മഞ്ചേശ്വരം: മഞ്ചേശ്വരത്ത് പ്രവാസിയുടെ വീട്ടില് കവര്ച്ച. വീട് കുത്തിത്തുറന്ന മോഷ്ടാക്കള് 21 പവനും 5000 രൂപയും കവര്ന്നു. ബഡാജെ ചൗക്കിയിലെ മുഹമ്മദ് ഇസ്മായിലിന്െറ വീട്ടിലാണ് കവര്ച്ച നടന്നത്. ഇസ്മായില് റിയാദിലാണ്. പൊസോട്ട് മള്ഹര് ഉറൂസിനോടനുബന്ധിച്ച് രണ്ടു ദിവസം മുമ്പ് ഇസ്മയിലിന്െറ ഭാര്യയും മക്കളും പൊസോട്ടിലെ ബന്ധുവീട്ടിലേക്ക് പോയിരുന്നു. ഈ സമയത്താണ് കവര്ച്ച നടന്നതെന്ന് സംശയിക്കുന്നു. വ്യാഴാഴ്ച രാവിലെ വീട്ടിലത്തെിയപ്പോഴാണ് കവര്ച്ച വിവരം അറിയുന്നത്. മുന്വശത്തെ വാതില് കുത്തിത്തുറന്ന് അകത്തുകടന്ന മോഷ്ടാക്കള് അലമാരയില് സൂക്ഷിച്ചിരുന്ന സ്വര്ണവും പണവുമാണ് കവര്ന്നത്. വീട്ടുകാരുടെ പരാതിയില് മഞ്ചേശ്വരം പൊലീസ് കേസെടുത്തു. രണ്ടാഴ്ച മുമ്പ് കടമ്പാര് മനയില് ദമ്പതികളെ കത്തിമുനയില് നിര്ത്തി 20 പവനും 32,000 രൂപയും റിട്സ് കാറും കവര്ന്നിരുന്നു. ഈ സംഭവത്തില് പ്രതികളെ പിടികൂടാന് ഇതുവരെ പൊലീസിന് സാധിച്ചിട്ടില്ല. ഇതിനിടയിലാണ് വീണ്ടും കവര്ച്ച.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.