തെരുവ് കച്ചവടം: നിരവധി പേർ പിടിയിൽ

മസ്കത്ത്: മുനിസിപ്പാലിറ്റിയുടെ നേതൃത്വത്തിൽ നടത്തിയ റെയ്ഡിൽ നിരവധി നിയമലംഘകർ പിടിയിൽ. തൊഴിൽനിയമം ലംഘിച്ച് തെരുവുകളിൽ കച്ചവടം നടത്തിയവരാണ് പിടിയിലാവരിലേറെയും. മതിയായ ലൈസൻസോ രേഖകളോ ഇല്ലാതെ കച്ചവടം നടത്തിയവരും പിടിയിലായിട്ടുണ്ട്. പൊതുജനാരോഗ്യത്തെ പ്രതികൂലമായി ബാധിക്കുന്ന ഉൽപന്നങ്ങൾ വിപണനം നടത്തിയവർ, സാമൂഹിക പ്രശ്നങ്ങളുണ്ടാക്കുന്ന വിധം പൊതുസ്ഥലം കൈയേറി കച്ചവടം നടത്തിയവർ എന്നിവരെയും പിടികൂടിയതായി മുനിസിപ്പാലിറ്റി അധികൃതർ അറിയിച്ചു.