വനിതാ വേദി ക്രിസ്മസ്–ന്യൂ ഇയര്‍ ആഘോഷിച്ചു

കുവൈത്ത് സിറ്റി: ആലപ്പുഴ ജില്ലാ പ്രവാസി അസോസിയേഷന്‍ വനിതാ വേദിയുടെ ആഭിമുഖ്യത്തില്‍ ക്രിസ്മസ്, ന്യൂ ഇയര്‍ ആഘോഷിച്ചു. അബ്ബാസിയ പോപ്പിന്‍സ് ഹാളില്‍ നടന്ന ചടങ്ങില്‍ ചെയര്‍പേഴ്സണ്‍ സുലേഖ അജി അധ്യക്ഷത വഹിച്ചു. ആലപ്പുഴ ജില്ലാ പ്രവാസി അസോസിയേഷന്‍ പ്രസിഡന്‍റ് രാജീവ് നാടുവിലേമുറി ഉദ്ഘാടനം ചെയ്തു. വനിതാ വിഭാഗം ജനറല്‍ സെക്രട്ടറി ജോളി രാജന്‍ സ്വാഗതവും ട്രഷറര്‍ അംബിക ദേവി നന്ദിയും പറഞ്ഞു. അസോസിയേഷന്‍ ജനറല്‍ സെക്രട്ടറി സണ്ണി പത്തിച്ചിറ, വനിതാവേദി ഭാരവാഹികളായ അമ്പിളി ദിലി, ഉഷാകുമാരി, സുജാത ഹരിദാസ്, പൗര്‍ണമി സംഗീത് എന്നിവര്‍ സംസാരിച്ചു. കലാ പരിപാടികളും അരങ്ങേറി. ബിനോയ് ചന്ദ്രന്‍, ഫിലിപ്പ്, സി.വി. തോമസ്, നൈനാന്‍ ജോണ്‍, മാത്യു ചെന്നിത്തല, സാബു മാവേലിക്കര, അജി കുട്ടപ്പന്‍, ഷംസു താമരക്കുളം എന്നിവര്‍ നേതൃത്വം നല്‍കി.