മാധ്യസ്ഥ്യശ്രമങ്ങൾക്ക് പുതിയ ദിശാബോധം കണ്ടെത്തണമെന്ന് വിദേശകാര്യമന്ത്രി
text_fieldsകുവൈത്ത് സിറ്റി: സങ്കീർണമായ ലോകസാഹചര്യങ്ങളിൽ സംഘർഷങ്ങൾ ഒഴിവാക്കാനുള്ള നയതന്ത്ര പരിശ്രമങ്ങൾക്ക് പുതിയ ദിശാബോധവും രീതിശാസ്ത്രങ്ങളും കണ്ടെത്തേണ്ടതുണ്ടെന്ന് കുവൈത്ത് വിദേശകാര്യമന്ത്രി ഡോ. അഹ്മദ് നാസർ അൽ മുഹമ്മദ് അസ്സബാഹ് പറഞ്ഞു.
തുർക്കിയിൽ നടക്കുന്ന പ്രഥമ അനാറ്റോലിയ നയതന്ത്ര ചർച്ചയിൽ 'നൂതന മാധ്യസ്ഥ്യം' വിഷയത്തിൽ നടന്ന പാനൽ ചർച്ചയിൽ സംസാരിക്കുകയായിരുന്നു അദ്ദേഹം. രാജ്യങ്ങളുമായി നയതന്ത്ര ചർച്ചകൾക്ക് ഇടമൊരുക്കാനും ലക്ഷ്യം കൈവരിക്കാനും പ്രഥമ അനാറ്റോലിയ ഫോറം ഉപകാരപ്പെടുമെന്ന് പ്രതിനിധികൾ വ്യക്തമാക്കി. പ്രതിസന്ധിയുടെ സ്വഭാവം മാറിെക്കാണ്ടിരിക്കുകയാണ്. അതിർത്തികളിലെയും മറ്റും സംഘർഷങ്ങളെ കുറിച്ചാണ് മുമ്പ് ചർച്ച നടത്തിയിരുന്നത്. എന്നാൽ, ഇപ്പോൾ സൈബർ ഇടങ്ങളിലുൾപ്പെടെ ഏറ്റുമുട്ടൽ നടക്കുന്നു. കാലാവസ്ഥ വ്യതിയാനവുമായി ബന്ധപ്പെട്ടും രാജ്യങ്ങൾ തമ്മിൽ സംഘർഷമുണ്ടാകുന്നു. മാധ്യസ്ഥ്യശ്രമങ്ങളെ കൂടുതൽ സങ്കീർണമാക്കുന്നതാണ് ഇതെന്ന് ചർച്ചയിൽ വിവിധ രാഷ്ട്ര പ്രതിനിധികൾ ചൂണ്ടിക്കാട്ടി.
അഫ്ഗാനിസ്ഥാനിൽ അമേരിക്കയും താലിബാനും തമ്മിൽ ധാരണയിലെത്തിക്കാൻ ശ്രമിക്കുമെന്നും അഫ്ഗാൻ സമാധാനവുമായി ബന്ധപ്പെട്ട് ഐക്യരാഷ്ട്രസഭയുടെയും തുർക്കിയുടെയും നേതൃത്വത്തിൽ നടക്കാനിരിക്കുന്ന ഇസ്തംബൂൾ കോൺഫറൻസ് ഈ ശ്രമങ്ങൾക്ക് കരുത്തുപകരുമെന്നും ഖത്തർ ഉപപ്രധാനമന്ത്രിയും വിദേശകാര്യമന്ത്രിയുമായ ശൈഖ് മുഹമ്മദ് ബിൻ അബ്ദുറഹ്മാൻ ആൽഥാനി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.