16 ബദൽ ഉൗർജ പദ്ധതികളുമായി വൈദ്യുതി മന്ത്രാലയം
text_fieldsകുവൈത്ത് സിറ്റി: കുവൈത്ത് വൈദ്യുതി മന്ത്രാലയം 16 ബദൽ ഉൗർജ പദ്ധതികൾ ഭാവി വികസന പരിപാടികളിൽ ഉൾപ്പെടുത്തി. 2030ഒാടെ 4500 മുതൽ 5000 വരെ മെഗാവാട്ട് വൈദ്യുതി ബദൽ ഉൗർജ സ്രോതസ്സുകളിൽനിന്ന് ഉണ്ടാക്കാനാണ് ലക്ഷ്യമിടുന്നത്. സുബ്ഹാനിലെ ആറുനില കെട്ടിടത്തിന് മുകളിൽ, അൽ സൂർ പവർ സ്റ്റേഷൻ, സുബ്ബിയ്യയിലെ വലിയ കാർ ഷെഡ്, സുബ്ബിയ്യ സ്റ്റേഷനിലെ ഗ്രൗണ്ട് വാട്ടർ ടാങ്ക്, സബ്ഹാനിലെ കാർ ഷെഡ്, ദോഹ കോംപ്ലക്സിലെ ഗ്രൗണ്ട് വാട്ടർ ടാങ്ക് എന്നിവക്ക് മുകളിൽ സോളാർ പാനലുകൾ സ്ഥാപിക്കുന്നത് പദ്ധതിയുടെ ഭാഗമാണ്.
മുൻ അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹ് മുന്നോട്ടുവെച്ച 'വിഷൻ 2035' പദ്ധതിയിൽ ബദൽ ഉൗർജ വികസനത്തിൽ പ്രധാന പരിഗണന നൽകിയിട്ടുണ്ട്. ബദൽ ഉൗർജ സ്രോതസ്സുകൾ യാഥാർഥ്യമായാൽ ഊർജോൽപാദനത്തിന് ഉപയോഗിക്കുന്ന എണ്ണയുടെയും പ്രകൃതിവാതകത്തിെൻറയും അളവുകുറക്കാം. ഇതുവഴി സാമ്പത്തിക നേട്ടമുണ്ടാവും. രാജ്യത്ത് ഉപയോഗിക്കുന്ന ഊർജത്തിെൻറ 15 ശതമാനം 2030നകം പുനരുപയോഗ ഊർജമായിരിക്കണമെന്ന ലക്ഷ്യത്തോടെയുള്ള പദ്ധതിയുടെ ഭാഗമായാണ് സൗരോർജ പദ്ധതിക്ക് രൂപം നൽകിയത്.
സ്വദേശികൾ വീടുകൾക്ക് മുകളിൽ സ്ഥാപിച്ച സൗരോർജ പാനലുകൾ മുഖേന ഉൽപാദിപ്പിക്കുന്ന വൈദ്യുതി വാങ്ങാൻ ജല-വൈദ്യുതി മന്ത്രാലയത്തിന് പദ്ധതിയുണ്ട്. നിരവധി സ്വദേശികളാണ് സൗരോർജ പദ്ധതികളിലൂടെ തങ്ങൾക്ക് ആവശ്യമായ വൈദ്യുതി സ്വയം ഉൽപാദിപ്പിക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.