'ഗ്ലിംപ്സസ് ഓഫ് ടൈംലെസ് ഇന്ത്യ' കലാപ്രദർശനത്തിന് സ്വീകാര്യതയേറുന്നു
text_fieldsകുവൈത്ത് സിറ്റി: കുവൈത്ത് ആർട്സ് അസോസിയേഷനും ഇന്ത്യൻ എംബസിയും സംയുക്തമായി സംഘടിപ്പിക്കുന്ന ആർട്ട് എക്സിബിഷന് സ്വീകാര്യതയേറുന്നു. കുവൈത്ത് ആർട്സ് അസോസിയേഷൻ ഹാളിൽ നടക്കുന്ന പ്രദർശനവും കലാപരിപാടികളും കാണാൻ സമൂഹത്തിെൻറ നാനാതുറകളിൽ നിന്നുമുള്ളവർ എത്തുന്നുണ്ട്. പത്തുദിവസത്തെ പ്രദർശനം അഞ്ചുദിവസം പിന്നിട്ടപ്പോൾ ധാരാളം കുവൈത്തികളും കുവൈത്തിലെ മറ്റു രാജ്യങ്ങളും സന്ദർശകരായുണ്ട്. കഴിഞ്ഞ ദിവസം ഇൻറർനാഷനൽ വിമൻസ് ഫോറം പ്രവർത്തകർ സന്ദർശനം നടത്തി.
ഇന്ത്യ കുവൈത്ത് നയതന്ത്ര ബന്ധത്തിെൻറ 60ാംവാർഷികാഘോഷങ്ങളുടെ ഭാഗമായാണ് പ്രദർശനം സംഘടിപ്പിച്ചത്. 'ഗ്ലിംപ്സസ് ഓഫ് ടൈംലെസ് ഇന്ത്യ' എന്ന തലക്കെട്ടിൽ മലയാളി ചിത്രകാരിയായ ജോയ്സ് സിബിയുടെ പെയിൻറിങ്ങുകളാണ് പ്രദർശിപ്പിക്കുന്നത്. പത്തു ദിവസം നീളുന്ന പ്രദർശനത്തിൽ ജോയ്സ് സിബി എണ്ണച്ചായത്തിൽ വരച്ച 40 ചിത്രങ്ങളാണുള്ളത്.
ഇതോടൊപ്പം എല്ലാ ദിവസവും നടക്കുന്ന ഇന്ത്യയുടെ വിവിധ സംസ്ഥാനങ്ങളിൽനിന്നുള്ള കലാപരിപാടികളും സാംസ്കാരികോത്സവത്തിന് മിഴിവേകുന്നു. ഇന്ത്യയുടെ കലാസാംസ്കാരിക വൈവിധ്യം വിളംബരം ചെയ്യുന്ന വിവിധ കലാരൂപങ്ങളാണ് അരങ്ങേറുന്നത്. പ്രവാസ ലോകത്തിെൻറ പരിമിതികൾ അനുഭവപ്പെടാത്ത വിധം ഗംഭീരമാണ് കലാപ്രകടനങ്ങൾ. സെപ്റ്റംബർ 30 വരെ ഹവല്ലി അൽ മുതസിം സ്ട്രീറ്റിലുള്ള കുവൈത്ത് ആർട്സ് അസോസിയേഷൻ ഗാലറിയിൽ വൈകീട്ട് അഞ്ചു മുതൽ രാത്രി ഒമ്പതു വരെയാണ് പ്രദർശനം. വ്യാഴാഴ്ച നൃത്തനാടകവും കഥകളിയും മേളയുടെ മാറ്റുകൂട്ടിയപ്പോൾ വെള്ളിയാഴ്ച കേരള നടനം, കഥക് നൃത്തം എന്നിവ അരങ്ങേറി. ലൈവ് മൈലാഞ്ചി ഷോയും സന്ദർശകർക്കായി ഒരുക്കിയിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.