ഫീ​സ​ട​ച്ചി​ല്ലെ​ങ്കി​ൽ സി.​ബി.​എ​സ്.​ഇ ര​ജി​സ്​​ട്രേ​ഷ​ൻ സാ​ധ്യ​മാ​കി​ല്ലെ​ന്ന മു​ന്ന​റി​യി​പ്പു​മാ​യി സ​ർ​ക്കു​ല​ർ

മ​സ്​​ക​ത്ത്​: കു​ടി​ശ്ശി​ക ഫീ​സ​ട​ച്ചി​ല്ലെ​ങ്കി​ൽ സി.​ബി.​എ​സ്.​ഇ ര​ജി​സ്​​ട്രേ​ഷ​ൻ സാ​ധ്യ​മാ​കി​ല്ലെ​ന്ന മു​ന്ന​റി​യി​പ്പു​മാ​യി ദാ​ർ​സൈ​ത്ത്​ ഇ​ന്ത്യ​ൻ സ്​​കൂ​ൾ സ​ർ​ക്കു​ല​ർ. ഒ​മ്പ​ത്, പ​ത്ത്, 11, 12 ക്ലാ​സു​ക​ളി​ലെ വി​ദ്യാ​ർ​ഥി​ക​ൾ​ക്കാ​യു​ള്ള സി.​ബി.​എ​സ്.​ഇ ര​ജി​സ്​​ട്രേ​ഷ​ൻ സം​ബ​ന്ധി​ച്ച സ​ർ​ക്കു​ല​റി​ലാ​ണ്​ ഇ​ത്​ സം​ബ​ന്ധി​ച്ച്​ വ്യ​ക്ത​മാ​ക്കി​യി​ട്ടു​ള്ള​ത്.

സി.​ബി.​എ​സ്.​ഇ നി​യ​മ​പ്ര​കാ​രം ഒ​മ്പ​താം ക്ലാ​സ്​ മു​ത​ൽ ഒാ​രോ വ​ർ​ഷ​വും ബോ​ർ​ഡി​ൽ ര​ജി​സ്​​ട്രേ​ഷ​ൻ ന​ട​ത്ത​ണം. ഒ​മ്പ​ത്, 11ാം ക്ലാ​സ്​ വി​ദ്യാ​ർ​ഥി​ക​ൾ ര​ജി​സ്​​ട്രേ​ഷ​ൻ ഫീ​സാ​യി നാ​ല്​ റി​യാ​ലാ​ണ്​ ന​ൽ​കേ​ണ്ട​ത്. പ​ത്താം ക്ലാ​സ്​ വി​ദ്യാ​ർ​ഥി​ക​ൾ ര​ജി​സ്​​ട്രേ​ഷ​ൻ, പ​രീ​ക്ഷാ ഫീ​സ്​ ഇ​ന​ത്തി​ൽ 70 റി​യാ​ലും പ​ന്ത്ര​ണ്ടാം ക്ലാ​സ്​ വി​ദ്യാ​ർ​ഥി​ക​ൾ 77 റി​യാ​ലു​മാ​ണ്​ അ​ട​ക്കേ​ണ്ട​തെ​ന്ന്​ ആ​ക്​​ടി​ങ്​ പ്രി​ൻ​സി​പ്പ​ൽ ഒ​പ്പി​ട്ട സ​ർ​ക്കു​ല​റി​ൽ പ​റ​യു​ന്നു. സ​ർ​ക്കു​ല​റി​ൽ അ​നു​ബ​ന്ധ നി​ർ​ദേ​ശ​മാ​യാ​ണ്​ ര​ജി​സ്​​ട്രേ​ഷ​ന്​ മു​മ്പ്​ ആ​ഗ​സ്​​റ്റ്​ വ​രെ കു​ടി​ശ്ശി​ക​യു​ള്ള ഫീ​സ്​ അ​ട​ച്ച​താ​യി ഉ​റ​പ്പാ​ക്ക​ണ​മെ​ന്ന്​ പ​റ​ഞ്ഞി​ട്ടു​ള്ള​ത്.

സ​ർ​ക്കു​ല​റി​നെ​തി​രെ ര​ക്ഷാ​ക​ർ​ത്താ​ക്ക​ളി​ൽ​നി​ന്ന്​ വ്യാ​പ​ക പ്ര​തി​ഷേ​ധ​മാ​ണ്​ ഉ​ള്ള​ത്. കാ​പി​റ്റ​ൽ മേ​ഖ​ല​യി​ലേ​ത​ട​ക്കം മ​റ്റൊ​രു ഇ​ന്ത്യ​ൻ സ്​​കൂ​ളി​ലും ഉ​ണ്ടാ​കാ​ത്ത സ​മീ​പ​ന​മാ​ണ്​ ഇ​തെ​ന്ന്​ ര​ക്ഷാ​ക​ർ​ത്താ​ക്ക​ൾ പ​റ​യു​ന്നു. കോ​വി​ഡ്​ സാ​ഹ​ച​ര്യ​ത്തി​ൽ പ്ര​ത്യേ​ക ഫീ​സി​ള​വ്​ ന​ട​പ്പാ​ക്ക​ണ​മെ​ന്ന്​ ആ​വ​ശ്യ​പ്പെ​ട്ടി​ട്ടും ഇ​തു​വ​രെ ന​ട​പ​ടി​യെ​ടു​ത്തി​ട്ടി​ല്ല. സ്​​കൂ​ൾ ബോ​ർ​ഡ്​ ന​ൽ​കി​യ ഇ​ള​വു​ക​ൾ കൂ​ടാ​തെ കോ​വി​ഡ്​ സാ​ഹ​ച​ര്യം പ​രി​ഗ​ണി​ച്ച്​ ര​ക്ഷി​താ​ക്ക​ളു​ടെ ഭാ​രം കു​റ​ക്കു​ന്ന​തി​നാ​യി മ​ബേ​ല, മു​ല​ദ, സൂ​ർ ഇ​ന്ത്യ​ൻ സ്​​കൂ​ളു​ക​ൾ പ്ര​ത്യേ​ക ഇ​ള​വു​ക​ൾ ന​ൽ​കി​യി​ട്ടു​ണ്ട്. സ​മാ​ന രീ​തി​യി​ലു​ള്ള ഇ​ള​വു​ക​ൾ ന​ൽ​ക​ണ​മെ​ന്ന്​ ആ​വ​ശ്യ​പ്പെ​ട്ട് ഒ​ന്നി​ല​ധി​കം ത​വ​ണ സ്​​കൂ​ൾ അ​ധി​കൃ​ത​രു​മാ​യി സം​സാ​രി​ച്ചി​ട്ടും തീ​രു​മാ​നം വൈ​കു​ക​യാ​ണ്. സാ​മ്പ​ത്തി​ക​മാ​യി ബു​ദ്ധി​മു​ട്ട​നു​ഭ​വി​ക്കു​ന്ന​വ​രാ​ണ്​ ത​ങ്ങ​ളി​ൽ ഭൂ​രി​പ​ക്ഷ​മെ​ന്നും ര​ക്ഷി​താ​ക്ക​ൾ പ​റ​യു​ന്നു. നി​ശ്ചി​ത തീ​യ​തി​ക്ക​കം ഫീ​സ​ട​ക്കു​ന്ന​വ​ർ​ക്ക്​ പൊ​തു​വാ​യു​ള്ള ഇ​ള​വ്​ പ്ര​ഖ്യാ​പി​ക്ക​ണ​മെ​ന്നാ​ണ്​ ത​ങ്ങ​ളു​ടെ പ്ര​ധാ​ന ആ​വ​ശ്യം. കൂ​ടു​ത​ൽ സാ​മ്പ​ത്തി​ക ബു​ദ്ധി​മു​ട്ട​നു​ഭ​വി​ക്കു​ന്ന​വ​ർ​ക്ക്​ പ്ര​ത്യേ​ക ഇ​ള​വ്​ ന​ൽ​കു​ക​യും വേ​ണം. ഇൗ ​ആ​വ​ശ്യ​ങ്ങ​ളോ​ട്​ സ്​​കൂ​ൾ അ​ധി​കൃ​ത​ർ മു​ഖം തി​രി​ച്ച്​ നി​ൽ​ക്കു​ക​യാ​ണെ​ന്നും ര​ക്ഷി​താ​ക്ക​ൾ ആ​രോ​പി​ക്കു​ന്നു.

അ​തേ​സ​മ​യം സ​ർ​ക്കു​ല​റി​നെ തെ​റ്റാ​യി വ്യാ​ഖ്യാ​നി​ക്കു​ക​യാ​ണെ​ന്ന്​ സ്​​കൂ​ളു​മാ​യി ബ​ന്ധ​പ്പെ​ട്ട​വ​ർ പ​റ​യു​ന്നു. ര​ക്ഷി​താ​ക്ക​ളു​ടെ ശ്ര​ദ്ധ ക്ഷ​ണി​ക്കു​ന്ന​തി​നു​ള്ള സ​ർ​ക്കു​ല​റാ​ണ്​ ഇ​തെ​ന്നാ​ണ്​ മ​ന​സ്സി​ലാ​ക്കു​ന്ന​തെ​ന്ന്​ ബോ​ർ​ഡ്​ പ്ര​തി​നി​ധി പ​റ​ഞ്ഞു. ഫീ​സ​ട​ക്ക​ണ​മെ​ന്ന ആ​വ​ശ്യ​ത്തോ​ട്​ പ​ല ര​ക്ഷി​താ​ക്ക​ളും പ്ര​തി​ക​രി​ക്കാ​ത്ത സാ​ഹ​ച​ര്യ​മു​ണ്ട്. ഫീ​സ​ട​ക്കാ​ൻ ബു​ദ്ധി​മു​ട്ടു​ള്ള​വ​ർ​ക്ക്​ സ്​​കൂ​ൾ മാ​നേ​ജ്​​മെൻറി​നെ സ​മീ​പി​ച്ചാ​ൽ ഇ​ള​വ്​ ല​ഭി​ക്കു​മെ​ന്നും ബോ​ർ​ഡ്​ പ്ര​തി​നി​ധി​യും പ​റ​യു​ന്നു.