മുംബൈ: മിക്ക നടീനടന്മാരും തങ്ങളുടെ വയസ്സ് മറച്ചുവെക്കാന് തത്രപ്പെടുമ്പോള് ഇതാ മറിച്ചൊരാള്. നടി വിദ്യാബാലനാണ് തന്റെ പ്രായം തുറന്ന് പറഞ്ഞ് അതില് അഭിമാനിക്കുന്നതായി അറിയിച്ചത്. ‘36 വയസ്സുകാരിയായതില് ഞാന് അഭിമാനിക്കുന്നു’ എന്നായിരുന്നു അവരുടെ വാക്കുകള്. പത്തു വര്ഷത്തിലേറെയായി ഹിന്ദി ചലച്ചിത്ര മേഖലയില് തിളങ്ങുന്ന വിദ്യക്ക് അങ്ങനെ പറയാന് രണ്ടാമതൊന്നാലോചിക്കേണ്ടി വന്നില്ല. എന്നാല്, ഇത് നടിമാരുടെ കാര്യത്തില് മാത്രം സംഭവിക്കുന്നതല്ളെന്ന് താന് കരുതുന്നുവെന്നും യുവത്വ കേന്ദ്രിതമായ ഒരു സമൂഹ്യാവസ്ഥയാണ് നമ്മുടേതെന്നും അവര് പറഞ്ഞു.
നമ്മുടെ സമൂഹത്തില് സ്ത്രീകളോടുള്ള താല്പര്യങ്ങള് വയസ്സുമായി ബന്ധപ്പെട്ട് കിടക്കുന്നതുകൊണ്ടാണ് അവര് ഇക്കാര്യത്തില് കൂടുതല് അസ്വസ്ഥരാവുന്നത്. എന്നാല്, വയസ്സെന്നു പറയുന്നത് കേവലം അക്കം മാത്രമാണെന്നും അതില് കൂടുതല് പ്രാധാന്യം അതിനു നല്കേണ്ടതില്ളെന്നും അവര് വിശദീകരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.