വി​ദേ​ശി ജ​ന​സം​ഖ്യ​യി​ൽ 30 വ​ർ​ഷ​ത്തി​ലെ വ​ലി​യ ഇ​ടി​വ്​

കു​വൈ​ത്ത്​ സി​റ്റി: കോ​വി​ഡ് പ്ര​തി​സ​ന്ധി ആ​രം​ഭി​ച്ച​ശേ​ഷം കു​വൈ​ത്തി​ലെ വി​ദേ​ശി ജ​ന​സം​ഖ്യ​യി​ൽ വ​ൻ​കു​റ​വ് രേ​ഖ​പ്പെ​ടു​ത്തി​യ​താ​യി റി​പ്പോ​ർ​ട്ട്. ര​ണ്ടു​ല​ക്ഷ​ത്തി​ന​ടു​ത്ത് വി​ദേ​ശി​ക​ളാ​ണ് ക​ഴി​ഞ്ഞ ഒ​ന്ന​ര​വ​ർ​ഷ​ത്തി​നി​ടെ കു​വൈ​ത്തി​ൽ​നി​ന്നും പ്ര​വാ​സം മ​തി​യാ​ക്കി മ​ട​ങ്ങി​യ​ത്. കു​വൈ​ത്ത് നാ​ഷ​ന​ൽ ബാ​ങ്ക് പു​റ​ത്തു​വി​ട്ട റി​പ്പോ​ർ​ട്ടി​ലാ​ണ് രാ​ജ്യ​ത്തെ വി​ദേ​ശി​ക​ളു​ടെ എ​ണ്ണ​ത്തി​ൽ കു​റ​വ് വ​ന്ന​താ​യി പ​റ​യു​ന്ന​ത്. 2020ലെ ​സെ​ൻ​സ​സി​നു​ ശേ​ഷ​മു​ള്ള ക​ണ​ക്കു​ക​ൾ പ്ര​കാ​രം ക​ഴി​ഞ്ഞ 30 വ​ർ​ഷ​ത്തി​നു​ള്ളി​ലെ ഏ​റ്റ​വും വ​ലി​യ ഇ​ടി​വാ​ണ് 2020ൽ ​കു​വൈ​ത്ത് ജ​ന​സം​ഖ്യ​യി​ൽ രേ​ഖ​പ്പെ​ടു​ത്തി​യ​ത്.

മൊ​ത്തം ജ​ന​സം​ഖ്യ​യു​ടെ 2.2 ശ​ത​മാ​ന​മാ​ണ് കു​റ​ഞ്ഞ​ത്. ഈ ​വ​ർ​ഷം ആ​ദ്യ പ​കു​തി​യോ​ടെ ഇ​തി​ൽ 0.9 ശ​ത​മാ​ന​ത്തി​െൻറ കു​റ​വ് വീ​ണ്ടും രേ​ഖ​പ്പെ​ടു​ത്തി. കോ​വി​ഡ് പ്ര​തി​സ​ന്ധി ആ​രം​ഭി​ച്ച​ശേ​ഷം മൊ​ത്തം ജ​ന​സം​ഖ്യ​യി​ൽ 3.1 ശ​ത​മാ​ന​മാ​ണ് കു​റ​വു വ​ന്ന​ത്. മൊ​ത്തം വി​ദേ​ശി​ക​ളു​ടെ എ​ണ്ണ​ത്തി​ൽ 1.8 ശ​ത​മാ​നം കു​റ​വും സ്വ​ദേ​ശി​ക​ളു​ടെ എ​ണ്ണ​ത്തി​ൽ 0.9 ശ​ത​മാ​നം വ​ർ​ധ​ന​വു​മാ​ണ് ഇ​ക്കാ​ല​യ​ള​വി​ൽ രേ​ഖ​പ്പെ​ടു​ത്തി​യ​ത്. രാ​ജ്യ​ത്തെ മൊ​ത്തം ജ​ന​സം​ഖ്യ​യി​ൽ വി​ദേ​ശി​ക​ളു​ടെ എ​ണ്ണം 68.2 ശ​ത​മാ​നം ആ​യി കു​റ​ഞ്ഞു.

ക​ഴി​ഞ്ഞ പ​ത്തു​വ​ർ​ഷ​ത്തി​നു​ള്ളി​ൽ രേ​ഖ​പ്പെ​ടു​ത്തി​യ ഏ​റ്റ​വും കു​റ​ഞ്ഞ എ​ണ്ണ​മാ​ണി​തെ​ന്നും റി​പ്പോ​ർ​ട്ടി​ൽ പ​റ​യു​ന്നു സ​ർ​ക്കാ​ർ മേ​ഖ​ല​യി​ലെ സ്വ​ദേ​ശി​വ​ത്​​ക​ര​ണ ന​ട​പ​ടി​ക​ളും കോ​വി​ഡി​നെ തു​ട​ർ​ന്ന് സ്വ​കാ​ര്യ തൊ​ഴി​ൽ മേ​ഖ​ല​യി​ൽ ഉ​ണ്ടാ​യ തൊ​ഴി​ൽ ന​ഷ്​​ട​വും ഒ​ക്കെ​യാ​ണ് വി​ദേ​ശി​ക​ളു​ടെ എ​ണ്ണം കു​റ​യാ​നു​ള്ള കാ​ര​ണ​മാ​യി റി​പ്പോ​ർ​ട്ട് ചൂ​ണ്ടി​ക്കാ​ട്ടു​ന്ന​ത്. ജ​നു​വ​രി മു​ത​ൽ 60 വ​യ​സ്സി​ന്​ മു​ക​ളി​ലു​ള്ള ബി​രു​ദ​മി​ല്ലാ​ത്ത​വ​ർ​ക്ക്​ വ​ർ​ക്ക്​ പെ​ർ​മി​റ്റ്​ പു​തു​ക്കി ന​ൽ​കാ​ത്ത​തും നി​ര​വ​ധി വി​ദേ​ശി​ക​ൾ മ​ട​ങ്ങാ​ൻ ഇ​ട​യാ​ക്കി. 2020ൽ 1,34,000 ​വി​ദേ​ശി​ക​ളും 2021 ആ​ദ്യ പ​കു​തി​യോ​ടെ 56,000ത്തി​ലേ​റെ വി​ദേ​ശി​ക​ളും പ്ര​വാ​സം അ​വ​സാ​നി​പ്പി​ച്ചു. കോ​വി​ഡ് പ്ര​തി​സ​ന്ധി ആ​രം​ഭി​ച്ച​ശേ​ഷം പ്ര​വാ​സം മ​തി​യാ​ക്കി മ​ട​ങ്ങി​യ​വ​രു​ടെ എ​ണ്ണം 1,90,000ത്തി​ന​ടു​ത്താ​ണെ​ന്നും ക​ണ​ക്കു​ക​ൾ വ്യ​ക്ത​മാ​ക്കു​ന്നു.