ചൂട്ടാട് ബീച്ച് ടൂറിസം പദ്ധതി വികസനത്തിന് രണ്ട്​ കോടി

പഴയങ്ങാടി: ചൂട്ടാട് ബീച്ച് ടൂറിസം പദ്ധതിയുടെ രണ്ടാംഘട്ട വികസനത്തിന് രണ്ട് കോടി രൂപ ടൂറിസംവകുപ്പ് അനുവദിച്ചതായി ടി.വി. രാജേഷ് എം.എൽ.എ അറിയിച്ചു. ചൂട്ടാട് ബീച്ചും ഫാൽക്കൺ ചിൽഡ്രൻസ് പാർക്കിനെയും ബന്ധിപ്പിക്കാൻ 180 മീറ്റർ നീളവും രണ്ട് മീറ്റർ വീതിയുമുള്ള പാലം നിർമിക്കും. നടുവിൽ റെയിൻഷെൽട്ടറും 50 മീറ്റർ നീളത്തിൽ നടപ്പാതയും ഫുഡ്കോർട്ടും നിർമിക്കും. പ്രകൃതിക്ക് അനുയോജ്യമായതും പ്രകൃതിസൗഹൃദപരവുമായ പദ്ധതിയാണ് നടപ്പാക്കുന്നത്.