കുവൈത്ത് വിമാനത്താവളത്തിൽ സ്വദേശികൾക്ക് ഇ-ഗേറ്റ് സംവിധാനം വരുന്നു
text_fieldsകുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിൽ സ്വദേശികളുടെ എമിഗ്രേഷ ൻ നടപടികൾക്കായി ഇ-ഗേറ്റ് സംവിധാനം വരുന്നു. അടുത്ത വർഷം സംവിധാനം നിലവിൽ വരും. ഇതോ ടെ സ്വദേശികൾക്ക് പാസ്പോർട്ട് പരിശോധിക്കുകയോ എൻട്രി/എക്സിറ്റ് മുദ്ര പതിക്കുകയോ വേണ്ടിവരില്ല.
പകരം ഇ-ഗേറ്റിലൂടെ കടന്നുപോയാൽ മാത്രം മതി.
ഇലക്ട്രോണിക് പാസ്പോർട്ടുള്ള സ്വദേശികൾക്ക് മാത്രമാകും ഈ സൗകര്യം. ഇ-ഗേറ്റിലൂടെ കടന്നുപോകുന്ന സ്വദേശിയെ സംബന്ധിച്ച വിവരങ്ങൾ കൃത്യമായി എമിഗ്രേഷൻ സംവിധാനത്തിലെ സിസ്റ്റത്തിൽ ലഭിക്കും. യാത്രാനിരോധനമുൾപ്പെടെയുള്ളവർക്ക് മുൻപിൽ ഇ-ഗേറ്റ് വാതിൽ തുറക്കില്ല. പല രാജ്യങ്ങളിലും ഇലക്ട്രോണിക് പാസ്പോർട്ട് സംവിധാനം ഇല്ലാത്തതിനാലാണ് വിദേശികൾക്ക് ഇ-ഗേറ്റ് സംവിധാനം നടപ്പാക്കാൻ കഴിയാത്തത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.