തിരുവനന്തപുരം: നഗരത്തിൽ തിരുവനന്തപുരം സിറ്റി പൊലീസ് നടത്തിയ പരിശോധനയിൽ രോഗവ്യാപനമുണ്ടാക്കുന്ന തരത്തിൽ വിലക്കുലംഘനം നടത്തിയ 34 പേർക്കെതിരെ എപ്പിഡെമിക് ഡിസീസസ് ഓർഡിനൻസ് പ്രകാരം കേസെടുത്തു. മാസ്ക് ധരിക്കാത്തതിന് 121 പേരിൽ നിന്ന് 24,200 രൂപ പിഴ ഈടാക്കി. സുരക്ഷാ മാർഗ നിർദേശങ്ങൾ പാലിക്കാതെ പ്രവർത്തിച്ച നാല് കടകൾക്കെതിരെയും അഞ്ച് വാഹനങ്ങൾക്കെതിരെയും നിയമനടപടി സ്വീകരിച്ചു. പുതുതായി കെണ്ടയ്ൻമൻെറ് സോണുകളായി പ്രഖ്യാപിച്ച തിരുവനന്തപുരം കോർപറേഷനിലെ മുടവൻ മുഗൾ വാർഡിലെ കുന്നുബംഗ്ലാവ് കോളനി, താഴെ കുന്നുബംഗ്ലാവ് കോളനി എന്നീ പ്രദേശങ്ങളിൽ ശക്തമായ സുരക്ഷാ ക്രമീകരണങ്ങൾ ഏർപ്പെടുത്തി. കുന്നുബംഗ്ലാവ് റോഡ്, താഴെ കുന്നുബംഗ്ലാവ് റോഡ്, ഈ കോളനികളിലേക്കുള്ള ഇടവഴികൾ എന്നിവ അടച്ചു. മെഡിക്കല് ആവശ്യങ്ങള്ക്കല്ലാതെ ആരെയും പുറത്തേക്ക് വിടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.