തിരുവനന്തപുരം: അറസ്റ്റിലായവര്ക്ക് കോവിഡ് -19 സ്ഥിരീകരിച്ച പശ്ചാത്തലത്തില് കുറ്റവാളികളെ അറസ്റ്റ് ചെയ്യുമ്പോള് പാലിക്കേണ്ട മുന്കരുതലുകള് വ്യക്തമാക്കി സംസ്ഥാന െപാലീസ് മേധാവി ലോക്നാഥ് ബെഹ്റ മാര്ഗനിർദേശങ്ങള് പുറപ്പെടുവിച്ചു. ജാമ്യമില്ലാത്ത വകുപ്പുകള് പ്രകാരം അറസ്റ്റിലാകുന്നവരെ കോടതിയില് ഹാജരാക്കുന്നതിനുമുമ്പ് ഇനി െപാലീസ് സ്റ്റേഷനില് കൊണ്ടുവരേണ്ട. ഇങ്ങനെ അറസ്റ്റിലാകുന്നവരെ കൊണ്ടുവരുന്നതിനുള്ള സബ് ഡിവിഷനല് ഡിറ്റെന്ഷന്-കം-പ്രൊഡക്ഷന് സൻെററായി ഉപയോഗിക്കുന്നതിനുള്ള കെട്ടിടം ജില്ല െപാലീസ് മേധാവിയും ഡിവൈ.എസ്.പിയും ചേര്ന്ന് കണ്ടെത്തണം. കെട്ടിടം കണ്ടെത്താന് കഴിയുന്നില്ലെങ്കില് ഡിവൈ.എസ്.പിയുടെ ഓഫിസ് ഇതിനായി ഉപയോഗിക്കും. കുറ്റവാളിക്ക് കോവിഡ് സ്ഥിരീകരിക്കുന്ന സാഹചര്യത്തില് ഈ കേന്ദ്രത്തിലെ എസ്.ഐക്കും അറസ്റ്റിനും തുടര്നടപടികള്ക്കും നേതൃത്വം നല്കിയ െപാലീസുകാര്ക്കും മാത്രമേ നിരീക്ഷണത്തില് പോകേണ്ടിവരൂ. അറസ്റ്റ് ചെയ്യുമ്പോള് കുറ്റവാളികളെ സ്പര്ശിക്കുന്നത് പരമാവധി ഒഴിവാക്കണമെന്നും സംസ്ഥാന െപാലീസ് മേധാവി നിർദേശിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.