസത്തെ അപേക്ഷിച്ച് 53.1 ശതമാനം വർധനയും രേഖപ്പെടുത്തി. ഗതാഗത നിയമലംഘനങ്ങളുടെ എണ്ണത്തിലും വർധന രേഖപ്പെടുത്തിയതായി പി.എസ്.എ റിപ്പോർട്ട് ചെയ്തു. 18 ശതമാനത്തിലധികമാണ് വർധനയുണ്ടായത്. ജൂണിൽ 746 വാഹനാപകട കേസുകൾ രജിസ്റ്റർ ചെയ്തതായും ഇതിൽ 92 ശതമാനം കേസുകളിലും നിസ്സാര പരിക്കുകളാണ് റിപ്പോർട്ട് ചെയ്തിരിക്കുന്നത്. ജൂൺ ആദ്യത്തിൽ 2.50 മില്യൻ ഉണ്ടായിരുന്ന ജനസംഖ്യ ജൂൺ അവസാനത്തോടെ 2.66 മില്യനായി വർധിച്ചതായും റിപ്പോർട്ടിൽ വ്യക്തമാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.