Top
Begin typing your search above and press return to search.
exit_to_app
exit_to_app
Homechevron_rightGulfchevron_rightQatarchevron_rightതീ​പി​ടി​ത്ത​വും...

തീ​പി​ടി​ത്ത​വും ക​ു​റ്റ​കൃ​ത്യ​ങ്ങ​ളും ത​ട​യ​ൽ: വീ​ടു​ക​ളി​ലും സ്ഥാ​പ​ന​ങ്ങ​ളി​ലും അ​തി​വേ​ഗ മു​ന്ന​റി​യി​പ്പ് ഉ​പ​ക​ര​ണ​ങ്ങ​ൾ സ്ഥാ​പി​ക്ക​ണം

text_fields
bookmark_border
തീ​പി​ടി​ത്ത​വും ക​ു​റ്റ​കൃ​ത്യ​ങ്ങ​ളും ത​ട​യ​ൽ: വീ​ടു​ക​ളി​ലും സ്ഥാ​പ​ന​ങ്ങ​ളി​ലും അ​തി​വേ​ഗ മു​ന്ന​റി​യി​പ്പ് ഉ​പ​ക​ര​ണ​ങ്ങ​ൾ സ്ഥാ​പി​ക്ക​ണം
cancel
camera_alt

ആ​ഭ്യ​ന്ത​ര​മ​ന്ത്രാ​ല​യം ആ​സ്​​ഥാ​നം 

ദോ​ഹ: അ​ഗ്​​നി​ബാ​ധ ത​ട​യാ​നും മോ​ഷ​ണം അ​ട​ക്ക​മു​ള്ള കു​റ്റ​കൃ​ത്യ​ങ്ങ​ൾ ഒ​ഴി​വാ​ക്കാ​നും അ​തു​വ​ഴി​യു​ള്ള നാ​ശ​ന​ഷ്​​ട​ങ്ങ​ൾ ഇ​ല്ലാ​താ​ക്കാ​നും അ​തി​വേ​ഗം മു​ന്ന​റി​യി​പ്പ് ന​ൽ​കു​ന്ന ഉ​പ​ക​ര​ണ​ങ്ങ​ൾ വീ​ടു​ക​ളി​ലും സ്​​ഥാ​പ​ന​ങ്ങ​ളി​ലും സ്​​ഥാ​പി​ക്ക​ണ​മെ​ന്ന്​ അ​ധി​കൃ​ത​ർ. സി​വി​ൽ ഡി​ഫ​ൻ​സ്​ ജ​ന​റ​ൽ ഡ​യ​റ​ക്ട​റേ​റ്റാ​ണ്​ ഇ​തു​സം​ബ​ന്ധി​ച്ച്​ ജാ​ഗ്ര​താ​നി​ർ​ദേ​ശം ന​ൽ​കി​യ​ത്. വേ​ന​ൽ ക​ടു​ത്ത​തോ​ടെ തീ​പി​ടി​ത്ത​ത്തി​ന്​ സാ​ധ്യ​ത ഏ​റെ​യാ​ണ്.

ക​മ്പ​നി​ക​ൾ, സ്​​ഥാ​പ​ന​ങ്ങ​ൾ, ഹോ​ട്ട​ലു​ക​ൾ, ബാ​ങ്കു​ക​ൾ, ഷോ​പ്പി​ങ്​ കോം​പ്ല​ക്സു​ക​ൾ, വി​നോ​ദ​കേ​ന്ദ്ര​ങ്ങ​ൾ, അ​പ്പാ​ർ​ട്ട്മെൻറു​ക​ൾ എ​ന്നി​വി​ട​ങ്ങ​ളി​ലെ​ല്ലാം ഇ​ത്ത​രം സം​വി​ധാ​നം സ്​​ഥാ​പി​ക്കാ​നാ​കും.

സു​ര​ക്ഷാ​ന​ട​പ​ടി​ക​ളി​ലേ​റ്റ​വും പ്ര​ധാ​ന​പ്പെ​ട്ട​താ​ണ് അ​തി​വേ​ഗ മു​ന്ന​റി​യി​പ്പ് സം​വി​ധാ​നം. ഇ​ത് തീ​യു​ടെ സാ​ന്നി​ധ്യം നേ​ര​ത്തേ ക​ണ്ടെ​ത്തി വി​വ​ര​മ​റി​യി​ക്കും. മോ​ഷ​ണ​മ​ട​ക്കം ന​ട​ക്കു​ന്ന സാ​ഹ​ച​ര്യ​വും ബ​ന്ധ​പ്പെ​ട്ട​വ​ർ​ക്ക്​ മു​ൻ​കൂ​ട്ടി ന​ൽ​കാ​ൻ ഈ ​സം​വി​ധാ​ന​ത്തി​ലൂ​ടെ സാ​ധ്യ​മാ​കും. ഇ​തി​ലൂ​ടെ വി​വി​ധ നാ​ശ​ന​ഷ്​​ട​ങ്ങ​ൾ ഒ​ഴി​വാ​ക്കാം. അ​തി​ന്​ ഹേ​തു​വാ​കു​ന്ന സം​ഭ​വ​ങ്ങ​ൾ ഒ​ഴി​വാ​ക്കാം. മു​ന്ന​റി​യി​പ്പ്​ സം​വി​ധാ​ന​ത്തി​ലൂ​ടെ ഇ​ത്ത​രം സാ​ഹ​ച​ര്യ​ങ്ങ​ൾ ഒ​ഴി​വാ​ക്കു​ക​യും ഉ​ട​ന​ടി ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​ക​യും ചെ​യ്യാം.

കെ​ട്ടി​ട​ങ്ങ​ളി​ലും സ്​​ഥാ​പ​ന​ങ്ങ​ളി​ലും മ​റ്റ് കേ​ന്ദ്ര​ങ്ങ​ളി​ലും മു​ന്ന​റി​യി​പ്പ് സം​വി​ധാ​നം നി​ർ​ബ​ന്ധ​മാ​യും സ്​​ഥാ​പി​ക്ക​ണം. ആ​ഭ്യ​ന്ത​ര മ​ന്ത്രാ​ല​യ​ത്തി​െൻറ ക​ൺ​ട്രോ​ൾ റൂ​മു​മാ​യി ഇ​തി​നെ നേ​രി​ട്ട് ബ​ന്ധി​പ്പി​ച്ചി​രി​ക്കു​ന്ന​തി​നാ​ൽ അ​തി​വേ​ഗം ന​ട​പ​ടി​ക​ൾ സ്വീ​ക​രി​ക്കാ​നും നാ​ശ​ന​ഷ്​​ട​ങ്ങ​ൾ ഒ​ഴി​വാ​ക്കാ​ൻ സാ​ധി​ക്കു​മെ​ന്നും സി​വി​ൽ ഡി​ഫ​ൻ​സ്​ പ്രി​വ​ൻ​ഷ​ൻ വി​ഭാ​ഗം മേ​ധാ​വി ക്യാ​പ്റ്റ​ൻ അ​ഹ്മ​ദ് ഖാ​ലി​ദ് അ​ൽ ഗാ​നിം പ​റ​യു​ന്നു.

മു​ന്ന​റി​യി​പ്പ്​ ഉ​പ​ക​ര​ണം വ​ഴി സെ​ക്ക​ൻ​ഡു​ക​ൾ​ക്കു​ള്ളി​ൽ സം​ഭ​വ​ത്തി​െൻറ കൃ​ത്യ​മാ​യ വി​വ​രം പു​റ​ത്തു​വ​രും. ഇ​തി​ലൂ​ടെ ക​മ്പ​നി​യോ സ്​​ഥാ​പ​ന​ങ്ങ​ളോ അ​ട​ക്കം പ്ര​ശ്​​നം ന​ട​ക്കു​ന്ന സ്​​ഥ​ല​ങ്ങ​ളു​ടെ പൂ​ർ​ണ​വി​വ​രം സി​വി​ൽ ഡി​ഫ​ൻ​സി​ന്​ ല​ഭ്യ​മാ​കും.

സം​ഭ​വം ന​ട​ക്കു​മ്പോ​ൾ​ത​ന്നെ ആ​ഭ്യ​ന്ത​ര മ​ന്ത്രാ​ല​യ​ത്തി​െൻറ ഓ​പ​റേ​ഷ​ൻ റൂ​മി​ലേ​ക്ക് സ​ന്ദേ​ശം ഉ​ട​ന​ടി എ​ത്തും. പി​ന്നീ​ട് സി​വി​ൽ ഡി​ഫ​ൻ​സി​ലേ​ക്ക് വി​വ​ര​ങ്ങ​ൾ കൈ​മാ​റ്റം ചെ​യ്യ​പ്പെ​ടും. കൂ​ടാ​തെ ക​മ്പ​നി​യു​മാ​യോ സ്​​ഥാ​പ​ന​ങ്ങ​ളു​മാ​യോ ബ​ന്ധ​പ്പെ​ട്ട വ്യ​ക്തി​ക്ക് മൊ​ബൈ​ൽ സ​ന്ദേ​ശ​വും ഇ-​മെ​യി​ൽ സ​ന്ദേ​ശ​വു​മെ​ത്തും. ഇ​തോ​ടെ ആ​ശ​യ​വി​നി​മ​യം കൂ​ടു​ത​ൽ സു​ഗ​മ​മാ​കും. ഇ​തു​വ​ഴി തീ​പി​ടി​ത്ത​വും മോ​ഷ​ണ​മ​ട​ക്ക​മു​ള്ള കു​റ്റ​കൃ​ത്യ​ങ്ങ​ളും പ്ര​തി​രോ​ധി​ക്കാ​നും സാ​ധി​ക്കും.

തീ​പി​ടി​ത്ത​മു​ണ്ടാ​യ​തി​െൻറ ആ​ദ്യ​സ​മ​യ​ങ്ങ​ളാ​ണ് ഏ​റെ നി​ർ​ണാ​യ​കം. പെ​ട്ടെ​ന്ന് അ​റി​യു​ന്ന​തി​ലൂ​ടെ നാ​ശ​ന​ഷ്​​ട​ങ്ങ​ൾ കു​റ​ക്കാ​ൻ സാ​ധി​ക്കും. അ​ഗ്​​നി​ശ​മ​ന ഉ​പ​ക​ര​ണ​ങ്ങ​ൾ, ഫ​യ​ർ ബ്ലാ​ങ്ക​റ്റു​ക​ൾ തു​ട​ങ്ങി​യ സു​ര​ക്ഷാ മു​ൻ​ക​രു​ത​ലു​ക​ളും ഉ​പ​ക​ര​ണ​ങ്ങ​ളും നി​ർ​ബ​ന്ധ​മാ​യും എ​ല്ലാ സ്​​ഥാ​പ​ന​ങ്ങ​ളി​ലും ഉ​ണ്ടാ​യി​രി​ക്ക​ണം.

അ​ടി​യ​ന്ത​ര​ഘ​ട്ട​ങ്ങ​ളി​ൽ 999ൽ ​വി​ളി​ക്ക​ണം

ഖ​ത്ത​റി​ൽ ഏ​ത്​ ത​ര​ത്തി​ലു​ള്ള അ​ടി​യ​ന്ത​ര സാ​ഹ​ച​ര്യ​ങ്ങ​ളി​ലും 999 എ​ന്ന ന​മ്പ​റി​ലാ​ണ്​ വി​ളി​ക്കേ​ണ്ട​ത്. പൊ​ലീ​സ്, ആം​ബു​ല​ൻ​സ്, സി​വി​ൽ ഡി​ഫ​ൻ​സ്​ എ​ന്നീ വി​ഭാ​ഗ​ങ്ങ​ളു​ടെ സേ​വ​നം അ​ടി​യ​ന്ത​ര​മാ​യി ല​ഭ്യ​മാ​കു​ന്ന​തി​നാ​ണി​ത്. നി​ങ്ങ​ൾ എ​വി​ടെ​യാ​ണോ ഉ​ള്ള​ത്​ അ​വി​ടേ​ക്ക്​ ബ​ന്ധ​പ്പെ​ട്ട വ​കു​പ്പ്​ അ​ധി​കൃ​ത​ർ കു​തി​ച്ചെ​ത്തും. ഹ​മ​ദ്​ ആം​ബു​ല​ൻ​സു​ക​ൾ​ക്കാ​യും ഈ ​ന​മ്പ​റി​ലാ​ണ്​ വി​ളി​ക്കേ​ണ്ട​ത്. ഫോ​ൺ സ്വീ​ക​രി​ക്കാ​നു​ള്ള 24 കൗ​ണ്ട​റു​ക​ളാ​ണ്​ ഈ ​ന​മ്പ​റി​ന്​ കീ​ഴി​ൽ ഹ​മ​ദ്​ ഒ​രു​ക്കി​യി​രി​ക്കു​ന്ന​ത്​. ഇ​തി​നാ​ൽ ഒ​രു​സ​മ​യം ത​ന്നെ 60 കാ​ളു​ക​ൾ സ്വീ​ക​രി​ക്കാ​ൻ ക​ഴി​യും.

ക​ത്തി​യ വാ​ഹ​ന​ത്തി​ലെ തീ ​സി​വി​ൽ ഡി​ഫ​ൻ​സ്​ സേ​ന അ​ണ​ക്കു​ന്നു

24 മ​ണി​ക്കൂ​റും ആ​റ്​ ഭാ​ഷ​ക​ളി​ൽ സേ​വ​നം ല​ഭ്യ​മാ​ണ്. വി​ളി​ക്കു​​ന്ന​വ​ർ വി​ളി​ക്കു​ന്ന സ്​​ഥ​ല​ത്തി​െൻറ വി​വ​ര​ങ്ങ​ൾ കൈ​മാ​റ​ണം. വീ​ട്ടി​ലാ​ണെ​ങ്കി​ൽ ബി​ൽ​ഡി​ങ്​ ന​മ്പ​ർ അ​ട​ക്ക​മു​ള്ള കാ​ര്യ​ങ്ങ​ൾ. താ​മ​സ​സ്​​ഥ​ല​ത്തി​െൻറ മു​ന്നി​ലു​ള്ള നീ​ല ബോ​ർ​ഡി​ലെ ന​മ്പ​ർ എ​ല്ലാ​വ​രും ഓ​ർ​ത്തു​വെ​ക്കു​ക​യോ മൊ​ൈ​ബ​ലി​ൽ ഫോ​​ട്ടോ​യെ​ടു​ത്ത്​ ​െവ​ക്കു​ക​യോ വേ​ണം. ആം​ബു​ല​ൻ​സു​ക​ൾ​ക്ക്​ എ​ളു​പ്പ​ത്തി​ൽ​ എ​ത്താ​ൻ ഈ ​ബോ​ർ​ഡി​ലെ വി​വ​ര​ങ്ങ​ൾ സ​ഹാ​യി​ക്കും. മ​രു​ഭൂ​മി​യി​ലും മ​റ്റ്​ ഒ​റ്റ​പ്പെ​ട്ട സ്​​ഥ​ല​ങ്ങ​ളി​ലും ആ​രോ​ഗ്യ​സേ​വ​നം ന​ൽ​കാ​നാ​യി എ​യ​ർ ആം​ബു​ല​ൻ​സു​ക​ളു​മു​ണ്ട്. നി​ല​വി​ൽ 165 അ​ർ​ബ​ൻ എ​മ​ർ​ജ​ൻ​സി ആം​ബു​ല​ൻ​സു​ക​ൾ, 60 റൂ​റ​ൽ ആം​ബു​ല​ൻ​സ്, ദ്രു​ത​ഗ​തി​യി​ൽ എ​ത്തി​ച്ചേ​രു​ന്ന 35 യൂ​നി​റ്റു​ക​ൾ, 78 ട്രാ​ൻ​സ്ഫ​ർ ആ​ൻ​ഡ് റി​ട്രീ​വ​ൽ വാ​ഹ​ന​ങ്ങ​ൾ, മ​രു​ഭൂ​മി​യി​ലേ​ക്കു​ള്ള 12 ലാ​ൻ​ഡ്ക്രൂ​യി​സ​ർ ആം​ബു​ല​ൻ​സു​ക​ൾ എ​ന്നി​വ​യാ​ണ്​ പ്ര​വ​ർ​ത്തി​ക്കു​ന്ന​ത്.

ക​രു​ത​ലി​െൻറ ക​രു​ത്തു​മാ​യി സി​വി​ൽ ഡി​ഫ​ൻ​സ്​ സേ​ന

ആ​ഭ്യ​ന്ത​ര​മ​ന്ത്രാ​ല​യ​ത്തി​െൻറ ​കീ​ഴി​ലാ​ണ്​ സി​വി​ൽ ഡി​ഫ​ൻ​സ്​ സേ​ന പ്ര​വ​ർ​ത്തി​ക്കു​ന്ന​ത്. ജീ​വ​നും സ്വ​ത്തി​നും സേ​ന ന​ൽ​കു​ന്ന സു​ര​ക്ഷ ഏ​റെ വ​ലു​താ​ണ്. പൊ​തു​സ​മ്പ​ത്തും വ്യ​ക്​​തി​ക​ളു​ടെ ജീ​വ​നും സ്വ​ത്തും സം​ര​ക്ഷി​ക്കു​ന്ന​തി​ലൂ​ടെ ദേ​ശീ​യ സ​മ്പ​ദ്​​വ്യ​വ​സ്​​ഥ​യെ​യാ​ണ്​ സേ​ന സം​ര​ക്ഷി​ക്കു​ന്ന​ത്.

പ​ല​വി​ധ അ​പ​ക​ട​ങ്ങ​ളും ന​ഷ്​​ട​വു​മാ​ണ്​ സേ​ന​ ഇ​ല്ലാ​താ​ക്കു​ന്ന​ത്​്. അ​പ​ക​ട​ങ്ങ​ള​ും മ​റ്റും സം​ഭ​വി​ക്കു​േ​മ്പാ​ൾ അ​തി​െൻറ തു​ട​ർ​ന​ട​പ​ടി​ക​ൾ​ക്കും ചി​കി​ത്സ​ക്കും മ​റ്റു​മാ​യി ​വ​ൻ​തു​ക​യാ​ണ്​ രാ​ജ്യ​ങ്ങ​ൾ ആ​രോ​ഗ്യ​മേ​ഖ​ല​യി​ലും മ​റ്റും വി​നി​യോ​ഗി​ക്കേ​ണ്ടി​വ​രു​ന്ന​ത്​.

സി​വി​ൽ ഡി​ഫ​ൻ​സ് വാ​ഹ​ന​ങ്ങ​ൾ

പ​ല​ദു​ര​ന്ത​ങ്ങ​ളും സി​വി​ൽ ഡി​ഫ​ൻ​സി​െൻറ സ​മ​യോ​ചി​ത ഇ​ട​പെ​ട​ലി​ലൂ​ടെ ഇ​ല്ലാ​താ​കു​ന്നു.ഇ​തോ​ടെ ദേ​ശീ​യ സ​മ്പ​ദ്​ വ്യ​വ​സ്​​ഥ​യെ കൂ​ടി​യാ​ണ്​ ​ഈ ​സേ​ന സം​ര​ക്ഷി​ക്കു​ന്ന​ത്. വി​വി​ധ ന​ട​പ​ടി​ക​ളു​ടെ ഭാ​ഗ​മാ​യി രാ​ജ്യ​ത്തെ തീ​പി​ടി​ത്ത അ​പ​ക​ട​ങ്ങ​ളി​ൽ ഗ​ണ്യ​മാ​യ കു​റ​വാ​ണ്​ ഉ​ണ്ടാ​യി​രി​ക്കു​ന്ന​ത്. ജ​ന​ങ്ങ​ൾ​ക്കി​ട​യി​ൽ ന​ട​ത്തി​യ ശ​ക്ത​മാ​യ ബോ​ധ​വ​ത്​​ക​ര​ണ​ത്തിെൻറ കൂ​ടി ഫ​ല​മാ​യാ​ണ്​ ഈ ​നേ​ട്ടം.

രാ​ജ്യ​ത്ത് ക​ഴി​ഞ്ഞ വ​ർ​ഷം അ​ഗ്നി​ബാ​ധ​ക​ളു​ടെ എ​ണ്ണ​ത്തി​ൽ ഗ​ണ്യ​മാ​യ കു​റ​വാ​ണു​ള്ള​ത്.അ​ഗ്നി​ബാ​ധ​യു​ണ്ടാ​യി ഏ​ഴ്-​ഒ​മ്പ​ത് മി​നി​റ്റി​നി​ട​യി​ൽ സം​ഭ​വ​സ്​​ഥ​ല​ത്തെ​ത്താ​ൻ സി​വി​ൽ ഡി​ഫ​ൻ​സി​ന്​ സാ​ധി​ക്കു​ന്നു​ണ്ട്. രാ​ജ്യ​ത്തു​ട​നീ​ളം 23 കേ​ന്ദ്ര​ങ്ങ​ളി​ലാ​യാ​ണ് സി​വി​ൽ ഡി​ഫ​ൻ​സ്​ സേ​വ​നം ന​ൽ​കു​ന്ന​ത്.ദോ​ഹ സെ​ക്ട​ർ (11 കേ​ന്ദ്ര​ങ്ങ​ൾ), സൗ​ത്ത് സെ​ക്ട​ർ (ആ​റ്), നോ​ർ​ത്ത് സെ​ക്ട​ർ (ആ​റ്) എ​ന്നി​ങ്ങ​നെ മൂ​ന്ന് മേ​ഖ​ല​ക​ളാ​ക്കി കേ​ന്ദ്ര​ങ്ങ​ളെ വി​ഭ​ജി​ച്ചി​ട്ടു​ണ്ട്.

2022 ലോ​ക​ക​പ്പ്​ സ്​​റ്റേ​ഡി​യ​ങ്ങ​ളു​മാ​യി ബ​ന്ധ​പ്പെ​ട്ട സു​ര​ക്ഷ​യൊ​രു​ക്കു​ന്ന​തി​ലും വ​കു​പ്പ്​ വ​ൻ ന​ട​പ​ടി​ക​ളാ​ണ്​ സ്വീ​ക​രി​ക്കു​ന്ന​ത്.ഫാ​ക്​​ട​റി​ക​ൾ, ഹോ​ട്ട​ലു​ക​ൾ, കെ​ട്ടി​ട​ങ്ങ​ൾ തു​ട​ങ്ങി എ​ല്ലാ മേ​ഖ​ല​ക​ളി​ലും തീ​പി​ടി​ത്തം​പോ​ലു​ള്ള അ​പ​ക​ട​ങ്ങ​ളു​ടെ സ​മ​യ​ത്ത്​ സി​വി​ൽ ഡി​ഫ​ൻ​സ്​ ഓ​ടി​യെ​ത്തു​ന്നു.

Show Full Article
TAGS:Fire and Crime qatar civil defence 
News Summary - Preventing Fire and Crime: In Home Games and Institutions Install fast forwarding equipment
Next Story