കാർ മരത്തിലിടിച്ച് വീട്ടമ്മ മരിച്ചു

വരാപ്പുഴ: ദേശീയപാത 66ൽ നിയന്ത്രണംവിട്ട . മന്നം വെടിമറ തോപ്പിൽ പറമ്പിൽ വീട്ടിൽ അബ്ദുൽ ഖാദറിന്റെ ഭാര്യ ഹസീനയാണ്​ (60) മരിച്ചത്. ഇവരുടെ മകൻ അനൂപ് അബ്ദുൽ ഖാദർ (35), അനൂപിന്റെ മക്കളായ മുഹമ്മദ് സഫാൻ (11), മെഹ്റ ഫാത്തിമ (അഞ്ച്​) എന്നിവരെ പരിക്കുകളോടെ ആസ്റ്റർ മെഡ്സിറ്റിയിൽ പ്രവേശിപ്പിച്ചു. ഇവരുടെ പരിക്ക്​ ഗുരുതരമല്ലെന്ന് പൊലീസ് പറഞ്ഞു. വ്യാഴാഴ്ച പുലർച്ച 1.30യോടെ കൂനമ്മാവ് ചന്തക്കപ്പേളക്ക് സമീപമായിരുന്നു അപകടം. പറവൂർ ഭാഗത്തുനിന്ന് ചേരാനല്ലൂരിലെ മകന്റെ വീട്ടിലേക്ക് പോകുന്നതിനിടയിലാണ് അപകടം. പിന്നാലെ എത്തിയ വാഹനയാത്രികരും വരാപ്പുഴ പൊലീസും ചേർന്നാണ് ഇവരെ വണ്ടിയിൽനിന്ന്​ പുറത്തെടുത്ത് ആശുപത്രിയിൽ എത്തിച്ചത്. ഉറങ്ങിപ്പോയതാണ് അപകടത്തിനിടയാക്കിയതെന്ന് വരാപ്പുഴ പൊലീസ് പറഞ്ഞു. ഹസീനയുടെ മൃതദേഹം പോസ്റ്റ്മോർട്ടത്തിന് ശേഷം ഖബറടക്കി. മറ്റു മക്കൾ: ആഷീഫ്, അൻവർ. പടം accident deth ഹസീന