കോഴിക്കോട്: നഗരത്തിലെ വ്യാപാരസ്ഥാപനത്തില് പുലര്ച്ചെ തീപിടിത്തം. കോണ്വെന്റ് റോഡിലെ ജെ.എസ് ട്രേഡേഴ്സിലാണ് ശനിയാഴ്ച പുലര്ച്ചെ നാലിനുശേഷം തീപിടിത്തമുണ്ടായത്. കടയില് സൂക്ഷിച്ച തേങ്ങാപ്പിണ്ണാക്ക് കത്തിനശിച്ചു. നടുവട്ടം അമേരിക്കന് കോളനിയിലെ ഷാജിറാസ് ഹൗസില് പി.എന്. മുഹമ്മദ് കോയയുടേതാണ് കട.100ഓളം തേങ്ങാപ്പിണാക്ക് ചാക്ക് തീപിടിക്കാതെ നീക്കാനായി. രണ്ടുലക്ഷം രൂപയുടെ നഷ്ടം കണക്കാക്കുന്നു. ബീച്ച് ഫയര്ഫോഴ്സില് അസി. സ്റ്റേഷന് ഓഫിസര് വി.കെ. ബിജു, ലീഡിങ് ഫയര്മാന് ഇന്ചാര്ജ് ജി.കെ. ബിജുകുമാര് എന്നിവരുടെ നേതൃത്വത്തിലുള്ള രണ്ട് യൂനിറ്റ് എത്തിയാണ് തീയണച്ചത്. ഷോര്ട്ട് സര്ക്യൂട്ടാണ് തീപിടിത്ത കാരണമെന്നാണ് പ്രാഥമികനിഗമനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.