നാട്ടിൽ പോവാൻ ആഗ്രഹിക്കുന്ന ഇന്ത്യക്കാർ എംബസിയിൽ പുതുതായി രജിസ്​റ്റർ ചെയ്യണം

കുവൈത്തിലെ ഇന്ത്യൻ എംബസ്സി നാട്ടിലേക്ക് പോകാൻ ആഗ്രഹിക്കുന്ന പ്രവാസികളുടെ കണക്ക് ശേഖരിക്കുന്നു. അടുത്ത ദിവസങ്ങളിൽ നാട്ടിൽ പോകാൻ ഒരുങ്ങുന്നവർ എംബസിയിൽ വീണ്ടും രജിസ്​റ്റർ ചെയ്യണമെന്ന് അധികൃതർ നിർദേശിച്ചു. വന്ദേഭാരത് ദൗത്യത്തിന് കീഴിൽ നാട്ടിൽ പോകാനായി നേരത്തെ നിരവധി പ്രവാസികൾ എംബസിയിൽ രജിസ്​റ്റർ ചെയ്തിരുന്നെങ്കിലും പലരും യാത്ര ചെയ്തിട്ടില്ല. ഇതേ തുടർന്നാണ് നാട്ടിൽ പോകാൻ ഒരുങ്ങുന്ന പ്രവാസികളുടെ യഥാർഥ കണക്ക്​ ലഭ്യമാക്കാൻ എംബസി പുതിയ രജിസ്ട്രേഷൻ ഡ്രൈവ് ആരംഭിച്ചത്.

അടുത്ത ദിവസങ്ങളിൽ റീപാട്രിയേഷൻ വിമാനങ്ങളിൽ ഇന്ത്യയിലെ വിവിധ സംസ്ഥാനങ്ങളിലേക്ക് യാത്ര പുറപ്പെടാൻ ആഗ്രഹിക്കുന്നവർ എംബസി വെബ്‌സൈറ്റിൽ നൽകിയ ലിങ്കിൽ പേര് വിവരങ്ങൾ നൽകണമെന്ന് അധികൃതർ വാർത്താകുറിപ്പിൽ അറിയിച്ചു. പേര്​, ഇ മെയിൽ, കുവൈത്തിലെ ഫോൺ നമ്പർ, വന്ദേഭാരത്​ ദൗത്യത്തിനായി നേരത്തെ രജിസ്​റ്റർ ചെയ്​ത നമ്പർ, വിസ സ്​റ്റാറ്റസ്​, ഇന്ത്യയിലെ സംസ്ഥാനം, അടുത്തുള്ള വിമാനത്താവളം എന്നീ വിവരങ്ങൾ സഹിതം നവംബർ അഞ്ചിനകം രജിസ്​റ്റർ പൂർത്തിയാക്കണം. വന്ദേഭാരത്​ ദൗത്യത്തി​െൻറ ​ഭാഗമായി നേരത്തെ നടത്തിയ രജിസ്​ട്രേഷന്​ പകരമല്ല പുതിയ രജിസ്​ട്രേഷൻ എന്നും ഇപ്പോഴത്തെ ഡിമാൻഡ്​ അറിയാൻ നിശ്ചിത കാലത്തേക്ക്​ നടത്തുന്ന രവിവര ശേഖരണമാണിതെന്നും എംബസി വാർത്താകുറിപ്പിൽ വ്യക്താമാക്കി. കൂടുതൽ വിവരങ്ങൾക്ക്​ pic.kuwait@mea.gov.in എന്ന വിലാസത്തിൽ ബന്ധപ്പെടാമെന്നും അധികൃതർ അറിയിച്ചു. രജിസ്​ട്രേഷൻ ലിങ്ക്​: https://forms.gle/R12a8XDxYXfroXUaA