തൃപ്രങ്ങോട് സ്വദേശി ഖത്തറിൽ നിര്യാതനായി

ദോഹ: തൃപ്രങ്ങോട് സ്വദേശി ഖത്തറിൽ നിര്യാതനായി. തൃപ്രങ്ങോട് ആനപ്പടിയിലെ അമലത്ത് മണികണ്ഠൻ-സുനിത ദമ്പതികളുടെ മകൻ ശ്യാം ജിത് (23) ആണ് ഖത്തറിൽ നിര്യാതനായത്​. ജോലിക്കിടയിൽ ഹൃദയാഘാതത്തെ തുടർന്നായിരുന്നു മരണം.

ഖത്തറിൽ ഒരു കമ്പനിയിൽ അക്കൗണ്ടൻറ് ആയി ജോലി ചെയ്തു വരികയായിരുന്നു. ആറ് മാസം മുമ്പാണ് ഖത്തറിൽ പോയത്. മൃതദേഹം നാളെ രാവിലെ ആറു മണിക്ക് നാട്ടിൽ എത്തിക്കും. സഹോദരങ്ങൾ- ശരത്, നിഷാന്ത്.