അബ്​ദുല്ല മൗലവി: കൈ​െവച്ച മേഖലകളിലെല്ലാം​ മുദ്ര പതിപ്പിച്ച വ്യക്​തിത്വം

ഇരവിപുരം (കൊല്ലം):​ ഇസ്​ലാമിക വിഷയങ്ങളിലും ചരിത്രത്തിലും അവഗാഹമുള്ള അതുല്യപ്രതിഭയെയാണ് അബ്​ദുല്ല മൗലവിയുടെ വിയോഗത്തിലൂടെ നഷ്​ടമായത്. ദക്ഷിണ കേരളത്തിൽ ജമാഅത്തെ ഇസ്​ലാമി പ്രസ്ഥാനം ശക്​തിപ്പെടുത്തുന്നതിൽ മുഖ്യപങ്ക് വഹിച്ചു. പ്രഭാഷകൻ, പണ്ഡിതൻ എന്നതിലുപരി സാമൂഹിക പ്രവർത്തനമേഖലകളിലും വ്യക്​തിമുദ്ര പതിപ്പിക്കാൻ അദ്ദേഹത്തിനായി. കൊല്ലം പോളയത്തോട്ടിൽ അദ്ദേഹം സ്​ഥാപിച്ച ഖുർആൻ പഠനവേദി ഇതര മതസ്ഥർക്ക് ഖുർആനെ പരിചയപ്പെടുത്തുന്നതിൽ വഹിച്ച പങ്ക് ചെറുതല്ല. ജമാഅത്തെ ഇസ്​ലാമിയുടെ ജില്ലയിലെ ആദ്യ അംഗമാണ്. അടിയന്തരാവസ്ഥക്കാലത്ത് ജമാഅത്തെ ഇസ്​ലാമി നിരോധിച്ചപ്പോൾ ജില്ലയിൽ അറസ്​റ്റ്​ ചെയ്യപ്പെട്ട് ജയിൽവാസം അനുഭവിച്ച രണ്ടുപേരിൽ ഒരാളായിരുന്നു. കൊല്ലത്ത് മുസ്​ലിം അസോസിയേഷൻ രൂപവത്​കരിക്കുന്നതിലും മുഖ്യപങ്ക് വഹിച്ചു. കരിക്കോട്ട് മുസ്​ലിം അസോസിയേഷനിലെ അറബിക് അക്കാദമിയുടെ സ്ഥാപക പ്രിൻസിപ്പലായിരുന്നു. ഉമയനല്ലൂരിൽ ഇസ്​ലാമിയ കോളജും ഓർഫനേജും സ്ഥാപിക്കുന്നതിനും മുൻകൈയെടുത്തു. കേരള അറബിക് മുൻഷീസ് അസോസിയേഷൻ, മെക്ക തുടങ്ങിയ സംഘടനകളുടെ സംസ്ഥാനതല നേതൃസ്ഥാനം വഹിച്ചു. അറബിക് അധ്യാപകനായിരുന്ന ഇദ്ദേഹത്തിന് നല്ലൊരു ശിഷ്യവലയം തന്നെയുണ്ട്. തട്ടാമലയിലെ ഇരവിപുരം ഗവ. വൊക്കേഷനൽ ഹയർ സെക്കൻഡറി സ്കൂളിൽനിന്നാണ് വിരമിച്ചത്​. ജാതി-മത ഭേദമന്യേ നല്ലൊരു സുഹൃത്ത് വലയത്തിന് ഉടമയായിരുന്നു. മതസൗഹാർദം കാത്തുസൂക്ഷിക്കുന്നതിൽ വിട്ടുവീഴ്ചയില്ലാത്ത പ്രവർത്തനമാണ് നടത്തിയത്. സൗമ്യ ഭാഷണത്തിലൂടെ ആരുടെയും മനസ്സ്​ കവരുന്ന ശൈലിയായിരുന്നു ഇദ്ദേഹത്തി​േൻറത്. പണ്ഡിത കുടുംബത്തിൽ ജനിച്ച ഇദ്ദേഹത്തി​ൻെറ പിതാവ് മലബാറിലെ വെളിയംകോന്നുനിന്ന്​ എത്തിയ കണിയാപുരം അബൂബക്കർ മൗലവിയായിരുന്നു. കോവിഡ് മാനദണ്ഡങ്ങൾ പാലിച്ച്​ സമൂഹത്തി​ൻെറ നാനാതുറകളിൽപെട്ട നിരവധിപേർ അബ്​ദുല്ല മൗലവിയുടെ കുടുംബത്തെ അനുശോചനമറിയിക്കാനെത്തി.