മൈത്രി സോഷ്യൽ അസോസിയേഷൻ മെഡിക്കൽ ക്യാമ്പ് സംഘടിപ്പിച്ചു
text_fieldsമനാമ: നബിദിനത്തോടനുബന്ധിച്ച് മൈത്രി സോഷ്യൽ അസോസിയേഷനും മനാമ അൽ ഹിലാൽ ഹോസ്പിറ്റലും സംയുക്തമായി മെഡിക്കൽ ക്യാമ്പ് സംഘടിപ്പിച്ചു. സൽമാനിയയിലെ ലേബർ ക്യാമ്പിലെ തൊഴിലാളികൾക്കും മൈത്രി അംഗങ്ങൾക്കുമായാണ് സൗജന്യ ക്യാമ്പ് സംഘടിപ്പിച്ചത്. ബ്ലഡ് പ്രഷർ, ബ്ലഡ് ഷുഗർ, ബോഡി മാസ് ഇൻഡക്സ്, ടോട്ടൽ കൊളസ്ട്രോൾ, ലിവർ സ്ക്രീനിങ്, കിഡ്നി സ്ക്രീനിങ് എന്നിവ സൗജന്യമായി നടത്തി. സഗയ്യ റസ്റ്റാറൻറിൽ വെച്ച് നടന്ന ക്യാമ്പ് സാമൂഹിക പ്രവർത്തകൻ ബഷീർ വാണിയക്കാട് ഉദ്ഘാടനം ചെയ്തു.
ഫ്രാൻസിസ് കൈതാരത്ത്, ബിനു കുന്നന്താനം, എബ്രഹാം ജോൺ, ഷംസ് കൊച്ചിൻ, ജമാൽ നദ്വി ഇരിങ്ങൽ, പ്യാരി ലാൽ, നിസാർ കൊല്ലം, മുസ്തഫ, ഷിബു പത്തനംതിട്ട, അബ്ദുൽ വഹാബ്, സിബിൻ സലീം തുടങ്ങിയവർ ക്യാമ്പ് സന്ദർശിച്ചു. സഇൗദ് നദ്വി നബിദിന സന്ദേശം നൽകി.
മൈത്രി പ്രസിഡൻറ് നൗഷാദ് മഞ്ഞപ്പാറ, സെക്രട്ടറി സക്കീർ ഹുസൈൻ, കോഒാഡിനേറ്റർ നവാസ് കുണ്ടറ, മെഡിക്കൽ ക്യാമ്പ് കോഒാഡിനേറ്റർ മുഹമ്മദ് കുഞ്ഞ്, അസി. ട്രഷർ ഷാജഹാൻ, എക്സിക്യൂട്ടിവ് അംഗങ്ങളായ സുനിൽ ബാബു, അബ്ദുൽബാരി, റിയാസ് വിഴിഞ്ഞം, സലീം തയ്യിൽ എന്നിവർ നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.