ബാലരാമപുരം ഗവൺമൻെറ് ഹയർസെക്കൻഡറി സ്കൂളിന് ഫക്കീർഖാൻെറ പേര് നൽകും ബാലരാമപുരം: ബാലരാമപുരം ഗവ. ഹയർസെക്കൻഡറി സ്കൂളിന് സ്വാതന്ത്ര്യസമരസേനാനി ഫക്കീർഖാൻെറ പേര് നൽകാൻ പഞ്ചായത്ത് കമ്മിറ്റിയിൽ തീരുമാനമായി. പേരിടൽ പ്രമേയത്തെ ബി.ജെ.പി മാത്രമാണ് എതിർത്തത്. പഞ്ചായത്ത് കമ്മിറ്റിയിൽ ചൊവ്വാഴ്ച കൂടിയ പഞ്ചായത്ത് കമ്മിറ്റിയിൽ ഫക്കീർഖാൻെറ നാമം സ്കൂളിന് നൽകണമെന്ന ഭരണപക്ഷത്തിൻെറ പ്രമേയത്തിന് പ്രതിപക്ഷവും അനുകൂലിച്ചു. ഫക്കീർഖാൻ ബാലരാമപുരം ഗവൺമൻെറ് ഹയർസെക്കൻഡറി സ്കൂളിനുവേണ്ടി സ്ഥലം നൽകി ഹയർസെക്കൻഡറി സ്കൂളാക്കുന്നതിന് വേണ്ടിയുള്ള നടപടികൾക്ക് മുഖ്യപങ്കുവഹിച്ചു. സ്കൂളിനുവേണ്ടി 42 സൻെറ് സ്ഥലം നൽകിയ സ്വാതന്ത്ര്യസമരസേനാനിയും സി.പി.എം പഞ്ചായത്ത് പ്രസിഡൻറുമായിരുന്ന ഫക്കീർഖാൻെറ പേര് സ്കൂളിന് നൽകണമെന്ന് ആവശ്യമുയർന്നിരുന്നു. തെക്കൻ തിരുവിതാംകൂറിലെ സ്വാതന്ത്ര്യ സമരസേനാനിയും കമ്യൂണിസ്റ്റ് പാർട്ടി രൂപവത്കരണത്തിന് മുൻകൈയെടുത്ത കമ്യൂണിസ്റ്റ് തറവാട്ടിലെ കാരണവരുമാണ് പി. ഫക്കീർഖാൻ. ഫക്കീർഖാൻ പഞ്ചായത്ത് പ്രസിഡൻറായിരുന്നപ്പോൾ ബാലരാമപുരം ദേശീയപാതയിലെ യു.പി സ്കൂൾ ഹൈസ്കൂളാക്കി ഉയർത്തുന്നതിന് ഇദ്ദേഹത്തിൻെറ നേതൃത്വത്തിൽ പഞ്ചായത്ത് മെംബർമാർ നിരാഹാരസമരം നടത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.