'ലോണ്ഡ് ആര്ട്ടിഫാക്ട്സ് ഫ്രം ഇന്ത്യ' പ്രദര്ശനത്തിന് തുടക്കം
text_fieldsമസ്കത്ത്: ഒമാന് നാഷനല് മ്യൂസിയത്തില് നടക്കുന്ന 'ലോണ്ഡ് ആര്ട്ടിഫാക്ട്സ് ഫ്രം ഇന്ത്യ പ്രദര്ശനം' സുല്ത്താന് ഖാബൂസ് യൂനിവേഴ്സിറ്റി അന്താരാഷ്ട്ര സഹകരണ വിഭാഗം അസി. പ്രസിഡന്റും നാഷനല് മ്യൂസിയം ട്രസ്റ്റ് ബോര്ഡ് ഉപമേധാവിയുമായ സയ്യിദ മോന ബിന്ത് ഫഹദ് അല് സഈദ് ഉദ്ഘാടനം ചെയ്തു.
ഇന്ത്യക്കാരും ഒമാനികളും സ്വന്തം സംസ്കാരത്തിലും പാരമ്പര്യത്തിലും അഭിമാനം കൊള്ളുന്നതുപോലെ വിദേശത്തുനിന്നുള്ള വൈവിധ്യങ്ങളെ സ്വാഗതം ചെയ്യാൻ അവരുടെ വാതിലുകളും ജനലുകളും തുറന്നിട്ടിരിക്കുകയാണെന്നും ചടങ്ങില് സംസാരിച്ച ഇന്ത്യന് അംബാസഡര് അമിത് നാരങ് പറഞ്ഞു. ഇത് നമ്മുടെ സാംസ്കാരിക ഘടനകളെ സമ്പന്നമാക്കുകയും സാമൂഹിക സൗഹാർദം വളർത്തുകയും ആഗോളതലത്തിൽ സമാധാനപരമായ സഹവർത്തിത്വത്തെ പ്രോത്സാഹിപ്പിക്കുകയും ചെയ്തുവെന്നും അംബാസഡർ പറഞ്ഞു.
ഒമാന്റെയും സന്സിബാറിന്റെയും ചരിത്രംപറയുന്ന 'താരിക് ഇ കേസരി' പുസ്തകം പ്രദര്ശനത്തിലുണ്ട്. ന്യൂ ഡല്ഹിയിലെ നാഷനല് മ്യൂസിയത്തില്നിന്നാണ് ഇവ നാഷനല് മ്യൂസിയത്തില് എത്തിച്ചത്. മോഡേണ് ആര്ട്ട് നാഷനല് മ്യൂസിയത്തില് സൂക്ഷിച്ച അല് മിറാനി കോട്ടയുടെ പെയ്ന്റിങ്ങും പ്രദര്ശനത്തിലുണ്ട്.
ഉദ്ഘാടന ചടങ്ങിൽ വിവിധ അംബാസഡര്മാര്, സാംസ്കാരിക, മ്യൂസിയം മേഖലകളില് പ്രവര്ത്തിക്കുന്നവരടക്കം നിരവധിപേർ സംബന്ധിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.