ഡെൻറൽ ക്ലിനിക്കുകളിൽ വിദേശികൾ 40 ശതമാനം കുറഞ്ഞു
text_fieldsകുവൈത്ത് സിറ്റി: പുതിയ മെഡിക്കൽ ഫീസ് നിരക്ക് പ്രാബല്യത്തിലായതുമുതൽ ആരോഗ്യ മന്ത്രാലയത്തിനു കീഴിൽ പ്രവർത്തിക്കുന്ന ഡെൻറൽ ക്ലിനിക്കുകളിൽ പരിശോധനക്കെത്തുന്ന വിദേശികളുടെ എണ്ണത്തിൽ 40 ശതമാനത്തിെൻറ കുറവുണ്ടായതായി വെളിപ്പെടുത്തൽ. ഫർവാനിയ ആരോഗ്യമേഖലയിൽ നടന്ന രണ്ടാമത് മെഡിക്കൽ സമ്മേളനത്തിൽ സംസാരിക്കവെ മന്ത്രാലയത്തിലെ ഡെൻറൽ ചികിത്സകാര്യ അസിസ്റ്റൻറ് അണ്ടർ സെക്രട്ടറി ഡോ. യുസുഫ് അൽ ദുവൈരിയാണ് ഇക്കാര്യം സൂചിപ്പിച്ചത്.
വിദേശികളിൽനിന്ന് പുതിയ ഫീസ് നിരക്ക് ഈടാക്കി ഏതാനും മാസങ്ങൾ പിന്നിട്ടപ്പോഴുളള കണക്കാണിത്. വിദേശ രോഗികളുടെ എണ്ണം കുറഞ്ഞതിനാൽ ഡെൻറൽ ക്ലിനിക്കുകളിലും ജനത്തിരക്ക് കുറഞ്ഞിട്ടുണ്ട്. രോഗികൾക്ക് ഏറെ കാത്തിരിപ്പില്ലാതെ ചികിത്സ നടപടികൾ പൂർത്തിയാക്കാൻ സാധിക്കുന്നുണ്ട്. ജഹ്റയിൽ നിർമാണം പുരോഗമിക്കുന്ന പുതിയ ദന്താശുപത്രിയുടെ ഉദ്ഘാടനം 2018 പകുതിയോടെ നടക്കുമെന്ന് ഡോ. യൂസുഫ് അൽ ദുവൈരി കൂട്ടിച്ചേർത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.