ശമ്പള അക്കൗണ്ട് തുറക്കാൻ അനായാസ സംവിധാനം ഒരുക്കി ബി.എഫ്.സി പേമെൻറ്സ്
text_fieldsമനാമ: ബഹ്റൈനിൽ പ്രാബല്യത്തിൽവന്ന വേതന സംരക്ഷണ നിയമം (ഡബ്ല്യു.പി.എസ്) അനുസരിച്ച് ജീവനക്കാർക്ക് സാലറി അക്കൗണ്ട് ആരംഭിക്കുന്നതിന് അതിവേഗവും അനായാസവുമായ സംവിധാനം ഒരുക്കി ബി.എഫ്.സി പേമെൻറ്സ്. വേതന സംരക്ഷണ നിയമപ്രകാരം എല്ലാ തൊഴിലുടമകളും ജീവനക്കാരുടെ പ്രതിമാസ ശമ്പളം ഇനി മുതൽ നിർബന്ധമായും സെൻട്രൽ ബാങ്ക് ഓഫ് ബഹ്റൈെൻറ (സി.ബി.ബി) അംഗീകാരമുള്ള ധനകാര്യസ്ഥാപനങ്ങളിലെ അക്കൗണ്ടുകളിലൂടെ ആകണം വിതരണം ചെയ്യേണ്ടത്. മൂന്ന് ഘട്ടങ്ങളായി നടപ്പാക്കുന്ന ഈ സംവിധാനത്തിെൻറ ആദ്യ ഘട്ടം മേയ് ഒന്നിന് പ്രാബല്യത്തിൽവന്നു.
ബി.എഫ്.സി ഗ്രൂപ്പിന്റെ ഫിൻടെക് (ഫിനാൻഷ്യൽ ടെക്നോളജി) വിഭാഗമായ ബി.എഫ്.സി പേമെൻറ്സ്, അനേകം തൊഴിലാളികളുള്ള വൻകിട കോർപറേറ്റ് കമ്പനികൾക്കും ചെറുകിട സ്ഥാപനങ്ങൾക്കും ഒരുപോലെ അനായാസം കൈകാര്യം ചെയ്യാവുന്ന ശമ്പളവിതരണ സംവിധാനം ഒരുക്കിയിരിക്കുന്നു. ജീവനക്കാർക്ക് ബി.എഫ്.സി പേമെൻറ്സ് അക്കൗണ്ട് വഴി ശമ്പളം സ്വീകരിക്കാനും മൊബൈൽ ആപ് വഴി നാട്ടിലേക്ക് എളുപ്പം പണം അയക്കാനും സാധിക്കും. വേതന സംരക്ഷണ നിയമത്തിെൻറ വ്യവസ്ഥകൾ പ്രകാരമുള്ളതാണ് ബി.എഫ്.സി പേമെൻറ്സ് സാലറി അക്കൗണ്ട്.
എൽ.എം.ആർ.എയുടെ വേതന സംരക്ഷണ നിയമസംവിധാനത്തിൽ പങ്കാളിയാകുന്നതിൽ അഭിമാനമുണ്ടെന്ന് ബി.എഫ്.സി പേമെൻറ്സ് സ്ട്രാറ്റജിക് പാർട്ണർഷിപ്സ്, ബിസിനസ് ഡെവലപ്മെൻറ് ആൻഡ് ഇനൊവേഷൻസ് മേധാവി ഡേവിസ് ഡി. പാറക്കൽ പറഞ്ഞു. ജീവനക്കാരുടെ ശമ്പളം കൃത്യസമയത്ത് നൽകുന്നുവെന്ന് ഉറപ്പാക്കുന്ന സംവിധാനം കൂടുതൽ സുതാര്യത കൊണ്ടുവരും. നിലവിൽ ബഹ്റൈനിലെ 100ലധികം സ്ഥാപനങ്ങളുടെ ശമ്പളം ബി.എഫ്.സി പേമെൻറ്സ് വിതരണം ചെയ്യുന്നുണ്ട്.
ബിസിനസ് സ്ഥാപനങ്ങൾക്ക് എളുപ്പത്തിൽ അക്കൗണ്ട് തുറക്കാനുള്ള സൗകര്യവും ജീവനക്കാർക്കുള്ള മൊബൈൽ വാലറ്റും കാർഡും പ്രധാന സവിശേഷതകളാണെന്നും അദ്ദേഹം പറഞ്ഞു. ബി.എഫ്.സി പേമെൻറ്സ് മൊബൈൽ ആപ് ഉപയോഗിക്കുന്നതിലൂടെ കറൻസി കൈകാര്യം ചെയ്യുന്നത് കുറക്കാൻ കഴിയുന്നതോടൊപ്പം നാട്ടിലേക്ക് മികച്ച എക്സ്ചേഞ്ച് റേറ്റിൽ പണമയക്കാനും സാധിക്കും. ആപ് സ്റ്റോറിൽനിന്നും ഗൂഗ്ൾ േപ്ല സ്റ്റോറിൽനിന്നും ബി.എഫ്.സി പേമെൻറ്സ് മൊബൈൽ ആപ് ഡൗൺലോഡ് ചെയ്യാം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.