പാലക്കാട്: സംസ്ഥാന ബാലാവകാശ സംരക്ഷണ കമീഷന് സ്കൂള് വിദ്യാര്ഥികള്ക്കായി സംഘടിപ്പിക്കുന്ന സംവാദം ശനിയാഴ്ച പാലക്കാട് ജില്ലാ പഞ്ചായത്ത് ഹാളില് നടക്കും. രാവിലെ പത്തിന് വി.ടി. ബല്റാം എം.എല്.എ ഉദ്ഘാടനം ചെയ്യും. കുട്ടികളുടെ അവകാശങ്ങളെക്കുറിച്ച് അവരെ ബോധവത്കരിക്കുന്നതിനും അവരുടെ പ്രശ്നങ്ങള് നേരിട്ടറിയുന്നതിനും വേണ്ടിയാണ് പരിപാടി സംഘടിപ്പിക്കുന്നത്. കൊച്ചിയിലെ രാജഗിരി കോളജിലെ പരിശീലന വിഭാഗം മേധാവി എസ്.ആര്. രാജീവ് ക്ളാസ് നയിക്കും. ഉച്ചക്ക് ശേഷം നടക്കുന്ന പാനല് ചര്ച്ചയില് ജില്ലാ കലക്ടര് പി. മേരിക്കുട്ടി, ജില്ലാ പൊലീസ് മേധാവി, ജില്ലാ മെഡിക്കല് ഓഫിസര് ഡോ. കെ.പി. റീത്ത, വിദ്യാഭ്യാസ ഡപ്യൂട്ടി ഡയറക്ടര്, റീജിയണല് ട്രാന്സ്പോര്ട്ട് ഓഫിസര്, ചൈല്ഡ് ലൈന് പ്രവര്ത്തകര് തുടങ്ങിയവര് പങ്കെടുക്കും. 80 കുട്ടികളും 40 അധ്യാപകരും സംവാദത്തില് പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.