ഇനി ലക്ഷ്യം ആമസോണും ഫ്ലിപ്​കാർട്ടും; ഓൺലൈൻ വിപണിയും അംബാനി വിഴുങ്ങുമോ

മുംബൈ: മുകേഷ്​ അംബാനിയെന്ന ഇന്ത്യൻ വ്യവസായ രംഗത്തെ തന്ത്രശാലിയുടെ വരവാണ്​ ഇന്ത്യൻ ടെലികോം രംഗത്തെ മാറ്റിമറിച്ചത്​. നിരവധി കമ്പനികൾ മൽസരിക്കുന്ന വിപണിയെ ജിയോ എന്ന ഉപഗ്രഹത്തിന്​ ചുറ്റും മാത്രമായി ചുരുക്കുന്നതിന്​ അംബാനിക്ക്​ കഴിഞ്ഞു. അംബാനിയുടെ വരവിൽ വിപണിയിലെ വമ്പൻമാർക്കെല്ലാം അടി​െതറ്റി. ടെലികോമിന്​ ശേഷം ഓൺലൈൻ വിപണിയിലും ആധിപത്യം നേടാനൊരുങ്ങുകയാണ്​ റിലയൻസ്​.

ഭക്ഷ്യവസ്​തുക്കളും പലചരക്ക്​ സാധനങ്ങളും മാത്രം വിതരണം നടത്തിയിരുന്ന ജിയോമാർട്ട്്​,​ ഫാഷൻ-കൺസ്യൂമർ ഇലക്​ട്രോണിക്​സ്​-സ്​മാർട്ട്​​ഫോണുകൾ എന്നിവയുടെ വിപണനത്തിലേക്കും കടക്കുകയാണ്​. ആമസോൺ, ഫ്ലിപ്​കാർട്ട്​ തുടങ്ങിയ വമ്പൻമാരെയാണ്​ അംബാനി ലക്ഷ്യമിടുന്നത്​.

റിലയൻസി​ലെ മുതിർന്ന രണ്ട്​ ജീവനക്കാരുടെ നേതൃത്വത്തിലാണ്​ ജിയോ മാർട്ടി​​െൻറ പ്രവർത്തനം ഇപ്പോൾ മുന്നോട്ട്​ നീങ്ങുന്നത്​. പരീക്ഷണമായി നടത്തിയ പ്രവർത്തനം വിജയകരമായിരുന്നുവെന്നാണ്​ ഇപ്പോൾ പുറത്ത്​ വരുന്ന വാർത്തകൾ. രാജ്യത്തി​​െൻറ എല്ലാ ഭാഗങ്ങളിലും സാധനങ്ങളെത്തിച്ച്​ ആമസോണിനേയും ഫ്ലിപ്​കാർട്ടിനേയും മറികടക്കാമെന്നാണ്​ അംബാനിയുടെ കണക്ക്​ കൂട്ടൽ. റിലയൻസ്​ റീടെയിലി​​െൻറ കീഴിൽ രാജ്യത്തെ വിവിധ നഗരങ്ങളിലുള്ള സ്​റ്റോറുകൾ ഇതിന്​ സഹായിക്കും.

രണ്ട്​ മണിക്കൂറിനുള്ളിൽ സാധനങ്ങൾ വീട്ടിലെത്തിക്കുകയാണ്​ റിലയൻസി​​െൻറ ലക്ഷ്യം. പലചരക്ക്​ സാധനങ്ങൾ മുതൽ റഫ്രിജറേറ്റർ പോലുള്ള ഉൽപന്നങ്ങൾ വരെ ഇത്തരത്തിൽ എത്തിക്കുമെന്നാണ്​ കമ്പനിയുടെ അവകാശവാദം.

നിലവിലുള്ള കിരാന സ്​റ്റോറുകളും ഇതിന്​ സഹായിക്കും​. മുംബൈയിൽ മാത്രം 2500 കിരാന സ്​റ്റോറുകൾ കമ്പനിക്കുണ്ട്​​. വൈകാതെ ഇത്​ 6000 ജിയോ മാർട്ട്​ സ്​റ്റോറുകളാക്കി ഉയർത്തും. ഇത്തരത്തിൽ ഇന്ത്യയിലുടനീളം ലക്ഷക്കണക്കിന്​ സ്​റ്റോറുകളാവും റിലയൻസ്​ തുറക്കുക. പ്രതിദിനം 2.5 ലക്ഷം ഓർഡറുകൾ കൈകാര്യം ചെയ്യാൻ ജിയോ മാർട്ടിന്​ കഴിയുമെന്നാണ്​ ചെയർമാൻ മുകേഷ്​ അംബാനി അവകാശപ്പെടുന്നത്​. 

ഗൂഗ്​ൾ, ഫേസ്​ബുക്ക്​ എന്നീ രണ്ട്​ വമ്പൻമാരുടെ പിന്തുണ തന്നെയാണ്​ ഇന്ത്യയിൽ റിലയൻസിന്​ കരുത്താകുക. ജിയോമാർട്ട്​ വരു​േമ്പാൾ പേയ്​മ​െൻറ്​ സംവിധാനത്തിലുൾപ്പടെ റിലയൻസിനെ പിന്തുണക്കുക വാട്​സാ​പാവും. ഈ രീതിയിൽ ടെക്​ ഭീമൻമാരുടെ സാ​ങ്കേതിക പിന്തുണ കൂടിയാവു​േമ്പാൾ അതിവേഗം വളരുന്ന ഇന്ത്യൻ ഓൺലൈൻ വിപണിയിൽ ചലനങ്ങളുണ്ടാക്കാനാകുമെന്നാണ്​ റിലയൻസി​​െൻറ പ്രതീക്ഷ.