മിഡിലീസ്​റ്റിലെ ഏറ്റവും മികച്ച ബാങ്കായി ക്യു.എൻ.ബി വീണ്ടും

ദോഹ: മിഡിലീസ്​റ്റിലെ ഏറ്റവും മികച്ച ബാങ്കായി ക്യു.എൻ.ബി (ഖത്തർ നാഷനൽ ബാങ്ക്) വീണ്ടും തിരഞ്ഞെടുക്കപ്പെട്ടു. ദ ബാങ്കർ മാഗസിൻ പ്രസിദ്ധീകരിച്ച ലോകത്തിലെ ഏറ്റവും മികച്ച 1000 ബാങ്കുകളുടെ പട്ടികയിലാണ് മിഡിലീസ്​റ്റിലെ മികച്ച ബാങ്കുകളിൽ ക്യു.എൻ.ബി ഒന്നാമതെത്തിയത്.

ആഗോള തലത്തിൽ മികച്ച ബാങ്കുകളുടെ പട്ടികയിൽ 72ാമത് എത്തിയ ക്യു.എൻ.ബിയുടെ 2019ലെ കണക്കുകൾ പ്രകാരം അടിസ്​ഥാന മൂലധനം 10.4 ശതമാനം വർധിച്ച് 24.9 ബില്യൺ ഡോളറാണ്. കഴിഞ്ഞ വർഷം ആഗോള തലത്തിൽ 75ാം റാങ്കിലായിരുന്നു ക്യു.എൻ.ബിയുടെ സ്​ഥാനം.