Begin typing your search above and press return to search.
exit_to_app
exit_to_app
Homechevron_rightGulfchevron_rightQatarchevron_right3-2-1 മ്യൂസിയം...

3-2-1 മ്യൂസിയം കൺതുറന്നു

text_fields
bookmark_border
3-2-1 മ്യൂസിയം കൺതുറന്നു
cancel
camera_alt

3-2-1 ഖത്തർ ഒളിമ്പിക്​ ആന്‍റ്​ സ്​പോർട്​സ്​ മ്യൂസിയം ഉദ്​ഘാടന ചടങ്ങിൽ അമീർ ശൈഖ്​ തമീം ബിൻ ഹമദ്​ ആൽഥാനി ഒളിമ്പിക്സ്​ ചാമ്പ്യന്മാരായ മുഅതസ്​ ബർഷിം, ജിയാൻമാർകോ ടംബെരി, ഐ.ഒ.സി പ്രസിഡന്‍റ്​ തോമസ്​ ബാഹ്​, ഫിഫ പ്രസിഡന്‍റ്​ ജിയാനി ഇൻഫന്‍റിനോ എന്നിവർക്കും

വിവിധ കായിക താരങ്ങൾക്കുമൊപ്പം

Listen to this Article

ദോ​ഹ: ലോ​ക കാ​യി​ക ച​രി​ത്ര​വും അ​സു​ല​ഭ നി​മി​ഷ​ങ്ങ​ളു​മെ​ല്ലാം ഒ​രു കു​ട​ക്കീ​ഴി​ൽ ഒ​രു​ക്കി​യ ഖ​ത്ത​റി​ന്‍റെ 3-2-1 ഒ​ളി​മ്പി​ക്​ ആ​ൻ​ഡ്​ സ്​​പോ​ർ​ട്​​സ്​ മ്യൂ​സി​യം ലോ​ക​ത്തി​നാ​യി ക​ൺ​തു​റ​ന്നു. ബു​ധ​നാ​ഴ്ച വൈ​കീ​ട്ട് ന​ട​ന്ന പ്രൗ​ഢ​ഗം​ഭീ​ര ച​ട​ങ്ങി​ൽ അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി​യാ​ണ്​ ലോ​ക​ത്തി​ന്‍റെ കാ​യി​ക ച​രി​ത്ര​വും നേ​ട്ട​ങ്ങ​ളും സൂ​പ്പ​ർ​താ​ര​ങ്ങ​ളെ​യും അ​വ​രു​ടെ മി​ക​വു​ക​ളും അ​ട​യാ​ള​പ്പെ​ടു​ത്തി​യ മ്യൂ​സി​യം ഉ​ദ്​​ഘാ​ട​നം ചെ​യ്ത​ത്.

പ​ഴ​യ ടെ​ന്നി​സ്​ ചാ​മ്പ്യ​ൻ​കൂ​ടി​യാ​യ അ​മീ​ർ ടെ​ന്നീ​സ്​ ബാ​ൾ ത​ട്ടി​ക്കൊ​ണ്ടാ​യി​രു​ന്നു മ്യൂ​സി​യ​ത്തി​ന്‍റെ ഉ​ദ്​​ഘാ​ട​നം നി​ർ​വ​ഹി​ച്ച​ത്. ഖ​ത്ത​ർ മ്യൂ​സി​യം​സ്​ ചെ​യ​ർ​പേ​ഴ്​​സ​ൺ ശൈഖ അൽ മയാസ ബിൻത്​ ഹമദ്​ ആൽഥാനി ച​ട​ങ്ങി​ൽ സം​ബ​ന്ധി​ച്ചു.

ഖ​ത്ത​റി​ന്‍റെ ഒ​ളി​മ്പി​ക്സ്​ മെ​ഡ​ൽ ജേ​താ​വ്​ മു​അ​ത​സ്​ ബ​ർ​ഷി​മും, ടോ​ക്യോ ഒ​ളി​മ്പി​ക്സി​ൽ ബ​ർ​ഷി​മി​നൊ​പ്പം സ്വ​ർ​ണം പ​ങ്കി​ട്ട ഇ​റ്റ​ലി​യു​ടെ ജി​യാ​ൻ​മാ​ർ​കോ ടം​ബെ​രി, ഫി​ഫ പ്ര​സി​ഡ​ന്‍റ്​ ജി​യാ​നി ഇ​ൻ​ഫ​ന്‍റി​നോ, അമീറിന്‍റെ വ്യക്​തിഗത പ്രതിനിധി ശൈഖ്​ ജാസിം ബിൻ ഹമദ്​ ആൽഥാനി, ഖത്തർ ഒളിമ്പിക്​ കമ്മിറ്റി പ്രസിഡന്‍റ്​ ശൈഖ്​ ജൊആൻ ബിൻ ഹമദ്​ ആൽഥാനി, രാജ്യാന്തര ഒളിമ്പിക്​ കമ്മിറ്റി അധ്യക്ഷൻ തോമസ്​ ബാഹ്​, ശൈഖുമാർ, മന്ത്രിമാർ, ഉന്നത ഉദ്യോഗസ്ഥർ തുടങ്ങിയവർ പ​ങ്കെടുത്തു.

ലോ​ക​ക​പ്പി​നൊ​രു​ങ്ങു​ന്ന ഖ​ത്ത​റി​ലെ​ത്തു​ന്ന സ​ന്ദ​ർ​ശ​ക​ർ​ക്ക്​ അ​പൂ​ർ​വ​മാ​യ ദൃ​ശ്യ​വി​രു​ന്നു​ക​ൾ സ​മ്മാ​നി​ക്കു​ന്ന​താ​ണ്​ 3-2-1 ഒ​ളി​മ്പി​ക്​ സ്​​പോ​ർ​ട്​​സ്​ മ്യൂ​സി​യം. ബോ​ക്സി​ങ്​ ഇ​തി​ഹാ​സം മു​ഹ​മ്മ​ദ​ലി​യു​ടെ ഗ്ലൗ, ​ല​യ​ണ​ൽ മെ​സ്സി​യു​ടെ ബാ​ല​ൻ​ഡി ഓ​ർ പു​ര​സ്​​കാ​രം, സ​ചി​ൻ ടെ​ണ്ടു​ൽ​ക​റു​ടെ കൈ​യൊ​പ്പോ​ടു​കൂ​ടി​യ ക്രി​ക്ക​റ്റ്​ ബാ​റ്റ്, മേ​രി​കോ​മി​ന്‍റെ മെ​ഡ​ലും ജ​ഴ്​​സി​യും, വി​വി​ധ കാ​ല​ങ്ങ​ളി​ലെ ഒ​ളി​മ്പി​ക്​ ടോ​ർ​ച്ചു​ക​ൾ തു​ട​ങ്ങി വി​വി​ധ​കാ​ല കാ​യി​ക മേ​ഖ​ല​യു​ടെ പ്ര​ദ​ർ​ശ​നം കൂ​ടി​യാ​ണ്​ മ്യൂ​സി​യം.

Show Full Article
TAGS:3-2-1 museum qatar 
News Summary - 3-2-1 museum opened
Next Story