തിരുവനന്തപുരം: ജില്ലയില് ചൊവ്വാഴ്ച 856 പേര്ക്കാണ് കോവിഡ് സ്ഥിരീകരിച്ചത്. ഇതില് 708 പേര്ക്കും സമ്പര്ക്കത്തിലൂടെയാണ് രോഗബാധ. 109 പേരുടെ ഉറവിടം വ്യക്തമല്ല. 25 പേര് വീട്ടുനിരീക്ഷണത്തിലായിരുന്നു. നാലുപേര് ഇതരസംസ്ഥാനങ്ങളില് നിന്നുമെത്തിയതാണ്. ഒരാള് വിദേശത്തുനിന്നുമെത്തി. ഒമ്പതു പേരുടെ മരണം കോവിഡ് മൂലമാണെന്നും സ്ഥിരീകരിച്ചു. പള്ളിത്തുറ സ്വദേശി എബ്രഹാം (62), പുല്ലുവിള സ്വദേശിനി ഷര്മിള (52), നെടുമങ്ങാട് സ്വദേശി വേലായുധക്കുറുപ്പ് (92), മുരിങ്ങവിളാകം സ്വദേശി മോഹനന് നായര് (75), നെയ്യാറ്റിന്കര സ്വദേശി സുധാകരന് ദാസ് (61), പാറശ്ശാല സ്വദേശി സുകുമാരന് (73), ചാല സ്വദേശി ഹരീഷ് (45), ആറ്റിങ്ങല് സ്വദേശി വിജയകുമാരന്(61), കൊറ്റൂര് സ്വദേശി രാജന് (82) എന്നിവരുടെ മരണങ്ങളാണ് കോവിഡ് മൂലമാണെന്നു സ്ഥിരീകരിച്ചത്. വ്യാഴാഴ്ച രോഗം സ്ഥിരീകരിച്ചവരില് 341 പേര് സ്ത്രീകളും 515 പേര് പുരുഷന്മാരുമാണ്. ഇവരില് 15 വയസ്സിനു താഴെയുള്ള 72 പേരും 60 വയസ്സിനു മുകളിലുള്ള 130 പേരുമുണ്ട്. പുതുതായി 3,601 പേര് രോഗനിരീക്ഷണത്തിലായി. ഇവരടക്കം 28,338 പേര് ജില്ലയില് നിരീക്ഷണത്തില് കഴിയുന്നുണ്ട്. 3,851 പേര് നിരീക്ഷണ കാലയളവ് രോഗലക്ഷണങ്ങളൊന്നുമില്ലാതെ പൂര്ത്തിയാക്കി. ജില്ലയിലാകെ 11,487 പേരാണ് കോവിഡ് ചികിത്സയില് കഴിയുന്നത്. 363 പേര് ഇന്ന് രോഗമുക്തി നേടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.